Այս անգամ ևս հայտնիների էջերից առանձնացրել ենք հետաքրքիր, էմոցիոնալ գրառումներն ու լուսանկարները։

Հռիփսիմե Հակոբյանը ամուսնու՝ Մարտին Մկրտչյանի հետ մեկնել է համերգային շրջագայության և իր տպավորությունների մասին պատմել ֆեյսբուքում.

«Եվս մեկ շատ դրական լիցքերով համերգ մոտեցավ իր ավարտին այս անգամ Ստրասբուրգ քաղաքում… Ուզում եմ շնորհակալություն հայտնել մեր հայ հանդիսատեսին նման ջերմ ընդունելության համար, սիրում եմ ձեզ, և այսօրվա համերգն ինձ համար ավելի հուզիչ էր, քանի որ ներկա էր մեր շատ լավ ընկեր Կարեն Մկրտչյանը՝ արդեն բավականին ապաքինված»…

Հասմիկ Ղարիբյանը, թեև ԱՄՆ-ում է, ակայն մեծ խանդավառությամբ հետևում է եվրատեսիլյան իրադարձություններին և դիմում Արամ mp3-ին. «Արամ Սարգսյան ջան, կյանքում առաջին անգամ հպարտ եմ, որ մենք մասնակցում էինք «Եվրատեսիլ»-ին, ելույթիդ ժամանակ արցունքներս չէի կարողանում զսպել, ապրես, բրավո, փայլուն կատարում էր, խոսքեր չկան, հալալ ա քեզ, տաղանդավոր մարդ»։

Նազենի Հովհաննիսյանը սոցցանցում հաճախ է ընկերուհու՝ Սոֆի Մխեյանի հետ լուսանկար հրապարակում, որն այս անգամ մեկնաբանված էր՝ «Թռանք»։ Իսկ թե որտե՞ղ են նրանք մեկնել, նշված չէր, և երկրպագուները փորձում էին կռահել՝ մեկնաբանություններ կատարելով։

Իսկ Գիսանե Պալյանն իր ֆեյսբուքյան էջում տեղադրել էր ահա այս հայտարարությունը. «Սիրելի «EMPYRAY»-ի ընկերներ… Ուզում ենք տեղեկացնել, որ այսուհետ մենք ու Եվա Սուջյանը կաշխատենք առանձին: Սա երկկողմանի որոշում էր: Մաղթում ենք Եվային ստեղծագործական հաջողություններ իր անհատական կարիերայում, իսկ մեր հետագա գործունեության մասին կտեղեկացնենք Ձեզ շատ շուտով»։

***

Հայկ Մարությանը նույնպես ոգևորված էր Արամ mp3-ի փայլուն կատարումով. «Այ սենց հանգիստ, առանց ներվայնանալու գնում ենք առաջ, Արամ ջան։ Ապրես։ Շնորհավոր»։

Ջուս Համբարյանը հաճախ է  հրապարակում թե անձնական, թե աշխատանքային գործունեությանը վերաբերող գրառումներ. այս անգամ երգչուհին գրել է.

«Ոմանք կհարցնեն՝ Ջո՞ւս, այս առավոտ ի՞նչ ես անում ՖԲ-ում։ Ասեմ. հիմա ես և Գուժը գնում ենք ձայնագրման ստուդիա, որ ես ձայնագրեմ իմ նոր «NO FASHION» երգը, որի երաժշտությունը և գործիքավորոմը գրել է Գուժը։

Հ. Գ. Ձեզ սպասում է նոր էմոցիաներ և իմ կողմից նոր ոճ»։