ԵՐՋԱՆԿՈՒԹԻՒՆԸ ԱՅԼԱԶԱՆՈՒԹԵԱՆ ՄԷՋ Է….Եթէ ամէն ծաղիկ ու ծառ, թուփ ու տերեւ յար եւ նման ըլլային մէկզմէկու, ի՞նչ հմայք պիտի ունենային անոնք: Նոյնը կարելի է ըսել մարդ էակին եւ ազգերու համար: Եթէ ըլլային անոնք ամբողջովին ՆՄԱՆԱՏԻՊ, ՆՈՅՆԱԿԱՆ, ի՛նչ ձանձրալի պիտի ըլլար կեանքն ու աշխարհը առհասարակ…: ԱՅԼԱԶԱՆՈՒԹԻՒՆՆ է որ իւրաքանչիւրին կու տայ իր ինքնուրոյն հրապոյրը, անհատական յատկանիշը, որ նման չէ միւսին…: Իսկ մեր ներկայ մեքենականացած կեանքը որքա՛ն կը միտի սպաննել այդ ԱՅԼԱԶԱՆՈՒԹԻՒՆԸ….

***

ՀՈԳԻՆԵՐՈՒ ԳԱՂՈՒԹԱՑՈՒՄ….Սա ամէնէն սարսափելին է, երբ մարդ անհատը՝ ազատութեան պայմաններուն մէջ իսկ, կը ստրկանայ օտար եւ խորթ բարքերու, կուրօրէն կը կապկէ ուրիշինը, կը ստրկանայ նիւթին ու դրամին, կը կլանուի հակամշակոյթի չարժէքներով, անձնատուր կ’ըլլայ լոկ մարմնական անցողիկ վայելքներուն….ամբողջովին կորսնցնելով իր հոգիի եւ մտքի ԱՆԿԱԽՈՒԹԻՒՆԸ, ներքին ԱԶԱՏՈՒԹԻՒՆԸ…: Եթէ կարենաս հոգիդ ու միտքդ ԱԶԱՏ պահել, յայնժամ ոչ մէկ բան կրնայ ստրկացնել քեզ…: Հազուագիւտ ՀՈԳԻՆԵՐ կան, որոնք՝ նոյնիսկ բանտային պայմաններու տակ, կրցած են պահել իրենց ԱԶԱՏ ԱՆՀԱՏԱԿԱՆՈՒԹԻՒՆԸ….Ի՛նչ վսեմութիւն՝ արդարեւ:

Երան Գույումջյանի ֆեյսբուքյան էջից