Մայր Աթոռի տեղեկատվական համակարգի պատասխանատու Տ. Վահրամ քահանա Մելիքյանը, համացանցում տարածված տեսանյութի առիթով, հաղորդագրություն է տարածել. «Համացանցում տարածված տեսանյութը մոնտաժված է և խեղաթյուրված ձևով է ներկայացնում երկու Կաթողիկոսների մտերմիկ հանդիպումը, որին, ի դեպ, թույլատրված չէր նկարահանողների մուտքը: Ինչպես կոմյունիկեի նախագծի հրապարակումը, սա ևս վրացական կողմի հերթական սադրանքն ենք նկատում, ինչը, մեզ անհասկանալի պատճառներով, որոշ շրջանակներ շահարկման նյութ են դարձնում»:
Հաղորդագրության մեջ նաև ասվում է. «Ամենայն Հայոց Կաթողիկոսի Վրաստան կատարած այցի շրջանակներում հունիսի 11-ին Վեհափառ Հայրապետը շքախմբի ուղեկցությամբ այցելեց Վրաց պատրիարքարան, ուր տեղի ունեցավ նախ երկու կաթողիկոսների առանձնազրույցը, ապա լրատվամիջոցների կողմից լուսաբանված պաշտոնական հանդիպումը: Հանդիպման ավարտին Վրաց Պատրիարքը Վեհափառ Հայրապետի և շքախմբի անդամների հետ շրջայց կատարեց պատրիարքարանի շենքում` ներկայացնելով Եկեղեցին, այգին և թռչունները: Այնուհետև Վեհափառ Հայրապետը բարձրաստիճան հոգևորականների հետ առաջնորդվեց պատրիարքարանի մառան, ուր գինու հյուրասիրության ժամանակ տեղի ունեցավ մտերմիկ, անկաշկանդ, ոչ պաշտոնական զրույց, այդ իսկ պատճառով` ռուսերեն լեզվով:
Հյուրասիրության ընթացքում Գարեգին Բ Կաթողիկոսը անդրադարձ է կատարել Հայ Եկեղեցուն հուզող խնդիրներին` ընդգծելով, որ այցի ընթացքում երկու հովվապետերի միջև կայացած պայմանավորվածություններից Վրաց Պատրիարքը պաշտոնական հանդիպման ժամանակ ետքայլ է կատարել: Նաև զրույցում Նորին Սրբությունն անդրադառնում է Վրաց Պատրիարքարանում եղած շրջայցին»:
Հավելենք, որ մեկնաբանությունը հաջորդել է YouTube-ում հայտնված Ամենայն Հայոց կաթողիկոս Գարեգին Երկրորդի և Վրաց պատրիարք Իլյա Երկրորդի բանակցությունների տեսագրությանը, որոնք մեկնաբանել են որոշ լրատվամիջոցներ։
Նկատենք, որ Մայր աթոռը եթե ժամանակին մեկնաբաներ այցը` այնպես, ինչպես վերևում է ներկայացրել, դժվար թե թյուրիմացության տարածումը այդչափ զավեշտալի լիներ:
- 15:10Նիկոլ Փաշինյանը Սուրբ Գիրքն ընկալում է աղանդավորական մեկնություններով. Տիգրան քահանա Բադիրյան
- 13:10Ադրբեջանը խլացնում է Արցախի բջջային կապի և համացանցի հասանելիությունը. Արցախի ՄԻՊ
- 13:10Ես չեմ պատմելու, թե ինչպես էր Աննա Հակոբյանը բունկերում գոռում՝ «ուզում ա 5 հազար մարդ մորթվի․․․»․ Միքայել Մինասյան
- 15:102020թ. հուլիսի 1-ից կավելանա մինչև 2 տարեկան երեխաների խնամքի համար տրվող նպաստը՝ 18.000-ի փոխարեն՝ ծնողները կստանան 25.500 դրամ
- 14:106 անգամ բարձրացնելու ենք առաջին երեխայի ծննդյան միանվագ նպաստը՝ 50 հազար դրամից այն դարձնելով 300 հազար դրամ
- 14:10Թուրքիա-Նախիջևան թռիչքների համար Հայաստանի կամ Իրանի օդային տարածքն այլևս չի օգտագործվի
- 12:10Բոլոր զորամասերն 100%-ով ապահովված են ռազմական տեխնիկայով եւ զինամթերքով. ՊԲ N միավորման հրամանատար
- 11:10Հայաստանի լիակատար շրջափակման հեռանկարը. Ինչ զարգացումներ կարող են լինել
- 12:10Ադրբեջանցի գործիչների երեւակայությունը մոլեգնում է. ԼՂՀ ՊՆ
- 15:15Արցախի ՊՆ-ի կոը՝ անվերապահորեն կատարել հրադադարի պահպանման շուրջ պայմանավորվածությունը