ԿԱՅՍԵՐԱԿԱՆ ՄՏԱԾՈՂՈՒԹԻՒՆԸ էապէս ծաւալողապաշտ մտածողութիւն է, որ կը գրոհէ ամէն ինչ իր հզօրացման եւ ընդլայնման ճամբուն վրայ….ազգեր, մշակոյթներ, պատմական եւ մարդկային իրաւունքներ….Փոքր ազգերը, ինչպէս ՄԵՆՔ, հայերս, միշտ ալ տուժած ենք կայսրութիւններու միահեծան իշխանութեանց տակ, եւ կարեւոր չէ թէ ի՞նչ է անունը տուեալ ԿԱՅՍՐՈՒԹԵԱՆ….ՌՈՒՍԱԿԱ՞Ն, ԱՄԵՐԻԿԵԱ՞Ն, ՕՍՄԱՆԵԱ՞Ն, թէ այլ….Կուլ չերթալու համար անոնց վարած էապէս ԱՇԽԱՐՀԱԿԱԼԱԿԱՆ ՆԿՐՏՈՒՄՆԵՐՈՒՆ, պիտի գիտնանք լաւ կազմակերպուիլ, լաւ գիտնալ մեր հաւաքական ՇԱՀԸ, ԻՐԱՒՈՒՆՔՆԵՐԸ, ԱՐԺԵՀԱՄԱԿԱՐԳԸ….ՀԱՒԱՏԱՐԻՄ ՄՆԱԼ ԱՆՈՆՑ, մշակելով ՀԱՄԱԶԳԱՅԻՆ ՄԵՐ ՌԱԶՄԱՎԱՐՈՒԹԻՒՆԸ….ՈՒՆԻ՞ՆՔ ՆՄԱՆ ԿԱԶՄԱԿԵՐՊՈՒԱԾՈՒԹԻՒՆ ԵՒ ԱԶԳԱՅԻՆ ՌԱԶՄԱՎԱՐՈՒԹԻՒՆ….

***

Եւրոպական ԱՐԺԷՔՆԵՐԸ միշտ ալ սրտիս մօտ եղած են….անոնցմով դաստիարակուած եմ, անոնցմով հիացած եմ՝ կարդալով մեծ մտածողներու գործերը, եւ ոչ միայն….Սակայն, չեմ կրնար ՀԱՍԿՆԱԼ Եւրոմիութեան էապէս ԹՐՔԱՍԷՐ եւ ԹՐՔԱՄԷՏ վերաբերմունքը, չեմ կրնար ՀԱՍԿՆԱԼ Եւրոպական մեծ պետութեանց ԱՆԱՐԴԱՐ ՎԵՐԱԲԵՐՄՈՒՆՔԸ մեր ժողովուրդի ԱՐԴԱՐ ԴԱՏԻՆ, չեմ կրնար ՀԱՍԿՆԱԼ Եւրոպայի հովանաւորութիւնը Թուրքիոյ եւ յարակից այլ պետութեանց գործած ՏՄԱՐԴԻ ԱՐԱՐՔՆԵՐՈՒՆ, ՈՃԻՐՆԵՐՈՒՆ….եւ այսպէս շարունակ:

Երան Կույումջյանի ֆեյսբուքյան էջից