Արմավիրի մարզի Պտղունք գյուղի երեխաները էքստրեմալ սպորտի սիրահարներ չեն, բայց պայմանները, որոնց ենթարկվում են ամեն օր, լրացնում է ադրենալինի պակասը:
Դպրոցի անասնագոմ հիշեցնող շենքն աչքների առաջ մասառմաս քանդվում է: Երեխաները հարազատ կրթօջախի հոգեվարքը ոչ միայն տեսնում, այլև զգում են սեփական կաշվի վրա. առաստաղն է գլխներին փուլ գալիս, հատակն է ոտքերի տակից փախչում, պատուհանները չեն փակվում, դռները չեն բացվում… Իբր դրանք քիչ էին՝ հիմա էլ կրծողներն են սկսել գրոհել: Հատկապես շատացել են առնետները, որոնք անարգել սողոսկում են նույնիսկ աշակերտների պայուսակների մեջ՝ պահելով նրանց վախի ու սթրեսի ճիրաններում:
Կրծողների դեմն առնելու համար դպրոցի ղեկավարությունը թունավոր պայքար է սկսել: Ամեն ծակուծուկ (իսկ դրանք դպրոցում շատ են) լցրել են թույնով՝ լավ գիտակցելով, որ պոտենցիալ վտանգ են ստեղծում նաև երեխաների համար:
Արդեն քանի սերունդ իր ետևից փակելով ոչ թե դպրոցի, այլ անասնագոմ հիշեցնող շինության դուռը, իրեն վիրավորված է զգում պետության այս աստիճան անտարբեր վերաբերմունքից: Որ դպրոցի՝ բառացիորեն գարշահոտ մթնոլորտում 140 երեխա ամեն օր կյանքի համար վտանգավոր թույներ է շնչում, դա որևէ մեկին չի հետաքրքրում: Դարն ապրած վառարանների ու անորակ հեղուկ վառելիքի թերայրումից երեխաների մոտ անընդհատ սրտխառնոց ու գլխապտույտ է առաջանում, գրեթե ամեն օր թունավորման կամ ալերգիայի դեպքեր են արձանագրվում:
Վառարանների ծուխն ու թերայրված վառելիքի կոկորդ սեղմող օդն ստիպում են րոպե առաջ դուրս պրծնել դպրոցից, քանի դեռ օդում կախված հեղձուկը չի հասցրել փակել մաշկիդ ծակոտիներն ու գրոհել թոքերդ: 11-րդ դասարանի աշակերտուհին ժպտում է՝ ասելով. բա մենք ո՞նց ենք դիմանում: Հետո էլ շարունակում. սա ժամանակավոր է՝ մի կերպ կդիմանանք: Բայց որ դպրոցի շենքն է քանդվում, և այդ փաստը որևէ մեկին չի վախեցնում՝ սա է, որ անհանգստացնում է մեզ: «Ես մեկ տարուց կավարտեմ-կգնամ, ինչպես շատերն այս գյուղից, բայց խիղճս տանջվում է այն փոքրիկների համար, որոնք նոր-նոր են դպրոց ոտք դրել, որոնց պատկերացումներում դպրոցն այս թշվառությունն է, այս նավթահոտ դասարաններն ու ծխով լցված, խղճուկ միջանցքները»:
Որ Պտղունքի դպրոցի շենքը վթարային է և օրըստօրե քանդվում է, տեղյակ է անգամ հանրապետության ղեկավարը:
Հոդվածն ամբողջությամբ՝ «Հրապարակ»—ի այսօրվա համարում:
- 13:05FOTON աշխարհահռչակ մակնիշի մեքենաների վաճառքը` Հայաստանում
- 20:03Պայքար՝ հանուն կրթության ոլորտի բարելավման, բուհի առաջընթացի ու զարգացման. Մովսես Խորենացու անվան համալսարանի ռեկտոր
- 12:51Խնդրում ենք ընթերցողների ներողամտությունը
- 10:01«Մենք պատրաստ ենք հրդեհը մարելուն». Մալաթիայի տոնավաճառում օբյեկտային վարժանք է անցկացվել
- 11:10Խորապես դատապարտում ենք Հայրապետի դեմ Փաշինյանի հրահանգով թիկնապահների և ոստիկանների ն գործողությունները. Սյունյաց թեմ
- 12:10Առկա է հրավիրվածների ցուցակ․ ՆԳՆ անվտանգության վարչության պետը՝ Վեհափառի մուտքը արգելելու մասին
- 13:20Պապ թագավորն այն առաքինության կերպարը չի, որ օրինակելի լինի, բայց Փաշինյանը նույնիսկ նրան հավասար չէ․ Միքայել Սրբազան
- 13:02Ախթալայում հանգուցյալին կհուղարկավորեն առանց դիահերձման` ինքնաշեն դագաղով
- 11:17Վանենք մեզանից կործանարար անտարբերությունը, փարատենք թշնամության ու ատելության մթնոլորտը. վեհափառի ուղերձը
- 11:29Հայաստանն ու Ադրբեջանն այսօրվանից Տավուշի հատվածում սահմանապահների են տեղակայում․ ԱԱԾ