Երևանի նախկին փոխոստիկանապետ Ռոբերտ Մելքոնյանը ֆեյսբուքի իր էջում գրել է.

«Մեր մեջ ասած, ես եվրոպական կառույցնների մասին ավելի մեծ կարծիք ունեի: Սակայն Արևելյան գործընկերության ծրագիրը, ԵՄ-ի հետ Ասոցացման համաձայնագիրը նախապատրաստողների պրոֆեսիոնալ մակարդակը ինչ-որ կասկածների տեղիք է տալիս:
Մի քանի տարի աշխատել այդ փաստաթղթի վրա, բայց բացարձակ հաշվի չառնել աշխարհաքաղաքական գործընթացները, այդ երկրների անվտանգության խնդիրները, կոնֆլիկտային իրավիճակները, տնտեսական զարգացման մակարդակը, տնտեսական կապերը, տնտեսական ինտեգրացիայի աստիճանը և հատկապես այդ ամենը Ռուսաստանի հետ: Վրաստանի դեպքերը վառ օրինակ էին և պետք էր անպայման հաշվի առնվեր…Հաշվի առնվեր նաև այդ երկրների բազմամյա կապերը, նրանց էներգետիկ և այլ կախվածությունը, տնտեսական զարգացման առանձնահատկությունները և հնարավորությունները:
Հաշվի չառնել այդ ամենը, մեղմ ասած, անգրագիտություն է, ոչ պրոֆեսիոնալիզմ…Մի քանի տարի այդ եվրոպաշտոնյաները, տվյալ դեպքում Նիկոլ Փաշինյանի բնորոշմամբ` այդ եվրոյոնջաները, ուղղակի հաճույքով մսխել են եվրոպական կառույցների փողերը, մասնակցել այդ երկրներում կազմակերպված կերուխումի սեղաններին ու ժամանակ վատնել…Հետո էլ մեծ-մեծ խոսում են կոռուպցիայի ու մնացած բաների մասին…
Բնականաբար, արդյունքում ծնվեց ոչ «տղա» և ոչ էլ «աղջիկ», այլ ըստ իրենց ճաշակի` մի շատ աննշան, անորոշ, անդեմ «գենդեռիկ»`ինտերսեռ…
Եթե լուրջ մտադրություն կար, ապա Եվրոպան իր հզոր կառույցներով պետք է կանգներ այդ պետությունների կողքին, երաշխավորեր այդ երկրների տնտեսական զարգացման հնարավորությունը և զերծ պահեր կամ նվազագույնի հասցներ Ռուսաստանի հնարավոր հակաքայլերը:
Թե չէ հարուստ բարեկամի խորհրդի նման է ստացվում. «Տունդ վերանորոգի’ր, ես էլ կօգնեմ: Լավ խորհուրդներ, լավ նախագիծ, լավ մտքեր կտամ…»: Խեղճը ստիպված գնեց մի քանի էժանագին պաստառներ և, ինչպես միշտ, ընտանիքով մի կերպ պատերի կեղտը փակեցին…
Մի խոսքով, Ռուսատանը ռսավարի մաքրեց ճակատի քրտինքը և եվրոյոնջաներին շատ մեծ, կեղտոտ եղունգով, ցցուն բութ մատով երեք մատի կոմբինացիա ցույց տվեց…Այո’, «դասական» ռուսական երեք մատերի կոմբինացիա…»: