Ուկրաինայի կառավարությունը համապատասխան որոշմամբ կասեցրել է Եվրոպական միության հետ ասոցացման նախապատրաստական աշխատանքները, ինչի մասին հայտնում է Газета-ն՝ РИА-Новости-ին հղումով։
Կառավարությունը բացատրել է իր որոշումը Ռուսաստանի ու ԱՊՀ երկրների հետ տնտեսական կապերը զարգացնելու անհրաժեշտությամբ։
Բացի այդ, կառավարությունը հրահանգել է համապատասխան նախարարություններին Ռուսաստանին ու Եվրոպական միությանն առաջարկել ստեղծել առևտրատնտեսական հարաբերությունների հարցերով եռակողմ հանձնաժողով, ինչպես նաև վերականգնել երկխոսությունը Մաքսային միության ու ԱՊՀ երկրների հետ՝ առևտրատնտեսական կապերի ակտիվացման նպատակով։
Միևնույն ժամանակ Ուկրաինայի նախագահ Վիկտոր Յանուկովիչը Վիեննայում հայտարարել է, որ Կիևը շարունակելու է շարժվել եվրոպական ինտեգրման ուղով՝ անկախ բոլոր դժվարություններից։
Իսկ Լիտվայի նախագահ Դալյա Գրիբաուսկայտեն նշել է, որ Ուկրաինան անգամ Տիմոշենկոյին արտասահման բուժման ուղարկելու նախապայմանը չիրագործելու դեպքում դեռևս ԵՄ-ի հետ Ասոցացման համաձայնագիր ստորագրելու շանսեր ունի։
«Ասոցացման համաձայնագրի ստորագրումը մինչև վերջին րոպեն կախված է լինելու ուկրաինական կողմի գործողություններից»,-ասել է նա։
Ինչպես ավելի վաղ հայտնել էր Tert.am-ը, Ուկրաինայի խորհրդարանն այսօր մերժել է բոլոր 6 օրինագծերը, որոնք հնարավորություն կտային 7 տարվա ազատազրկման դատապարտված նախկին վարչապետ Յուլյա Տիմոշենկոյին բուժվել արտերկրում։
Ինչպես հայտնում է РИА-Новости-ն, խորհրդարանի այս որոշումն ընդդիմությունը որակել է «խայտառակություն»։ Արտերկրում բուժվելու հնարավորություն ընձեռող օրինագծին կողմ է քվեարկել 195 պատգամավոր՝ անհրաժեշտ 226-ի փոխարեն։
Տիմոշենկոյի ազատ արձակումը Եվրոպական միության հետ Ասոցացման համաձայնագրի ստորագրման նախապայմանն էր։ Որպես հարցի լուծում՝ երկրի ընդդիմությունն առաջարկում էր օրենք ընդունել կալանավորների՝ արտերկրում բուժման մասին, որը Կիևը, փաստորեն, չիրականացրեց։
Գործակալությունը հիշեցնում է, որ նոյեմբերի վերջին Վիլնյուսում «Արևելյան գործընկերության» գագաթնաժողովի շրջանակներում Ուկրաինան մտադիր է Եվրոպական միության հետ Ասոցացման համաձայնագիր ստորագրել։ Մինչդեռ Ռուսաստանն առաջարկում է Կիևին անդամակցել Մաքսային միությանն ու Եվրասիական տնտեսական միությանը։
- 14:10Ուժեղ մագնիսական փոթորիկ մայիսի 31-ին. վտանգավոր երկրափոթորիկ կհարվածի երկրին
- 14:10Եթե Ադրբեջանի և Հայաստանի միջև կնքվի խաղաղության վերջնական համաձայնագիր, դա դրական ազդեցություն կունենա ողջ տարածաշրջանի վրա․ Թուրքիայի ԱԳ նախարար
- 12:10Ֆիդանը 4 հայկական գյուղերի հանձնման մասին. Թուրքիան լիովին աջակցում է Ադրբեջանին
- 14:10Իրանի և Ռուսաստանի հարաբերություններում փոփոխություն չի լինի․ Լավրով
- 14:10Ուկրաինայի կապիտուլյացիայից հետո Զելենսկին պետք է ձերբակալվի և դատարանի առաջ կանգնի կամ չեզոքացվի՝ որպես ահաբեկիչ․ Մեդվեդև
- 11:10Իրանի նախագահի ուղղաթիռը վթարի է ենթարկվել տեխնիկական անսարքության պատճառով. ԻՐՆԱ
- 12:10«Ոչ ոք չի կարող պառակտում մտցնել Իրանի և Ադրբեջանի միջև»
- 11:00Իրանի նախագահն ու արտաքին գործերի նախարարը մահացել են ուղղաթիռի վթարի հետևանքով
- 13:10Պենտագոնը հրաժարվել է թույլ տալ Ուկրաինային ամերիկյան զենքով հարվածել Ռուսաստանին
- 12:10Լուկաշենկոն, այցելելով իր եղբորը՝ Ալիևին, հիշել է «ձեր ազատագրական պատերազմի» նախորդած ընթրիքն ու իր խորհուրդները