Առաջին մասն՝ այստեղ

Մաս երկրորդ. Երաժշտությունը մեզ միացրեց

Չնայած իրենց կյանքում տեղի ունեցող կարևոր իրադարձություններին, Անժելիկա Վարումն ու Լեոնիդ Ագուդինը երբեք չեն դադարել զբաղվել երաժշտությամբ: Նույնիսկ իրենց ամուսնության նկարահանումը նրանք օգտագործել են «Սրտի կես» երգի հիման վրա նկարահանված տեսահոլովակում:

Մի քանի տարի միասին ստեղծագործելով՝ Անժելիկան և Լեոնիդը համատեղ ալբոմ թողարկեցին՝  «Ծառայողական սիրավեպ» խորագրով:

Բացի այդ, նրանք ստեղծել են մի քանի շոու ծրագրեր, ինչի շնորհիվ շրջագայել են ողջ Ռուսաստանով, եվրոպական մի շարք քաղաքներով և մի քանի համերգներով հանդես են եկել ԱՄՆ-ում:

Այսօր ամուսինները խոստովանում են, որ համատեղ աշխատանքն օգնում է նրանց նաև անձնական կյանքում, այդ կերպ նրանք ավելի լավ են հասկանում միմյանց, չեն նեղվում ծանրաբեռնված գրաֆիկից:

Վարումի խոսքով, ինքը շատ լավ է հասկանում ամուսնուն, երբ վերջինս գալիս է շրջագայությունից հոգնած ու անմիջապես գնում քնելու: Շնորհիվ այս փոխըմբռման, Անժելիկա-Լեոնիդ զույգն արդեն քանի տարի պահպանում է հրաշալի հարաբերություններ:

«Ես այն մարդկանից չեմ, որոնք սիրում են ապրել հրաբխի պես: Առանց այդ էլ, մեր ստեղծագործական կյանքը շատ բուռն է, էլ չեմ խոսում իմ բնավորության մասին, այդ իսկ պատճառով ցանկություն է առաջանում, որ ընտանիքում տիրի հանգստություն, կայունություն,- նշում է Անժելիկա Վարումը և հավելում,- այդ առումով Լեոնիդը շատ հարմարվող է, նա թեթև բնավորություն ունի, կայուն և վստահելի անձնավորություն է»:

Լեոնիդ Ագուդինը մի փոքր այլ կերպ է մեկնաբանում հաջող փոխգործակցությունը. «Ցանկացած կարիերա պահանջում է էգոիստություն: Իսկ ստեղծագործականն առավել ևս. այն ամենաէգոիստականն է: Եվ մարդիկ, որոնք քո կողքին են, ծառայում են քեզ՝ ենթարկվելով քո էգոյին: Մեր ամուսնությանն առավելությունը կայանում է նրանում, որ ես և Անժելիկան կախված ենք մեր ստեծագործական էգոիզմից, այդ իսկ պատճառով իրար շատ լավ ենք հասկանում»:

Շարունակելի…