ՀԱՊԿ-ի առաքելության Հայաստան ժամանելու հարցում նախապայման չկա, սակայն, առկա է մեկ այլ հարց։ ՀՀ ԱԺ արտաքին հարաբերությունների ու ֆինանսավարկային և բյուջետային հարցերի մշտական հանձնաժողովների համատեղ նիստին այս մասին ասաց ՀՀ արտաքին գործերի նախարար Արարատ Միրզոյանը։
«Երկու փաստաթղթի մեջ կա այսպիսի մի բան. սեպտեմբերին ՀՀ ինքնիշխան տարածքը խախտվել է, սահմանը խախտվել է։ Ըստ այդմ, կարիք կա ուղարկելու մոնիթորինգային առաքելություն։ Սա, մեր պատկերացմամբ, պետք է լինի այն ռազմաքաղաքական դաշինքի նվազագույն արձագանքը, որում մենք կանք ու մաս ենք կազմում։ Այդ նախագծի մեջ մեր մյուս գործընկերների կողմից այսպիսի պնդում անելը մինչ այս պահը հնարավոր չի եղել։ Ըստ Միրզոյանի՝ սա իր մեջ վտանգ է պարունակում։ Իր խոսքով՝ չֆիքսելով, որ ՀՀ ինքնիշխան տարածքը և ՀՀ պետական սահմանը խախտվել են՝ լեգիտիմացվում է ադրբեջանական խոսույթը, թե չսահմանազատված սահմանին որևէ մեկը չգիտի հստակ սահմանները, հետևաբար որևէ մեկը չի կարող պնդել, թե ադրբեջանական կողմը որևէ սահման է խախտել։ Այս համատեքստում, ըստ Արարատ Միրզոյանի, առավել գերադասելի է, որ ՀՀ դաշնակիցը որևէ հայտարարություն չանի, քան անի հայտարարություն, որով կլեգիտիմացնի ադրբեջանական այդ խոսույթը։
Անդրադառնալով հարցին՝ արդյո՞ք բանակցությունները տեղի են ունենում ուժի սպառնալիքի կիրառմամբ՝ Միրզոյանն ասաց, որ իրենք բազմիցս են հայտարարել, որ Ադրբեջանը պետք է դադարեցնի և՛ ուժի սպառնալիքը, և՛ ուժի կիրառումը։ Իր խոսքով՝ այս մասին 2022 թվականի հոկտեմբերի 31-ին Ադրբեջանի նախագահի մասնակցությամբ համատեղ հայտարարություն է հրապարակվել։Միրզոյանն արձագանքեց նաև պատգամավոր Քրիստինե Վարդանյանի պնդմանը, որ Միրզոյանի հայտարարությամբ, թե իրենք նախորդ բոլոր իշխանությունների պես ճանաչում են Ադրբեջանի տարածքային ամբողջականությունը՝ փորձ է արվում ցույց տալ, թե իրենց գործելաոճում որևէ բան չի փոխվել։ Այնինչ, ըստ նրա, ՀՀ նախկին իշխանությունների կողմից արվող մի շատ կարևոր հայտարարություն բաց է թողնվում։
Այն, որ այդ ամբողջականության հետ որևէ կապ չունի Արցախի Հանրապետությունը։ Նա հայտարարեց, որ ՀՀ ներկա իշխանությունները որևէ բան չեն անում ՀՀ նախկին իշխանությունների պես։ Ըստ նրա՝ դա ապացուցող ամենակարևոր փաստն այն է, որ ի տարբերություն նախորդ իշխանությունների՝ իրենք և՛ ընդդիմությանը, և՛ հանրությանը հրապարակավ ասում են այն, ինչի շուրջ բանակցում են։ Արարատ Միրզոյանը համաձայնեց պատգամավորի այն պնդմանը, որ տարածքների սահմանազատված չլինելը չի կարող առիթ լինել ագրեսիվ որևէ գործողության համար։ Ըստ նրա, հայկական կողմն այս հարցում տարընթերցումներ չունի։ Հարցն, ըստ նրա, առավելապես ադրբեջանական շինծու խոսույթների շրջանակում է։ Այդուհանդերձ, սա չի ստվերում սահմանազատված սահման ունենալու անհրաժեշտությունը։
- 14:10Մոսկվան ոչ կոռեկտ դիվանագիտական վարքով երկարաձգում է Փաշինյանի իշխանությունը․ Աբրահամ Գասպարյան
- 15:10Հայ ժողովրդի և նիկոլ փաշինյանի համակեցության ռեսուրսը վերջացել է. Համատեղ գոյություն այլևս հնարավոր չէ
- 14:10Իսրայելի ՊՆ գլխավոր տնօրենն Ադրբեջան է այցելել Արցախի դեմ Բաքվի ագրեսիայից երկու օր առաջ
- 15:10Արցախը հարկադրված կլինի դիմել համապատասխան քայլերի. Սամվել Շահրամանյան
- 15:10Զորքերի հայելային հետքաշման առաջարկը ուժի մեջ է, ՀՀ-ն ագրեսիվ գործողություններ չի ձեռնարկելու․ ԱԳՆ
- 14:10CNN-ը Հայաստանի մասին. Մի՞թե, Ռուսաստանի ամենահին դաշնակիցներից մեկը հեռանում է Կրեմլի ուղեծրից
- 13:10Արցախում հումանիտար իրավիճակն այնպիսի ծանր դրսևորումներ է ստացել, որ մեծ հաշվով իշխանությունը ստիպված է ընտրությունը կատարել անորոշի, վատի ու վատթարագույնի միջև
- 12:10Ստեփանակերտ. Արցախում ճանապարհները բաց չեն, խոսքը միայն մարդասիրական օգնությամբ երկու բեռնատարների անցման մասին է
- 14:10Տեղորոշել ենք ադրբեջանական զինված տեղակայումները և կարմիր մահիկի մեքենաների վայրը․ Թաթոյան
- 13:10Ստեփանակերտի մեր գործընկերներին խրախուսում և քաջալերում ենք ներգրավվել Բաքվի հետ երկխոսության մեջ․ Փաշինյան