Վերջին օրվա ընթացքում որոշ սոցիալական ցանցերով, ինչպես նաև լրատվական գործունեություն իրականացնող ռեսուրսներով շրջանառվում է Արցախի անվտանգության խորհրդի քարտուղար Վիտալի Բալասանյանի լուսանկարներից մեկը, և տեղադրվում են կեղծ լուրեր առ այն, թե իբր «Վիտալի Բալասանյանը Բերձորի հանձնում-ընդունումն է անում»։ «Արմենպրես»-ի հաղորդմամբ՝ այս առթիվ Արցախի անվտանգության խորհրդի գրասենյակից նշեցին, որ Արցախի Հանրապետության անվտանգության խորհրդի քարտուղարն աշխատանքի բերումով մշտապես այցելում է Հանրապետության տարբեր բնակավայրեր, զբաղվում անվտանգային խնդիրներով, իրականացնում պաշտոնեական գործառույթները։
«Սույն լուսանկարն արվել է անհայտ անձի կողմից՝ անհայտ հանգամանքներում, երբ Վիտալի Բալասանյանը հերթական աշխատանքային այցով գտնվել է ռուսական խաղաղապահ զորքերի հենակետերից մեկում, որը տեղակայված է Արցախի Հանրապետության Ստեփանակերտ-Գորիս միջպետական մայրուղու Շուշի քաղաքին կից գտնվող հատվածում, որտեղ զբաղվել է, մասնավորապես, Արցախի Հանրապետությունը Հայաստանի Հանրապետությանը կապող նոր երթուղու գործարկման հետ կապված անվտանգային խնդիրներով։
Վերլուծելով համացանցով տարածվող այս լուսանկարի կամայական «մեկնաբանությունները»՝ գալիս ենք այն եզրահանգման, որ Վիտալի Բալասանյանի դեմ իրականացվում է կազմակերպված արշավ՝ նպատակ ունենալով փորձել վարկաբեկել Արցախի Հանրապետության պաշտպանության և պետականության ամրապնդման գործում անուրանալի ավանդ ունեցող գործչի բարի անունը։
Ըստ այդմ, պատասխանատու հայտարարում ենք, որ Արցախի Հանրապետության անվտանգության խորհրդի քարտուղար Վիտալի Բալասանյանն իր կենսագրության ընթացքում երբևէ չի զբաղվել հայ ժողովրդի շահերին հակասող գործունեությամբ։ Վիտալի Բալասանյանի՝ 2020 թվականի դեկտեմբերի 5-ից Անվտանգության խորհրդի քարտուղարի պաշտոնը ստանձնելուց հետո նա նվիրվել է օրհասական վիճակի հասցված Արցախի Հանրապետության անվտանգային դիրքերը վերականգնելու առաքելությանը, որի իրականացման արդյունքները բոլորս կարող ենք զգալ առօրյայում»,- նշված է հաղորդագրության մեջ:
Արցախի անվտանգության խորհուրդը խստորեն հորդորում է բոլորին՝ դադարեցնել անպատասխանատու ասեկոսեներ արտադրելու և շրջանառելու անպատիվ փորձերը, իսկ մեր հայրենակիցներին կոչ է անում տուրք չտալ զրպարտություններին։
«Միևնույն ժամանակ հավաստիացնում ենք, որ Արցախի Հանրապետության իշխանություններն անում են ամեն հնարավորը՝ Հանրապետությունում ապահովելու պատշաճ անվտանգային միջավայր»,- նշված է հաղորդագրության մեջ:
- 11:10Պայմանավորված եկամտի ավելացմամբ՝ քաղաքացին կարող է դուրս մնալ անապահովության գնահատման համակարգից․ Պարզաբանում
- 14:10Դա մե՛զ էր պետք, ո՛չ Պուտինին. Սեւակ Հակոբյանը ՀԱՊԿ-ի նիստում Փաշինյանի կողմից փաստաթուղթը չստորագրելու մասին
- 13:10Հնարավոր է՝ «Ֆեյսբուք»-ը ոչ մի լուծում էլ չտա․ Փորձագետը՝ արգելափակումների մասին
- 15:10«Ի՞նչ գործ ունի ադրբեջանական զինված տեղակայումը Շուռնուխի դպրոցի դիմաց». Արման Թաթոյան
- 14:10Ալեն Սիմոնյանի հայտարարությունը՝ Արամ Վարդևանյանի հրաժարականի դիմումի մասին
- 14:10Ցավալիորեն պետք է արձանագրենք, որ շահումով խաղերի նկատմամբ կախվածությունն այսօր տարածվում է նաև կանանց շրջանում․ Արցախի ՄԻՊ
- 14:10Թելեգրամյան կեղծ էջերը հայերի և ռուսների միջև թշնամություն են հրահրում` հայերին մեղադրելով ռուսների վրա հարձակվելու մեջ
- 12:10Դավիթ Գիշյանը սպանվել է գերության մեջ
- 12:10Հրավառությունները Երեւանում կարգելվեն. կթույլատրվեն միայն տոնական օրերին եւ միայն 2 հրապարակում
- 11:10Զոհված զինծառայողի հայրը հայտնել է՝ ինչ պատասխան է ստացել Աննա Հակոբյանից, երբ պահանջել է իր ֆեյսբուքյան էջից հեռացնել որդու շիրիմի և ընտանիքի անդամների լուսանկարը