Թուրքիայի նախկին վարչապետ Ահմեթ Դավութօղլուն սոցցանցում գրառում է արել՝ Ռեջեփ Թայիբ Էրդողանին խնդրելով այլևս չխոսել լիրայի կուրսի մասին, քանի որ դրանից հետո այն ավելի է արժեզրկվում։
Նոյեմբերի 30-ին Էրդողանը թուրքական «TRT»-ի եթերում, մեկնաբանելով թուրքական արժույթի շարունակական անկումը, վերահաստատել էր, որ իր կառավարությունը վարում է տոկոսադրույքի նվազեցման քաղաքականություն․ իրենք տնտեսության նոր մոդել են որդեգրել, որի շրջանակներում նվազեցնում են վերաֆինանսավորման տոկոսադրույքը՝ դրանով աջակցելով տեղական արտադրողին և խթանելով արտահանումը:
Էրդողանի այս հայտարարությունից հետո թուրքական լիրայի փոխարժեքը 1 դոլարի նկատմամբ 13.30-ից հասել էր 13.96-ի՝ գրանցելով հերթական պատմական հակառեկորդը:
Այս զարգացումներից հետո Դավութօղլուն սոցիալական ցանցում հետևյալ գրառումն է արել. «Այն պահին, երբ պետք է երկրին վստահություն ներշնչել, հանգստացնել քաղաքացիներին, նախագահի եթերի ժամանակ դոլարի փոխարժեքը հատում է 13 լիրան, իսկ եթերից հետո հասնում մինչև 14-ի: Այսպիսի հայտարարությունները լիրայի վրա դիտավորյալ հարձակման բնույթ են ստանում: Ի սեր Աստծո, էլ մի՛ խոսիր»:
- 12:10Շարունակվում են Ռուսաստանի հետ բարձր մակարդակով բանակցությունները «Զանգեզուրի միջանցքի» բացման շուրջ. թուրք փոխնախարար
- 13:10Կարո Փայլանը հաղորդում է ներկայացրել դատախազություն իր դեմ ծրագրված սպանության մասին
- 13:10Ուկրաինայում պատերազմի մասին ես ավելի քիչ բան գիտեմ, քան Ղարաբաղի պատերազմի մասին. Զելենսկու գրասենյակի ներկայացուցիչ
- 11:10Ղարաբաղում ապրող հայերը չեն ունենա ո՛չ կարգավիճակ, ո՛չ անկախություն, ո՛չ հատուկ արտոնություններ. Ալիև
- 14:10Թուրքիան սկսել է Ղրիմի թաթարներին երկարաժամկետ կացության կարգավիճակ տալ
- 11:10Սկզբից էլ մենք շեշտել ենք, որ Ադրբեջանի հետ ենք քայլերը համաձայնեցնում. Չավուշօղլուն՝ հայ–թուրքական գործընթացի մասին
- 15:10ԱՄՆ բարձրաստիճան օրենսդիրները դատապարտում են Արցախում ադրբեջանական վերջին ագրեսիան
- 12:10Բայրամովը կրկին մեղադրում է Հայաստանին
- 14:10Ամերիկացիները շուտով կմոռանան Ուկրաինայի մասին. TAC
- 11:10Թուրքիայի աջակցությամբ Ադրբեջանը հաղթեց Հայաստանին. Էրդողան