Անվերապահորեն ու խստիվ դատապարտելի են հայաստանյան նախընտրական քարոզչության շրջանակներում հայության տարբեր խմբերի հանդեպ վիրավորական ու խտրական վերաբերմունքի դրսևորումները, մանավանդ «հայաստանցի-ղարաբաղցի» պառակտիչ տերմինաբանության կիրառումը և արցախցիների հասցեին հնչող թշնամական ու մեղադրական բառապաշարը։ Այս մասին ֆեյսբուքյան իր էջում գրել է Արցախի մարդու իրավունքների պաշտպան Գեղամ Ստեփանյանը։
«Գնացեք ձեր Ղարաբաղը», «ղարաբաղցին չկռվեց», «երբ կպրծնենք ղարաբաղցիներից» «թուրք ղարաբաղցի» և նմանատիպ այլ հայտարարությունները ոչ այլ ինչ են, քան հայության տարանջատման և ներքին թշնամանքի հրահրման անընդունելի փորձեր։ Դատապարտելի է, որ ազգը պառակտող և Արցախի հայության արժանապատվությունը վիրավորող հայտարություններ սոցիալական ցանցերում լայնորեն տարածվում են քաղաքական ուժերին սատարող իրական կամ կեղծ օգտատերերի կողմից։
Առավել դատապարտելի է, երբ նման անպատասխանատու հայտարարություններ հնչում են ՀՀ Ազգային ժողովի պատգամավոր դառնալու հայտ ներկայացրած քաղաքական գործչի կողմից՝ չգիտակցելով, կամ գուցե գիտակցելով իր խոսքի հանրայնությունն ու դրա թողած հետևանքները հանրության՝ այս պարագայում Արցախի հայության առանց այն էլ խոցելի հոգեբանական իրավիճակի վրա։
Արցախցին ոչ միայն կռվեց այս պատերազմում, այլև այսօր էլ ամեն օր պատասխանատվությամբ կատարում է Արցախը հայկական պահելու ծանր և արժանապատիվ առաքելությունը։ Ազատագրական պայքարի 30 տարվա ճանապարհին ողջ հայության հետ միասին, արցախցին ամեն օր երազել է մայր հայրենիքին միանալու մասին՝ իր մաշկի վրա տանելով պատերազմի մշտական վտանգի, միջազգային հանրությունից մեկուսացման ու անտեսման ծանր պայմանները ամենանվիրական գաղափարի՝ հայ մնալու համար։
Միանում եմ գործընկերոջս` ՀՀ մարդու իրավունքների պաշտպան Արման Թաթոյանի՝ նախընտրական քարոզարշավի ընթացքում փոխադարձ մեղադրանքները, վիրավորանքն ու հայհոյանքը դադարեցնելու բազմաթիվ կոչերին և խստիվ պահանջում զերծ մնալ արցախահայության արժանապատվությունը վիրավորելու, արցախցիների հասցեին հայհոյանքներ հնչեցնելու և պիտակավորելու դատապարտելի վարքագծից։
- 13:00Արցախում մահացած զինվորն ինքնասպանություն է գործել. ՔԿ-ն մանրամասներ է հայտնել
- 15:10«Մուղամը՝ ՀՀ նոր օրհներգ». Վահե Հովհաննիսյան
- 14:10Կութում կրակոցները վերսկսել են. «Կրակում են ավտոմատից, պուլիմյոտից. հեռվից հրետանու ձայներ եւս լսվել են». Գեղամասարի համայնքապետ
- 11:10Ադրբեջանի ԶՈՒ-ն կրակ են բացել Գեղարքունիքի հատվածում հայկական դիրքերի ուղղությամբ. 3 վիրավոր ունենք. ՊՆ
- 14:10Փախստականներ` սեփական գյուղում. Radio France Internationale-ի անդրադարձը պատերազմի հետևանքով 2 մասի բաժանված հայկական Շուռնուխին
- 12:10Սյունիքի համայնքապետերի դեմ ապօրինի արշավ է, տեսակցելն արգելված է․ Ռոբերտ Հայրապետյան
- 13:10Արցախը ծանր վիրավոր է, և մենք պետք է ապաքինվենք․ ԱՀ ԱԳ նախարար
- 14:10Ուզում են առաջանան, բայց չի ստացվի, չպետք է թողնենք ոչ մի քայլ առաջխաղացում. Խաչիկ համայնքի ղեկավարը՝ Երասխի մասին
- 12:10ՊՆ-ն պետք է տեղեկատվություն տրամադրի՝ սահմանի տարբեր ուղղություններում տիրող իրավիճակի մասին
- 12:10Տեղ գյուղում կոմբայնավարը պատահմամբ հատել է սահմանը. Ադրբեջանցիները նրան առավոտից պատանդ են պահել