Վերջին շրջանում հակառակորդի կարևոր ռազմական թիրախներից մեկը Արաքս գետի վրա՝ Խուդաֆիրինի կամուրջի մոտակայքում կառուցված  ջրամբարն է,այս մասին քիչ առաջ ճեպազրույցի ընթացքում հայտարարեց ԱՀ նախագահի արտաքին քաղաքականության հարցերով խորհրդական Դավիթ Բաբայանը։

«Ջրամբարը շատ խոշոր է, կառուցվել է Իրանի ֆինանսական միջոցներով և հիմականում օգտագործվում էր Իրանի կողմից: Հաշվի առնելով Իրանի էկոլոգիական վիճակը՝ ապա հյուսիսային շրջանում այն աղետալի է, կան ջրային պաշարների կտրուկ նվազում,Ուրմիա լճի անհետացում, ուստի այս ջրամբարը Իրանի հյուսիսային շրջանների համար հանդիսանում է փրկություն, և թուրք-ադրբեջանական ռազմական մեքենան փորձում է վնասել կամ տիրանալ ջրամբարին: Իհարկե, մեր ՊԲ-նՙ, ԶՈՒ-երը թույլ չեն տալիս, որ հակառակորդը որևէ ձևով հասնի իր նպատակին, բայց սա կարևոր թիրախ է, որն այս ահաբեկչները փորձում են իրականացնել»,-նշեց Դավիթ Բաբայանը:

Վերջինիս հաղորդմամբ՝ ըստ տեղեկությունների այս պահին ահաբեկչական խմբավորումներ կան Իրանի սահմանի որոշ հատվածներում, նա նաև չբացառեց, որ ահաբեկիչների մի մասը արդեն իսկ ներթափանցել է հատկապես այն շրջաններ, որոնք սահմանակից են Ադրբեջանի Լենքորան շրջանին: