Ադրբեջանի կողմից սոցցանցերում ապատեղեկատվության տարածման հիմնական աղբյուրների թվում են ադրբեջանցիների կողմից կոտրված հայկական պրոֆիլները, ձայնային հաղորդագրություններն ու անհայտ աղբյուրների միջոցով տեղեկության տարածումը, օրինակ՝ անհայտ հեղինակների թելեգրամ-ալիքները: Այս մասին լրագրողների հետ զրույցում ասաց տեղեկատվական անվտանգության հարցերով փորձագետ Սամվել Մարտիրոսյանը:
Նրա խոսքով՝ լուրջ խնդիր են ձայնային հաղորդագրությունները, որոնք մարդիկ շատ արագ ուղարկում են միմյանց Facebook Messenger-ի միջոցով:
«Արդյունքում ինչ ասես տարածվում է: Օրինակ, երեկ կեղծ տեղեկություններ տարածվեցին, թե պետք է կեսգիշերին անջատվեն համակարգիչները, քանի որ ռադիացիոն ճառագայթում է սկսվելու»,-ասաց նա:
Մարտիրոսյանը կոչ արեց չուղարկել ձայնային հաղորդագրությունները՝ չունենալով կոնկրետ աղբյուր եւ հեղինակ:
Փորձագետը նշեց, որ անծանոթ համարներից ստացված զանգերն ու հաղորդագրությունները չեն կարող վնաս հասցնել: Նրա խոսքով՝ ադրբեջանիցները դրանք կարող են օգտագործել մաքսիմում հոգեբանական ճնշում գործադրելու կամ էլ վիրավորելու համար:
«Ստացված զանգերից վտանգ չի կարող լինել, եթե հետ չզանգեք: Սովորաբար հետ զանգելու ժամանակ փորձ է արվում հաշիվներից գումար հանել»,-պարզաբանեց Մարտիրոսյանը:
Նա նաեւ կոչ արեց չբացել հաղորդագրություններով ստացված հղումները, քանի որ դրանց միջոցով փորձում են կամ խաբել օգտատիրոջն ու տվյալներ ստանալ, կամ էլ ապատեղեկատվություն ու վիրուսներ տարածել:
Միեւնույն ժամանակ, Մարտիրոսյանն ընդգծեց, որ ադրբեջանցիներից ավելորդ վախը եւս կարող է վնասակար լինել, քանի որ չափից դուրս կասկածամտությունը կարող է խոչընդոտել հայկական տեղեկատվական դաշտի աշխատանքին:
Օրինակ՝ երեկ «Հայաստան» համահայկական հիմնադրամը հայտարարել էր դրամահավաքի մասին, որը շատերն ընդունել էին որպես ադրբեջանական սպամ ու կիսվել սոցցանցերում: Այդ գրառումները հազարավոր մարդիկ կիսվել էին եւ խոչընդոտել հիմնադրամի աշխատանքին, որն ակցիա է անցկացնում ի աջակցություն Արցախի: Այդ պատճառով Մարտիրոսյանը կոչ արեց ստուգել տեղեկության աղբյուրն ու ուղարկողի համարը, իսկ սոցցանցերում՝ օգտատերերի պրոֆիլները:
- 20:03Պայքար՝ հանուն կրթության ոլորտի բարելավման, բուհի առաջընթացի ու զարգացման. Մովսես Խորենացու անվան համալսարանի ռեկտոր
- 12:51Խնդրում ենք ընթերցողների ներողամտությունը
- 10:01«Մենք պատրաստ ենք հրդեհը մարելուն». Մալաթիայի տոնավաճառում օբյեկտային վարժանք է անցկացվել
- 11:10Խորապես դատապարտում ենք Հայրապետի դեմ Փաշինյանի հրահանգով թիկնապահների և ոստիկանների ն գործողությունները. Սյունյաց թեմ
- 12:10Առկա է հրավիրվածների ցուցակ․ ՆԳՆ անվտանգության վարչության պետը՝ Վեհափառի մուտքը արգելելու մասին
- 13:20Պապ թագավորն այն առաքինության կերպարը չի, որ օրինակելի լինի, բայց Փաշինյանը նույնիսկ նրան հավասար չէ․ Միքայել Սրբազան
- 13:02Ախթալայում հանգուցյալին կհուղարկավորեն առանց դիահերձման` ինքնաշեն դագաղով
- 11:17Վանենք մեզանից կործանարար անտարբերությունը, փարատենք թշնամության ու ատելության մթնոլորտը. վեհափառի ուղերձը
- 11:29Հայաստանն ու Ադրբեջանն այսօրվանից Տավուշի հատվածում սահմանապահների են տեղակայում․ ԱԱԾ
- 11:10Պետականության մասին խոսող մարդն իր սեփական ժողովրդին չի խաբի․ մենք, որ ապրում էինք այդ պետականության ծնունդով ու երազանքով, իրենք չկային