Հայաստանում արշավ է սկսվել Ամենայն հայոց կաթողիկոս Գարեգին Երկրորդի դեմ երկրի նախկին նախագահ Ռոբերտ Քոչարյանին, կորոնավիրուսի համավարակի պայմաններում, կալանքից ազատ արձակելու կոչով հանդես գալուց հետո: Այս մասին գրում է Интерфакс գործակալությունը՝ անդրադառնալով կաթողիկոսի հայտարարությունից հետո հնչող արձագանքներին:
«Անսալով Ռոբերտ Քոչարյանի առողջության մասին բժիշկների կարծիքին՝ կարևոր ենք համարում, որ արդարադատության իրականացմանը զուգահեռ ձեռնարկվեն բոլոր կանխարգելիչ միջոցները, այդ թվում և խափանման միջոցի փոփոխումը՝ կանխելու կորոնավիրուսի պայմաններում նրա առողջական վիճակի հետագա վատթարացումը»,- գործակալությունը մեջբերում է կաթողիկոսի խոսքը:
Աղբյուրը նշում է, որ Ամենայն հայոց հայրապետի հայտարարության մեկնաբանությամբ հանդես են եկել մի շարք պաշտոնյաներ:
«Ազատություն» ռադիոկայանի խնդրանքով մեկնաբանությամբ հանդես է եկել Հայաստանի վարչապետ Նիկոլ Փաշինյանի մամլո քարտուղար Մանե Գևորգյանը. «Նախ և առաջ հիշեցնենք, որ Մայր Աթոռ Սուրբ Էջմիածնի տեղեկատվական ծառայության ղեկավար երեց Վահրամ Մելիքյանը մինչ օրս եղել է Սամվել Մայրապետյանի (Հայկական երկրորդ հեռուստաալիքի սեփականատեր) անձնական երաշխավորը, որը Ռոբերտ Քոչարյանի հետ միասին մեղադրվում է 2008թ. մարտի 1-ի գործով: Մայրապետյանը 2019թ. հունվարին բուժման պատրվակով հեռացել է երկրից և չնայած քննչական մարմնի պահանջներին և Վահրամ Մելիքյանի երաշխիքներին՝ չի վերադարձել Հայաստան: Հայաստանի կառավարությունը որևէ կերպ չի մեկնաբանում Նորին Սրբության ցանկություններն ու հույսերը: Միևնույն ժամանակ, ակնկալում ենք, որ Սբ. Էջմիածինը կվերանայի Մայրապետյանին երաշխավորելու պատմությունը և դրա արդյունքում ստեղծված իրավիճակը»:
Միևնույն ժամանակ, ՀՀ խորհրդարանի փոխխոսնակ Ալեն Սիմոնյանը ֆեյսբուքյան իր էջում գրառում է կատարել՝ ասելով, որ «Հայաստանի հազարավոր քաղաքացիներ արդեն երկար ժամանակ է, ինչ կարևոր են համարում Ամենայն հայոց կաթողիկոսի փոփոխության հարցը»:
«Կարծում եմ, որ քաղաքացի Կտրիճ Ներսիսյանը, որը տասնամյակներ շարունակ լռել է, այսօր՝ արդեն նոր իրավիճակի պայմաններում կարող է դատարանում ազատ հանդես գալ որպես երաշխավոր Ռոբերտ Քոչարյանի նկատմամբ խափանման միջոցի փոփոխման համար, և գումար էլ դրա համար, կարծում եմ կգտնվի»,- գրել է Ալեն Սիմոնյանը:
Միևնույն ժամանակ Հայաստանի կառավարությանն առընթեր Հանրային խորհրդի նախագահ Ստյոպա Սաֆարյանը հայտարարել է, որ կաթողիկոսին չի հետաքրքրում մյուս կալանավորների առողջական վիճակը, բացի Ռոբերտ Քոչարյանից:
«Կցանկանայի ասել, ավելի լավ է մոմ վաճառիր, հոգ տար եկեղեցու բիզնեսների մասին և մի խառնվիր պետության գործերին: Գուցե մի օր մեզ արժանի կաթողիկոս լինի»,- գործակալության փոխանցմամբ՝ գրել է Սաֆարյանը ֆեյսբուքյան էջում:
Աղբյուրը նշում է, որ իշխանությունների հայտարարությունները քննադատության են արժանացել Սուրբ Էջմիացնի կողմից: Սբ. Էջմիածնի Միջեկեղեցական հարաբերությունների բաժնի տնօրեն Տեր Շահե ծայրագույն վարդապետ Անանյանը հայտարարել է. «Համավարակն արդեն հոգևոր բնույթ է ձեռք բերում պետական պաշտոնյաների շրջանում»:
«Կաթողիկոսի հասցեին անպատասխանատու հայտարարությունները պետական պաշտոնյաների կողմից ձեռք են բերում մառազմատիկ բնույթ: Դա նշանակում է, որ ՀՀ-ում որևէ մեկը խոսքի ազատություն ու տեսակետ արտահայտելու իրավունք չունի: Չեմ խոսում անգամ այն մասին, որ խոսքը Կաթողիկոսի մասին է, և նրա խոսքերի իմաստը հասկանալու փոխարեն մենք դարձանք անբովանդան, ոչ պատշաճ և անհավասարակշիռ արտահայտությունների ականատեսը»,- գրել է Շահե ծայրագույն վարդապետ Անանյանը ֆեյսբուքյան էջում:
Բացի այդ, Սբ. Էջմիածնի թանգարանների և արխիվի, ձեռագրերի պահոցի տնօրեն հայր Ասողիկ աբեղա Կարապետյանը հայտարարել է, որ Հայաստանի խորհրդարանի փոխխոսնակի խոսքերը վայել չեն պետական բարձրաստիճան պաշտոնյային:
«Մեզ համար մեծ ցավ է, որ պետական պաշտոնյան իրեն նման պահվածք կարող է թույլ տալ: Թույլ մի տվեք, որ հաստատվի այն կարծիքը, որ Հայոց Եկեղեցու դեմ անցյալում կատարված հայտնի ոտնձգությունների հեղինակներն ու հրահրողները նաև այլ հասցե ունեն»,- իր ֆեյսբուքյան էջում գրել է Ասողիկ աբեղա Կարապետյանը:
- 14:10Ցավում եմ, որ ՀՀ իշխանությունները շարունակաբար իջեցնում են նաև քաղաքական մշակույթի նշաձողը՝ խթանելով ներքին պառակտվածությունը, բևեռացվածությունն ու ատելության մթնոլորտը
- 14:10Գործող ռեժիմն ընդամենը սգո ծառայություններ է մատուցում. Ստեփան Դանիելյան
- 12:10ՀՀ-ում տագնապալի զարգացումներ են, անհասկանալի է ձեր հանդուրժողականությունը. Ընդդիմադիր խմբակցությունները՝ դեսպաններին
- 12:10Պահի հրամայականն է կասեցնել Տավուշում սահմանագծման անօրինական գործընթացը
- 11:10Ադրբեջանի նպատակն է՝ ամրապնդվել մեր բարձունքներում, որ շարունակի իր նվաճողական ընթացքը․ Վազգեն Մանուկյան
- 15:10Փաշինյանը Հայաստանի խնդիրները կեղծորեն բարդում է 1915 թվականի ցեղասպանության հոգեցնցման վրա
- 13:10Ճշմարտության և ներքին առողջացման շարժումը թակելու է նաև «մեծարգո»-ի սպասարկման համակարգերի դուռը, ու նաև բոլոր նրանց, ովքեր սխալմամբ իրենց ապահով են զգում
- 13:57Մենք այլևս չունենք ԱԱԾ, այդ հաստատությունը Նիկոլի ռեժիմի հերթական գործիքն է․ Կարեն Վրթանեսյանը՝ ԱԱԾ կողմից հայ զինվորների նկատմամբ քրեական վարույթ նախաձեռնելու մասին
- 12:59Ղազախստանում ձերբակալել են ռուսաստանցու, որը մեղադրվում է տաջիկներին այլ երկրներում պատերազմի մեջ ներքաշելու համար
- 2:20Մի կողմից նույն մարդիկ մեզ ասում են, թե «սահման չկա, սահմանները հստակեցված չեն», մյուս կողմից զինվորին մեղադրում են «սահմանը խախտելու» համար. Վրթանեսյան
04.05.2024 | 14:10
04.05.2024 | 13:10
04.05.2024 | 12:10
04.05.2024 | 11:10
03.05.2024 | 14:10
03.05.2024 | 13:10
03.05.2024 | 12:10
02.05.2024 | 15:10
02.05.2024 | 14:10
02.05.2024 | 13:10
02.05.2024 | 12:10
02.05.2024 | 11:10
01.05.2024 | 15:10
01.05.2024 | 14:10
01.05.2024 | 13:10
01.05.2024 | 11:10
23.04.2024 | 11:42
23.04.2024 | 11:06
13.04.2024 | 13:57
13.04.2024 | 13:26
13.04.2024 | 13:06
13.04.2024 | 12:59
13.04.2024 | 12:28
13.04.2024 | 11:29
12.04.2024 | 14:08
12.04.2024 | 13:56
12.04.2024 | 2:20
10.04.2024 | 15:10
10.04.2024 | 14:10
10.04.2024 | 13:10
10.04.2024 | 12:10
10.04.2024 | 11:10
09.04.2024 | 15:10
09.04.2024 | 14:10
09.04.2024 | 13:10
09.04.2024 | 12:10
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.