Դիլիջան, Մխչյան, Նարեկ համայնքներում գտնվող 15 հողատարածքների օտարման գործընթացի հետ կապված Հովիկ Աբրահամյանի ընտանիքի անդամների և ազգականների կողմից որևէ հանցավոր գործողություն չի կատարվել, հետևաբար նրանց նկատմամբ քրեական հետապնդում չիրականացնելու մասին որոշումներ չեն կայացվել ։ Այս մասին զրույցում ասաց Հովիկ Աբրահամյանի պաշտպան Երեմ Սարգսյանը։ Նա նշեց, որ տեղյակ չէ, թե ովքեր են ձեռք բերել այդ հողատարածքները՝ նշելով, որ գործի մասին այլ տեղեկություններ չի կարող հայտնել։
Հիշեցնենք, որ օրեր առաջ ՀՔԾ–ն հայտնել էր, որ ՀՀ հատուկ քննչական ծառայությունում քննվող քրեական գործով որպես մեղադրյալ ներգրավված ՀՀ նախկին վարչապետ Հովիկ Աբրահամյանի վերաբերյալ քրեական գործի նախաքնության ընթացքում բացահայտվել են Դիլիջան, Մխչյան, Նարեկ համայնքների ղեկավարների և աճուրդային հանձնաժողովների անդամների կողմից առանց աճուրդներ կազմակերպելու` կեղծ փաստաթղթեր կազմելու միջոցով, նույն համայնքների սեփականությունը հանդիսացող 15 հողատարածքներ սեփականության իրավունքով Հովիկ Աբրահամյանի ազգականներին և նրա մերձավոր անձանց վաճառելու դեպքեր, որոնցով, սակայն ՀՀ հատուկ քննչական ծառայության քննիչի կողմից որոշում է կայացվել քրեական հետապնդում չիրականացնելու մասին։
Մեր տեղեկություններով՝ այս գործը միացվել է «Ավազահատիկ» ՍՊԸ-ում կատարված չարաշահումների, ինչպես նաև Հովիկ Աբրահամյանի եղբոր՝ Հենրիկ Աբրահամյանի կողմից ապօրինի կերպով զենք-զինամթերք ձեռք բերելու, կրելու կամ փոխադրելու վերաբերյալ քրեական գործին և քննվում է մեկ վարույթում։ Գործով մեղադրյալի կարգավիճակում են Հովիկ Աբրահամյանը և նրա եղբայրը՝ Հենրիկ (Ջոնիկ) Աբրահամյանը։
Հովիկ Աբրահամյանի նկատմամբ, որպես խափանման միջոց է ընտրվել չհեռանալու մասին ստորագրությունը, իսկ Հենրիկ Աբրահամյանի նկատմամբ՝ գրավը։
- 15:10ԱՄՆ-ից առաքանու միջոցով թմրամիջոց է ներմուծվել Հայաստան
- 11:10«Զվարթնոց» օդանավակայանում հացադուլ անող ֆրանսահայ լրագրող Լեո Նիկոլյանին օդանավակայանում փորձել են թալանել
- 15:10Մի շարք ոստիկաններ նույնիսկ անչափահասների ծնողների uպառնացել են, որ կզրկեն ծնողական իրավունքներից․ փաստաբան
- 15:10Արտառոց դեպք՝ Երևանում. Մալաթիայում գործող «Սուրբ Աստվածածին» եկեղեցու բակում հայտնաբերվել է 5 օրական երեխա
- 14:10Շտապօգնության տնօրենը պարզաբանում է բուժակի հետ կապված միջադեպը
- 15:10Առեղծվածային դեպք՝ Երևանում. տան հյուրասենյակում 17-ամյա աշակերտի մարմին է հայտնաբերվել
- 11:10Ոստիկանությունն ուժ գործադրելու լեգիտիմ իրավունք պետք է ունենա․ Նիկոլ Փաշինյան
- 14:10«Ես գողական կյանքով ապրող եմ, պարտքի մնացած գումարը ինձ պետք է տաք». Գեղարքունիքի բնակիչը սպառնացել է ընտանիքին
- 13:06Արարատի մարզում հայտնաբերվել է 36 կգ ոսկի գողություն կատարող կասկածյալներից մեկը․ գտնվել է գողոնի մի մասը
- 13:56Ավազակություն՝ հոր և որդու կողմից. հոր գործը ուղարկվել է դատարան, իսկ որդին ինքնասպան է եղել՝ նռնակ պայթեցնելով