Երևանի ընդհանուր իրավասության դատարանում դատավոր Աննա Մաթևոսյանի նախագահությամբ այսօր՝ ապրիլի 26-ին, շարունակվեց ՔԿ Լոռու մարզային քննչական վարչության նախկին պետ Թաթուլ Շուշանյանի և մյուսների գործով հերթական դատական նիստը: Այսօրվա դատական նիստում կալանքի տակ գտնվող Թաթուլ Շուշանյանը հայտարարեց, որ հրաժարվում է իր պաշտպաններից Կարեն Թումանյանի ծառայությունից: Նշենք, որ բացի Թումանյանից՝ Շուշանյանի շահերը դատարանում ներկայացնում են նաև փաստաբաններ Հայկ Ալումյանը և Ամրամ Մակինյանը: Վերջինս այսօրվա դատական նիստին միջնորդեց մեկ վարույթում քննել Կամո Փիրուզյանի սպանության և պաշտոնատար անձանց կողմից կաշառք ստանալու վերաբերյալ գործերը:
Նշենք, որ ըստ մեղադրանքի՝ Թաթուլ Շուշանյանը Կամո Փիրուզյանի սպանության ենթադրյալ պատվիրատուի՝ Վահագն Աբգարյանի օգտին իր լիազորությունների շրջանակում ակնհայտ ապօրինի գործողություններ կատարելու և անգործություն դրսևորելու համար Վահագն Աբգարյանից պահանջել և անձամբ ստացել է առանձնապես խոշոր չափերով կաշառք:
Կամո Փիրուզյանի սպանության գործը ներայումս քննվում է Լոռու մարզի ընդհանուր իրավասության դատարանում, իսկ պաշտոնատար անձանց մասով գործը քննվում է Երևանում:
Այս գործով մեղադրող դատախազ Հայկ Պետրոսյանն ու տուժողի իրավահաջորդի ներկայացուցիչ, փաստաբան Լուսինե Սահակյանը, սակայն նկատեցին, որ քրեական դատավարությունը չի սահմանում մի մեխանիզմ՝ համաձայն որի դատական փուլում գտնվող երկու գործեր քննեն մեկ վարույթում:
Գործով ամբաստանյալ Թաթուլ Շուշանյանն էլ հայտարարեց, որ գործի նախաքննության ընթացքում քննիչն ապօրինի որոշում է կայացրել և գործերի վարույթներն անջատել է իրարից: Նա խնդրեց դատարանին՝ միջնորդության վերաբերյալ որոշում կայացնելիս պարզել, թե ի՞նչ նպատակով է գործը քննվել առանձին վարույթներով:
Նախագահող դատավոր Աննա Մաթևոսյանը մերժեց պաշտպանական կողմի միջնորդությունը՝ հիմնավորմամբ, որ այս հարցն իրավական կարգավորում չունի:
Ըստ դատավարի՝ ինչպե՞ս պետք է մի դատավորը մեկ այլ դատավորի վարույթում քննվող գործն իր վարույթում քննվող գործին միացնելու որոշում կայացնի:
Այսօրվա դատական նիստին նախագահող դատավորը գործով ամբաստանյալ Արայիկ Ներսիսյանին հիշեցրեց, որ նա կարող է օգտվել համաներման ակտից: Ներսիսյանի պաշտպան Բակուր Օհանյանը, սակայն, հայտարարեց, որ իր պաշտպանյալը համաձայն չէ, որ իր նկատմամբ համաներում կիրառվի: Նշենք, որ Արայիկ Ներսիսյանը նախքան քրեական հետապնդման ենթարկվելը զբաղեցրել է ՀՀ քննչական կոմիտեի Լոռու մարզային քննչական վարչության հատկապես կարևոր գործերով ավագ քննիչի պաշտոնը: Ըստ մեղադրանքի՝ այդ պաշտոնում ունենալով արդարադատության կապիտանի կոչում, հանդիսանալով պետական հատուկ ծառայություն և իշխանության ներկայացուցչի գործառույթներ մշտապես իրականացնող պաշտոնատար անձ, անձնական այլ շահագրգռվածությունից ելնելով՝ Ներսիսյանը չարաշահել է իր պաշտոնեական լիազորությունները։
Նշենք, որ բացի Շուշանյանից և Ներսիսյանից, այս գործով ամբաստանյալի կարգավիճակ ունի նաև Արրտակ Հովհաննիսյանը: Նա ևս նախկինում զբաղեցրել է ՀՀ քննչական կոմիտեի ՀԿԳ քննության գլխավոր վարչության հատկապես կարևոր գործերով ավագ քննիչի պաշտոնը:
Համաձայն մեղադրական եզրակացության՝ Արտակ Հովհաննիսյանը չարաշահել է իր պաշտոնեական լիազորությունները, որն էական վնաս է պատճառել պետության օրինական շահերին, ինչպես նաև խոշոր չափերով կաշառք է ստացել։
Այսօրվա դատական նիստում մեղադրող դատախազը հրապարակեց այս գործով մեղադրական եզրակացության եզրափակիչ մասը: Գործով երեք ամբաստանյալները հայտարարեցին, որ իրենց համար պարզ չէ, անհասկանալի և անորոշ է մեղադրանքի էությունը: Մեղադրող դատախազը ամբաստանյալներին պարզաբանեց այն, ինչից հետո ամբաստնյալները հայտարարեցին, որ չեն ընդունում առաջադրված մեղադրանքները: Այսօրվա դատական նիստին կողմերը որոշեցին ապացույցների հետազոտման հաջորդականությունը:
- 15:10Առեղծվածային դեպք՝ Երևանում. տան հյուրասենյակում 17-ամյա աշակերտի մարմին է հայտնաբերվել
- 11:10Ոստիկանությունն ուժ գործադրելու լեգիտիմ իրավունք պետք է ունենա․ Նիկոլ Փաշինյան
- 14:10«Ես գողական կյանքով ապրող եմ, պարտքի մնացած գումարը ինձ պետք է տաք». Գեղարքունիքի բնակիչը սպառնացել է ընտանիքին
- 13:06Արարատի մարզում հայտնաբերվել է 36 կգ ոսկի գողություն կատարող կասկածյալներից մեկը․ գտնվել է գողոնի մի մասը
- 13:56Ավազակություն՝ հոր և որդու կողմից. հոր գործը ուղարկվել է դատարան, իսկ որդին ինքնասպան է եղել՝ նռնակ պայթեցնելով
- 13:10Մարտական հենակետում երեք զինծառայողի սպանության գործով դիրքի ավագի պաշտպանը դիմել է ՄԻԵԴ
- 12:10Հայկազ Բարսեղյանի սպանության գործով ամբաստանյալները դատապարտվեցին 18 տարի ազատազրկման
- 14:108,800 դոլարի և 5 մլն դրամի կաշառք ստանալու համար մեղադրվող պաշտոնյաների վարույթի նյութերն ուղարկվել են դատարան
- 13:10Թուրքիայում 2 հայի են բռնել, որոնց կոշիկներում 109 հազար դոլարի ոսկու ձուլակտորներ են թաքցված եղել
- 11:10Չնայած ռեպրեսիաներին Մարտական Եղբայրության անդամների մի խումբ հասել է Ոսկեպար. բերման ենթարկվածների թիվը 3 տասնյակ է
04.05.2024 | 15:10
04.05.2024 | 14:10
04.05.2024 | 13:10
04.05.2024 | 12:10
04.05.2024 | 11:10
03.05.2024 | 14:10
03.05.2024 | 13:10
03.05.2024 | 12:10
02.05.2024 | 15:10
02.05.2024 | 14:10
02.05.2024 | 13:10
02.05.2024 | 12:10
02.05.2024 | 11:10
01.05.2024 | 15:10
01.05.2024 | 14:10
01.05.2024 | 13:10
01.05.2024 | 11:10
23.04.2024 | 11:42
23.04.2024 | 11:06
13.04.2024 | 13:57
13.04.2024 | 13:26
13.04.2024 | 13:06
13.04.2024 | 12:59
13.04.2024 | 12:28
13.04.2024 | 11:29
12.04.2024 | 14:08
12.04.2024 | 13:56
12.04.2024 | 2:20
10.04.2024 | 15:10
10.04.2024 | 14:10
10.04.2024 | 13:10
10.04.2024 | 12:10
10.04.2024 | 11:10
09.04.2024 | 15:10
09.04.2024 | 14:10
09.04.2024 | 13:10
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.