Քաղաքագետ Ալեքսանդր Իսկանդարյանը գտնում է՝ այն, ինչ վերջին օրերին տեղի է ունենում Հայաստանում, դժվար թե աննկատ մնա միջազգային խաղացողների համար։
Այսօր տեղի ունեցած ասուլիսի ժամանակ լրագրողներից մեկը հետաքրքրվեց, թե ՀՀ երկրորդ նախագահի նկատմամբ քրեական հետապնդում սկսելն ու առհասարակ Մարտի 1-ի գործի շրջանակներում տեղի ունեցող զարգացումներն ի՞նչ ազդեցություն կարող են ունենալ Հայաստանի միջազգային վարկանիշի վրա։ Ի պատասխան՝ Ա. Իսկանդարյանը կարծիք հայտնեց, որ որոշակի անհանգստություններ կլինեն, ու դա կապված է և՛ Ռոբերտ Քոչարյանի հետ, և՛ Յուրի Խաչատուրովի։
Նա նկատեց, որ Յու. Խաչատուրովը միջազգային բավականին բարձր աստիճանի չինովնիկ է, ու այն, ինչ տեղի է ունենում հիմա, դժվար թե աննկատ մնա ու որոշակի դժվարություններ չառաջացնի։
«Մենք կփորձենք միջազգային հարթակներում բացատրել, որ այս գործընթացը ներքին բնույթի է, այսինքն՝ այս ամենի պատճառները Հայաստանի ներսում են ու կապ չունեն արտաքին քաղաքականության հետ։ Նման կասկածներ կարող են լինել, բայց վերլուծաբանների խնդիրը կլինի՝ բացատրել, որ սա ոչ այնքան լավ արված հաշվարկ է, ոչ ամբողջական պատկերացնում ներքին և արտաքին հանգամանքների, բայց ոչ դիտավորյալ քայլ է Հայաստանից դուրս ինչ-որ բանի դեմ։ Այս իրադարձություններն ունեն ներքին քաղաքական բնույթ, ու հույս ունեմ, որ դա հասկանալի կլինի նաև արտաքին խաղացողների համար»,- նշեց քաղաքագետը։
Հարցին՝ տեղի ունեցածն ի՞նչ ազդեցություն կարող է ունենալ ղարաբաղյան հարցի վրա, Ա. Իսկանդարյանն այսպես պատասխանեց. «Ընդհանրապես ցանկացած ոչ կայունություն, ցանկացած փոփոխություն և՛ հույս է, և՛ ռիսկ։ Հույս է, որովհետև հին իշխանությունները երբեմն կորցնում են կապը շրջակա աշխարհի հետ, դադարում են ընկալել այն ամենը, որ կա շրջապատում, դադարում են զգալ հասարակությանը, լինել ադեկվատ իրավիճակներին։ Ռիսկեր էլ կան, որովհետև նոր մարդիկ որ գալիս են, նրանք դեռևս փորձ չունեն ու ոչ այնքան հստակ են պատկերացնում այն ամբողջ խնդիրները, որոնք իրենց շուրջ կան։ Եթե կա հակառակորդ, նա պարտավոր է հաշվի առնել ցանկացած ոչ կայունություն։
Մենք հիշում ենք՝ ինչպես դա եղավ։ Հենց Հայաստանում սկսվեցին իրադարձություններ ապրիլին, ադրբեջանցիները սկսեցին ակտիվություն ցուցաբերել սահմաններում։ Նրանք կոլապս էին ակնկալում։ Նրանց, իհարկե, քաղաքական համակարգի կոլապսը չի հետաքրքրում, այլ՝ բանակի, Զինված ուժերի։ Փառք Աստծո, այդ կոլապսը մինչ այսօր տեղի չի ունեցել։ Եթե իրավիճակն այդպիսին մնա ու բանակում կոլապս չի լինի, չեմ կարծում՝ ինչ-որ գերբնական իրադարձություններ կլինեն»։
- 12:54Ադրբեջանական մտահոգությունները և վախերը խոսում են այն մասին, որ մենք ճշտագույն ճանապարհի վրա ենք. Բագրատ սրբազան
- 12:10Շարժման ելքը. առանց «եթե»-ների. Վահե Հովհաննիսյան
- 15:42Ցավով անդրադառնում և դատապարտում ենք նման կեցվածքը Վեհափառ Հայրապետի և հոգևոր դասի նկատմամբ.Առաքել արքեպիսկոպոս Քարամյան
- 11:17Անվտանգության այն կոնցեպտը, որ Հայաստանը մինչև այժմ իրականացրել է, անվտանգություն չի ապահովում, վտանգներ է գեներացնում
- 10:372 պատճառ կա, որ չի եկել՝ նա այլևս կապ չունի մեր երկրի հետ կամ դրսից են թելադրել․ Բագրատ Սրբազանը՝ Փաշինյանի Սարդարապատ չգնալու մասին
- 14:10Նոր վարչապետի թեկնածուի անվան հրապարակումը միանգամից ստեղծելու է նոր իրավիճակ
- 13:10Ադրբեջանցի սահմանապահներն արդեն վերահսկողության տակ են վերցրել Տավուշի մարզի չորս գյուղերը
- 12:17Ինչպես են «Զվարթնոց» օդանավակայանի աշատակիցները բռնության ենթարկում ֆրանսիահայ լրագրող Լեո Նիկոլյանին (տեսանյութ)
- 15:10Ադրբեջանի հետ խաղաղության գնալն անհրաժեշտություն է, բայց՝ վաղաժամկետ. Ադրբեջանը հավակնությունի ունի 114. Հազ. Քկմ տարածքի նկատմամբ
- 13:10Հայաստանի իշխանությունը մտել է պետականության ամրության համար խիստ վտանգավոր թեմաների մեջ. Արման Թաթոյան