Վերջին երկու օրերը շրջադարձային, պատմական նշանակություն ունեն Հայաստանի քաղաքական կյանքում: ԱԱԾ-ի, ոստիկանության հայտարարություններին հետևում են կոնկրետ գործողություններ և բացահայտվում են կոռուպցիոն սխեմաներ, քաղաքացիների դեմ կատարված հանցագործություններ: Դեռ մի քանի շաբաթ առաջ անկարելի էր պատկերացնել, որ ճաղերի հետևում են հայտնվելու նախկին վարչապետ Կարեն Կարապետյանի հավատարիմ հաշվապահը կամ բեսպրեդել գեներալ-օլիգարխ, Քեթրին Միհրան մականունով հայտնի Միհրան Պողոսյանի օգնականը:
Երկրում կտրուկ փոխվել են խաղի կանոնները, և ՀՀԿ գործիչներն արդեն ստիպված են ոչ թե քաղաքական հարթության վրա ընդդիմանալ նոր կառավարության դիրքորոշումներին, ծրագրերին, այլ ԱԱԾ-ում կամ ոստիկանությունում առերեսվել կասկածյալի, մեղադրյալի, մի խոսքով` հանցագործության մեջ մեղադրվողի իրենց կարգավիճակին:
Վահրամ Բաղդասարյանն երեկ ասում էր, թե ԱԱԾ-ի հայտարարությունը չի համապատասխանում իրականությանը, Միհրան Պողոսյանն ու Արմեն Աշոտյանը նույնիսկ ակնարկել են ՀՀԿ-ի դեմ իրականացվող քաղաքական հետապնդումների մասին: Իհարկե, նման պնդումները նույնիսկ ծիծաղելի են, եթե հիշենք նույնիսկ միայն այն փաստը, որ հեղափոխության հետևանքով գահընկեց արված Սերժ Սարգսյանն ոչ միայն բանտում չէ, այլ շարունակում է առոք-փառոք ապրել կառավարական առանձնատանը` Նիկոլ Փաշինյանի հարևանությամբ:
Երկրում գործ ունենք ոչ թե վենդետայի, այլ օրինականության վերականգնման բազմաշերտ գործընթացի հետ: Հենց սա է անհանգստացնում խորհրդարանական մեծամասնություն ՀՀԿ-ին, որովհետև նրա ներկայացուցիչները դադարում են ընդդիմադիր ընկալվելուց, այլընտրանք մարմնավորելուց` բառի բուն իմաստով դառնալով ԱԱԾ և ոստիկանության «թանկարժեք հաճախորդներ», որոնց համար Քրեական օրենսգիրքը նախատեսում է «գոլդ» պատժաչափեր:
Խորհրդարանի մեծամասնության ցուցակն օբյեկտիվորեն դառնում է հակակոռուպցիոն պայքարի թիրախ, «սև ցուցակ», որին քաղաքական համարելը դժվար է լինելու անգամ պայմանականորեն:
ԱԱԾ յուրաքանչյուր նոր բացահայտում քաղաքական և բարոյական հարթությունների վրա ավելի է դելեգիտիմացնելու ՀՀԿ-ին` գործող խորհրդարանը վերածելով իրավապահ մարմինների հաճախորդների «պահեստային նստարանի»:
Քաղաքական այս շրջադարձը հրամայական է դարձնում արտահերթ ընտրությունների հնարավորինս արագ կազմակերպումը, որովհետև գործող խորհրդարանի գոյությունն ոչ միայն քաղաքական անոմալիայի դրսևորում է, այլ նաև` լուրջ խոչընդոտ հակառուպցիոն քաղաքականությանը` քրեաօլիգարխիայի շատ ներկայացուցիչներ պատգամավորական անձեռնմխելիության հետևանքով:
- 12:54Ադրբեջանական մտահոգությունները և վախերը խոսում են այն մասին, որ մենք ճշտագույն ճանապարհի վրա ենք. Բագրատ սրբազան
- 12:10Շարժման ելքը. առանց «եթե»-ների. Վահե Հովհաննիսյան
- 15:42Ցավով անդրադառնում և դատապարտում ենք նման կեցվածքը Վեհափառ Հայրապետի և հոգևոր դասի նկատմամբ.Առաքել արքեպիսկոպոս Քարամյան
- 11:17Անվտանգության այն կոնցեպտը, որ Հայաստանը մինչև այժմ իրականացրել է, անվտանգություն չի ապահովում, վտանգներ է գեներացնում
- 10:372 պատճառ կա, որ չի եկել՝ նա այլևս կապ չունի մեր երկրի հետ կամ դրսից են թելադրել․ Բագրատ Սրբազանը՝ Փաշինյանի Սարդարապատ չգնալու մասին
- 14:10Նոր վարչապետի թեկնածուի անվան հրապարակումը միանգամից ստեղծելու է նոր իրավիճակ
- 13:10Ադրբեջանցի սահմանապահներն արդեն վերահսկողության տակ են վերցրել Տավուշի մարզի չորս գյուղերը
- 12:17Ինչպես են «Զվարթնոց» օդանավակայանի աշատակիցները բռնության ենթարկում ֆրանսիահայ լրագրող Լեո Նիկոլյանին (տեսանյութ)
- 15:10Ադրբեջանի հետ խաղաղության գնալն անհրաժեշտություն է, բայց՝ վաղաժամկետ. Ադրբեջանը հավակնությունի ունի 114. Հազ. Քկմ տարածքի նկատմամբ
- 13:10Հայաստանի իշխանությունը մտել է պետականության ամրության համար խիստ վտանգավոր թեմաների մեջ. Արման Թաթոյան