ՀՀ վարչապետ Կարեն Կարապետյանը պաշտոնը ստանձնելուց հետո սկսեց մեկը մյուսից հետո «բարեփոխումներ» իրականացնել: Առաջինը, ինչ արեց Կարեն Կարապետյանը, մի շարք պետական հիմնարկների լուծարումն ու մարդկանց գործազուրկ դարձնել էր: Կարեն Կարապետյանը հայտարարեց, որ բյուջեն անցնում է խնայողական ռեժիմի: Նա այդ ամիսներին հասցրեց անել դարակազմիկ մի հայտարարություն, որը, հավանաբար, դեռ երկար կհիշվի: «Վերացրեք պրիմիտիվ գողությունը»,-ասաց Կարեն Կարապետյանն, ու ինքն իրեն գցեց կրակը:
Նախօրեին «Ժողովուրդ» օրաթերթը մի հրապարակմամբ է հանդես եկել, ըստ որի՝ ՀՀ պետական բյուջեից ֆինանսավորվող Հայաստանի զարգացման հիմնադրամում և ռազմավարական նախաձեռնությունների կենտրոնում որոշել են իրենց էլիտար հաճույքները բավարարել հարկատուներիս հաշվին:
Թերթը պարզել է, որ Հայաստանի զարգացման հիմնադրամը որոշել է բյուջեի միջոցներով գնել սիգարետներ՝ յուրաքանչյուրը 1500 դրամ արժողության (թան էլ չէ, փրթած մածուն), թանկարժեք սուրճերի տեսականի:
Ռազմավարական նախաձեռնությունների կենտրոնը ևս զերծ չի մնացել նման գործելաոճից, նրանք էլ որոշել են գնել 12 հազար դրամանոց «Էսպրեսսո» սուրճեր, նաև՝ լուծվող սուրճերի այլ տեսականի:
Ինչ է այս ամենը, եթե ոչ պրիմիտիվ գողություն: Սա գողություն է, եթե անգամ Գրիգորիչը հայտարարի, որ մեր իմացած գողությունն այս գողությունը չէ:
Գալով վարչապետին նշենք, որ այս հիմնադրամը, որը գործում է պետբյուջեի հաշվին, դեռ ոչ մի առաջընթաց էլ չի ապահովել: Այս հիմնադրամի ՕԳԳ-ն հավասար է զրոյի, որովհետև ոչ մի քաղաքացի դեռ չի զգացել այն զարգացումը, որը պետք է ապահովեր Հայաստանի զարգացման հիմնադրամը:
Ինչ է ստացվում այս ամենի արդյունքում: Կարեն Կարապետյանը հայտարարում է , որ չինովնիկները վերջ տան պրիմիտիվ գողություններին, բայց իր թիկունքում, իր վստահելի թիմակիցները բյուջեի հաշվին նման էլիտար հաճույքներ են իրենց թույլ տալիս՝ «պաստավկա» անելով Կարեն Կարապետյանին:
Իրականում պրիմիտիվ գողությունը չի վերջանալու այնքան ժամանակ, քանի դեռ Կարեն Կարապետյանը միայն խոսում է՝ դուր գալու համար:
Կարապետյանն իր փիառի ու ճռճռան մտքերից պետք է անցում անի գործի, որ պրիմիտիվ գողությունն էլ վերանա, զարգացման հիմնադրամն էլ իմանա, թե ինչի համար է ինքը ստեղծված: Այլապես, այս պրիմիտիվ գողության ընդամենը մեկ օրինակը կարող ենք համարել ՝ «գողություն վարչապետի բարձր հովանու ներքո»:
Մկրտիչ Հարությունյան
- 13:05FOTON աշխարհահռչակ մակնիշի մեքենաների վաճառքը` Հայաստանում
- 20:03Պայքար՝ հանուն կրթության ոլորտի բարելավման, բուհի առաջընթացի ու զարգացման. Մովսես Խորենացու անվան համալսարանի ռեկտոր
- 12:51Խնդրում ենք ընթերցողների ներողամտությունը
- 10:01«Մենք պատրաստ ենք հրդեհը մարելուն». Մալաթիայի տոնավաճառում օբյեկտային վարժանք է անցկացվել
- 11:10Խորապես դատապարտում ենք Հայրապետի դեմ Փաշինյանի հրահանգով թիկնապահների և ոստիկանների ն գործողությունները. Սյունյաց թեմ
- 12:10Առկա է հրավիրվածների ցուցակ․ ՆԳՆ անվտանգության վարչության պետը՝ Վեհափառի մուտքը արգելելու մասին
- 13:20Պապ թագավորն այն առաքինության կերպարը չի, որ օրինակելի լինի, բայց Փաշինյանը նույնիսկ նրան հավասար չէ․ Միքայել Սրբազան
- 13:02Ախթալայում հանգուցյալին կհուղարկավորեն առանց դիահերձման` ինքնաշեն դագաղով
- 11:17Վանենք մեզանից կործանարար անտարբերությունը, փարատենք թշնամության ու ատելության մթնոլորտը. վեհափառի ուղերձը
- 11:29Հայաստանն ու Ադրբեջանն այսօրվանից Տավուշի հատվածում սահմանապահների են տեղակայում․ ԱԱԾ