Ուկրաինական ազգային ոստիկանության տվյալներով՝ Ուկրաինայում հիմա կա 15 «օրենքով գող», որոնցից 7-ը ուկրաինացի են։ Այս մասին Realist’у-ին հայտնել է Ուկրաինայի Ազգային ոստիկանության պետի առաջին տեղակալ Վյաչեսլավ Աբրոսկինը։

Ուկրաինայի ոստիկանության տվյալներով՝ երկրի 15 «օրենքով գողերի» մեջ ամենահայտնի դեմքերից է ազգությամբ հայ Արմեն Խոխոլը, նույն ինքը՝ Արմեն Խաչատրյանը։

«Ներկա պահին կա 7 գող, որ մեզ մոտ եկել են, մերոնք եւս 7-ն են։ Կարող եմ նշել վերջիններիս անունները՝ «Անտիմոս», «Լերա Սումսկոյ», «Նեդելյա», «Վասյա Ուշատիյ», «Արմեն Խոխոլ», «Ումկա», «Պոլտավա», «Խմելո»»,- ասել է Աբրոսկինը։

Ոստիկանությունում նշում են, որ նրանցից երկուսն իրենց համար ձեռք են բերել այս «տիտղոսը»։ Նրանք են՝  «Նեդելյան», որը շատ ժամանակ է անցկացնում Կիեւում, եւ «Ումկան»՝ փաստացի Դնեպրում է ապրում։ Նրանք երբեք ազատազրկման վայրերում չեն հայտնվել խանութներից, բնակարաններից, բանկերից գողության համար։

Երկուսն էլ պատասխանատվության են ենթարկվել փաստաթղթերի կեղծման համար: Դա է նրանց գողականության աստիճանը։ Եվ այս երկուսը փորձում են ազդել մեր կյանքի բոլոր ուղղությունների վրա»,- ավելացրել է Աբրոսկինը։

Հարցին, թե ինչ տպավորություն են թողնում օրենքով գողերը շփման ընթացքում, Վյաչեսլավ Աբրոսկինը պատմել է․ «Նրանք լավ հոգենբաններ են, լավ հասկանում են մարդկանցից։ Նրանց գործառույթներից մեկն էլ դատավորների առջեւ հանդես գալն է, հետեւաբար նրանք խելացի, հավասարակշռված, սառնասիրտ են։ Նրանց հետ հնարավոր է խոսել ցանկացած թեմայով»։

armtimes.com