Մամուլն այսօր մի լուր է հրապարակել, որի համաձայն՝ Գագիկ Ծառուկյանը մտադիր է առաջիկայում ֆուտբոլային ակումբ հիմնել: Ֆուտբոլի զարգացման առումով սա հիանալի է: Առաջանում է մրցակցության, այն էլ հին ու անհաշտ մի մրցակցություն: Խնդրի էությունը հասկանալու համար, նախ հասկանանք, թե ինչ կա այս ամենի հետևում:
Հայաստանում ամեն ինչ, այդ թվում սպորտը բաժանված է օլիագարխների միջև: Եթե Օլիմպիական սպորտաձևերը «տիրություն» է անում Գագիկ Ծառուկյանը, ապա ֆուտբոլը՝ Ռուբեն Հայրապետյանը:
Երկար տարիներ է, ինչ Հայրապետյանն ու Ծառուկյանն ունեն լարված հարաբերություններ, և Գագիկ Ծառուկյանի մուտքը ֆուտբոլ է՛լ ավելի կլարի նրանց հարաբերույթունները:
Դեռ նախորդ տարվա՝ ֆուտբոլի հավաքականի ձախողումից հետո, Գագիկ Ծառուկյանի մերձավոր շրջապատն սկսեց խոսել, որ Հայրապետյանի «ձեռքից վերցնում են» ֆուտբոլը ու տալիս Ծառուկյանին: Դա տեղի չունեցավ: Իսկ Ծառուկյանը ֆուտբոլային ասպարեզում ցանկանում է մրցակցել Հայրապետյանի հետ՝ ապացուցելու, որ ինքն ավելի շատ հաջողությունների կարող է հասնել, քան Հայրապետյանն է հասել: Ամենայն հավանականությամբ Ծառուկյանը կհիմնի Կոտայքի «Աբովյան» ՖԱ, որի վրա կներդրվեն լուրջ գումարներ:
Ընդհանրապես Հայաստանում ֆուտբոլը կզարգանա միայն այն ժամանակ, երբ գործարարները լուրջ միջոցներ ներդնեն ֆուտբոլում, զարգացնեն ենթակառուցվածքները, նորոգեն մարզադաշտերը, լավ աշխատավարձ վճարեն տեղում խաղացող ֆուտբոլիստներին, նրանց մոտիվացնեն գեղեցիկ ֆուտբոլ խաղալու համար, որից հետո հանդիսատեսը կգնա մարզադաշտ՝ երկրպագելու իր սիրելի թիմին…
Բայց մեզ մոտ նման բան գրեթե գոյություն չունի: Միայն մի դեպքում է այսպես, այն էլ թերի: Միայն Գյումրու «Շիրակն» է, որ ունի հավատարիմ երկրպագուներ, լավ մարզադաշտ, անընդհատ գումարներ են ներդրվում, քիչ թե շատ «Շիրակը» ցուցադրում է գրավիչ խաղ: Եթե մամուլի այս հրապարակումը իրականաություն դառնա, ապա կարող ենք փաստել, որ հայկական ֆուտբոլում նոր զարգացումներ կլինեն:Մրցակցություն կսկսվի, որից կշահի միայն սպորտը: Այ թե ի՞նչ կլինի օլիգարխների հարաբերություններում, դա ֆուտբոլասերին այդքան էլ չի հուզում, չէ՞ որ նրանց հետաքրքրում է միայն զարգացած ֆուտբոլը:
ՀԳ. Հաճախ հայտարարում են, որ Հայաստանում բնակչությունը քիչ է, այդ պատճառով էլ ֆուտբոլը չի զարգանում: Սա լկտի սուտ է: Բոլորս էլ տեսել ենք 350 հազար բնակիչ ունեցող Իսլանդիայի ցուցադրած ֆանտաստիկ ֆուտբոլը: Հայաստանը ավելի շատ ռեսուրս և հնարավորություն ունի, քան գաճաճ պետություն համարվող Իսլանդիան:
Մկրտիչ Հարությունյան
- 13:05FOTON աշխարհահռչակ մակնիշի մեքենաների վաճառքը` Հայաստանում
- 20:03Պայքար՝ հանուն կրթության ոլորտի բարելավման, բուհի առաջընթացի ու զարգացման. Մովսես Խորենացու անվան համալսարանի ռեկտոր
- 12:51Խնդրում ենք ընթերցողների ներողամտությունը
- 10:01«Մենք պատրաստ ենք հրդեհը մարելուն». Մալաթիայի տոնավաճառում օբյեկտային վարժանք է անցկացվել
- 11:10Խորապես դատապարտում ենք Հայրապետի դեմ Փաշինյանի հրահանգով թիկնապահների և ոստիկանների ն գործողությունները. Սյունյաց թեմ
- 12:10Առկա է հրավիրվածների ցուցակ․ ՆԳՆ անվտանգության վարչության պետը՝ Վեհափառի մուտքը արգելելու մասին
- 13:20Պապ թագավորն այն առաքինության կերպարը չի, որ օրինակելի լինի, բայց Փաշինյանը նույնիսկ նրան հավասար չէ․ Միքայել Սրբազան
- 13:02Ախթալայում հանգուցյալին կհուղարկավորեն առանց դիահերձման` ինքնաշեն դագաղով
- 11:17Վանենք մեզանից կործանարար անտարբերությունը, փարատենք թշնամության ու ատելության մթնոլորտը. վեհափառի ուղերձը
- 11:29Հայաստանն ու Ադրբեջանն այսօրվանից Տավուշի հատվածում սահմանապահների են տեղակայում․ ԱԱԾ