Վերջին շրջանում շատ են խոսում այն մասին, որ Ադրբեջանը Նախիջեւանի կողմից ամրացնում է իր դիրքերը` համագործակցելով Թուրքիայի հետ:
Առաջին հետախուզադիվերսիոն խմբի հիմնադիր-հրամանատար ՎՈՎԱ ՎԱՐԴԱՆՈՎԸ «Իրավունքի» հետ զրույցում անդրադառնալով այս հարցին, ընդգծեց,  երբ Նախիջեւանի բանակային կորպուսը դարձավ բանակ,  սկսեց ավելի լավ վերազինվել.«Իհարկե մեզ համար վտանագավոր է, քանի որ ունի տակտիկական նշանակություն, սակայն ինչ-որ տեղ ստարտեգիական ոչ մի նշանակություն չունի, որովհետեւ, եթե ցանկություն ունենանք Նախիջեւանը ջնջելու, ապա կջնջենք, նույնիսկ եթե այնտեղ միջուկային զենք կիրառեն»,-փաստեց  Վովա Վարդանովը եւ ավելացրեց, որ այստեղ խնդիրը հայկական կողմի քաղաքական որոշումների եւ ռազմադիվանագաիկական դաշինքների մեջ ոչ ճիշտ զբաղեցնելու մեջ է.«Մենք այժմ մտել ենք ռազմական դաշինքի մեջ, որտեղ բացարձակ դեր չենք կատարում, եթե կոպիտ է հնչում ջանդամ` «պեշկայի» դեր ենք կատարում, նույնիսկ եթե ՀԱՊԿ-ի տարածքի վրա կրակում են, ընդհնարապես նրա վեջը չէ, չեմ հասկանում ինչու այնտեղ պետք է մնանք , ինչու պետք է մեր ռազմադիվանագիտությունը կամ դիվանագիտությունը թեկուզ մեկ կոպեկ աշխատավարձ ստանա, եթե նորմալ իր գործառույթները չի իրականացնում:

Եթե նորմալ ռազմադիվանագիտություն եւ դիվանագիտություն ունենաք Նախիջեւանը մեզ պարսիկներն ու ռուսները նվեր կտան: Այս դաշտում է պետք շատ աշխատել, թե չէ լեռների ու Արաքսի մեջ մխրճված այդ տարածքը մեկից մեկ է ազատելը»,-փաստեց Վովա Վարդանովը: