Կենտրոնական բանկը մեկ շաբաթ առաջ եկող տարվա հետ կապված կանխատեսումներ է արել, որ գնաճի ենթակա ապրանքները բավականին շատ են։ Այս մասին, NEWS.am-ի թղթակցի հետ զրույցում նշել է Երեւանի նախկին քաղաքապետ, տնտեսագետ, ՀԱԿ անդամ Վահագն Խաչատրյանը։
Նրա խոսքով, եթե այս տարի գնաճը նախատեսված է 2-2.5 տոկոս, ապա հաջորդ տարի 4.5 տոկոս. «Սա առաջին հերթին պայմանավորված է նրանով, որ 2018 թվականի հունվարի 1-ից որոշ ապրանքատեսակների գծով ուժի մեջ կմտնեն ԵՏՄ մաքսային դրույքաչափերը։ Երկրորդ՝ համաշխարհային շուկայում տնտեսական ակտիվություն կա, եւ այդտեղից նաեւ ազդակներ կան, որ գները կբարձրանան, իսկ երրորդ պատճառն այն է, որ կառավարությունը նախատեսում է տնտեսությունը խթանող քաղաքականություն վարել, որն էլ իր հերթին կբերի գնաճի։ Դա նաեւ կառավարության ծրագրով է նախատեսվում, եւ այդ 4.5 տոկոս աճի մեջ կա նաեւ ինֆլյացիայի որոշակի հանգամանք»։
Բացի դրանից, ըստ Վահագն Խաչատրյանի եկող տարվա գնաճային ֆոնը ապահովող հիմնական հանգամանքը հունվարի 1-ից ԵՏՄ-ում որոշ ապրանքների ակցիզային դրույքաչափերի բարձրացումն է. «Դրանք ամենօրյա օգտագործվող ապրանքներ են, խոսքը հատկապես վերաբերում է վառելիքին, խտացված գազին, բենզինին եւ անհասկանալի է, թե ինչի է բարձրացվում ակցիզը։ Ներկայացնում են, թե փորձում են համահավասարեցում տեղի ունենա ԵՏՄ-ում, բայց դա ընդունելի չէ։ Օրինակ գազի գնի հարցում մենք հավասար պայմաններում չենք գտնվում ԵՏՄ մյուս երկրների հետ։ Այն գինը, որը վճարում են մեր քաղաքացիներն ու մեր բիզնեսը, շատ ավելի բարձր է, քան շատ այլ երկրներում»։
Տնտեսագետի խոսքով, Հայաստանում խտացված գազով է աշխատում ավտոմեքենաների 70 տոկոսը, այդ թվում տաքսիները, հասարակական տրանսպորտը, ու դրա թանկացումը անմիջապես զգալու են հասարակ քաղաքացիները։
«Այս ամենի հետեւանքով կթանկանա տաքսին, տրանսպորտը, բենզինը, որի գինն առանց այդ էլ աճի միտում է դրսեւորում, ինչը, իմիջիայլոց, ոչ մրցակցային միջավայրի հետեւանք է, քանի որ Հայաստանում վառելիքի ներկրողը մեկն է եւ ինքն է թելադրում գները։ Այսինքն ակնհայտ է, որ այստեղ զուտ ֆիսկալ, բյուջետային հարց է լուծվում։ Գազի եւ բենզինի թանկացումը բերում է նաեւ էլեկտրաէներգիայի թանկացման, որի արդյունքում բիզնեսը վնաս է կրելու, նրանց մրցակցային առավելությունները նվազելու են։ Ակցիզային հարկի բարձրացումը շատ վտանգավոր է եւ հնարավորություն չի տալու մեր բիզնեսին աշխատել»։
Վահագն Խաչատրյանը նշեց, որ ծխախոտի ու խմիչքի թանկացումը եւս հասկանալի չէ, եւ սա ցույց է տալիս, որ Հայաստանը իր տնտեսական զարգացման ապագան չունի, պատկերը չունի. «Բացարձակ լավ օրեր չեն սպասվում մեր քաղաքացիներին»։
- 13:05FOTON աշխարհահռչակ մակնիշի մեքենաների վաճառքը` Հայաստանում
- 20:03Պայքար՝ հանուն կրթության ոլորտի բարելավման, բուհի առաջընթացի ու զարգացման. Մովսես Խորենացու անվան համալսարանի ռեկտոր
- 12:51Խնդրում ենք ընթերցողների ներողամտությունը
- 10:01«Մենք պատրաստ ենք հրդեհը մարելուն». Մալաթիայի տոնավաճառում օբյեկտային վարժանք է անցկացվել
- 11:10Խորապես դատապարտում ենք Հայրապետի դեմ Փաշինյանի հրահանգով թիկնապահների և ոստիկանների ն գործողությունները. Սյունյաց թեմ
- 12:10Առկա է հրավիրվածների ցուցակ․ ՆԳՆ անվտանգության վարչության պետը՝ Վեհափառի մուտքը արգելելու մասին
- 13:20Պապ թագավորն այն առաքինության կերպարը չի, որ օրինակելի լինի, բայց Փաշինյանը նույնիսկ նրան հավասար չէ․ Միքայել Սրբազան
- 13:02Ախթալայում հանգուցյալին կհուղարկավորեն առանց դիահերձման` ինքնաշեն դագաղով
- 11:17Վանենք մեզանից կործանարար անտարբերությունը, փարատենք թշնամության ու ատելության մթնոլորտը. վեհափառի ուղերձը
- 11:29Հայաստանն ու Ադրբեջանն այսօրվանից Տավուշի հատվածում սահմանապահների են տեղակայում․ ԱԱԾ