Իսրայելական Aeronautics Defense Systems Ltd. (ADS` խմբ.) անօդաչու թռչող սարքեր արտադրող ընկերության ներդրողները ADS-ի դեմ 115 մլն ԱՄՆ դոլարի դատական հայց են ներկայացրել: Ընկերությունը Բաքվի «խնդրանքով» հայկական դիրքերին մահապարտ ԱԹՍ-ով հարվածելու գործի քննության ընթացքում հսկայական ֆինանսական վնասներ է կրում: Հայցի մասին հայտնել է Իրայելի խորհրդարանի (Կնեսսետ) պատգամավոր Թամար Զանդբերգը. փոխանցում է իսրայելական CTech մասնագիտացված կայքը:
Կնեսսետի պատգամավորը դիմել է այդ երկրի պաշտպանության նախարար Ավիգդոր Լիբերմանին՝ առաջարկելով դադարեցնել Ադրբեջանին անօդաչուներ վաճառելու այդ ընկերության արտոնագիրը՝ կից ներկայացնելով նաև դատական հայցի մասին մանրամասներ:
Միջադեպի մասին հայտնի էր դարձել դեռևս օգոստոսի 13-ին: Իսրայելական պարբերականներից մեկը հայտնել էր, որ Ադրբեջանի բանակի ներկայացուցիչները իսրայելական ընկերության պատվիրակությանն Ադրբեջանում առաջարկել էին նոր մահապարտ ԱԹՍ-ն «փորձարկել» հայկական դիրքերի դեմ։ Նշվում էր, որ թեև իսրայելցի օպերատորները հրաժարվել են՝ այն գործադրել են նույն իսրայելական պատվիրակության ղեկավարները:
Ավելի ուշ հայտնի դարձավ, որ Իսրայելում սկսված հետաքննության արդյունքում նախ կասեցրել են Ադրբեջանին տվյալ տեսակի մահամարտ ԱԹՍ-ների վաճառքի արտոնագիրը, ապա նաև գործի քննությունը ՊՆ-ից հանձնել Իսրայելի ոստիկանության միջազգային հանցագործությունների հետաքննման բաժանմունքին:
Ըստ որում, յուրաքանչյուր նոր զարգացմանը զուգահեռ իսրայելական ընկերության բաժնետոմսերի շուկայական արժեքը կտրուկ ընկնում էր: Իսրայելական CTech կայքի տվյալներով՝ նոյեմբերի 14-ին քրեական գործի մասին հայտնելուց հետո բաժնետոմսերը մեկ օրում ևս 20 տոկոսով արժեզրկվել էին: Արդեն նոյեմբերի 15-ի դրությամբ ընկերության շուկայական կապիտալիզացիան (բոլոր բաժնետոմսերի ընդհանուր գինը) նախկին 213 մլն ԱՄՆ դոլարի փոխարեն կազմում էր 169 մլն դոլար:
Այսպիսով միջադեպի և դրա շուրջ ստեղծված աղմուկի, հետաքննության արդյունքում Ադրբեջանին անօդաչուներ վաճառող ընկերությունը շուրջ ֆինանսական վնասներ է կրում: Ներդրողների դատական հայցը կարող է ավելի ծանր իրադրություն ստեղծել: Հավելենք, որ ADS-ն Ադրբեջանին ոչ միայն վաճառում է անօդաչուներ, այլև Ադրբեջանում գործում է այդ ընկերության ԱԹՍ-ների հավաքման համատեղ գործարան:
- 13:10Ես չեմ պատմելու, թե ինչպես էր Աննա Հակոբյանը բունկերում գոռում՝ «ուզում ա 5 հազար մարդ մորթվի․․․»․ Միքայել Մինասյան
- 15:102020թ. հուլիսի 1-ից կավելանա մինչև 2 տարեկան երեխաների խնամքի համար տրվող նպաստը՝ 18.000-ի փոխարեն՝ ծնողները կստանան 25.500 դրամ
- 14:106 անգամ բարձրացնելու ենք առաջին երեխայի ծննդյան միանվագ նպաստը՝ 50 հազար դրամից այն դարձնելով 300 հազար դրամ
- 14:10Թուրքիա-Նախիջևան թռիչքների համար Հայաստանի կամ Իրանի օդային տարածքն այլևս չի օգտագործվի
- 12:10Բոլոր զորամասերն 100%-ով ապահովված են ռազմական տեխնիկայով եւ զինամթերքով. ՊԲ N միավորման հրամանատար
- 11:10Հայաստանի լիակատար շրջափակման հեռանկարը. Ինչ զարգացումներ կարող են լինել
- 12:10Ադրբեջանցի գործիչների երեւակայությունը մոլեգնում է. ԼՂՀ ՊՆ
- 15:15Արցախի ՊՆ-ի կոը՝ անվերապահորեն կատարել հրադադարի պահպանման շուրջ պայմանավորվածությունը
- 11:10Պատմական չվերթ Երևանից Վան
- 12:10ՀՀ ազգային անվտանգության ծառայությունը բացահայտել է հօգուտ Ադրբեջանի լրտեսության դեպք