Վաղուց տարբեր աստղեր չէին «հարձակվել» Քիմ Քարդաշյանի վրա: Իսկ հիմա աղետը եկավ այնտեղից, որտեղից չէին սպասում. Քիմի վրա «հարձակվել» է ընտանիքի ընկերը՝ բրիտանացի հաղորդավարուհի եւ երաժշտական պրոդյուսեր Շերոն Օսբորնը:

Օզի Օսբորնի 64-ամյա կինը Daily Telegraph-ին տված հարցազրույցում խոսել է իսկական ֆեմինիզմի մասին:

«Հասկանո՞ւմ եք, այն, ինչ հիմա անում են այդ բոլոր հայտնի մոդել-աղջիկները կամ աստղ-աղջիկներն իրենց մարմնի հետ, ոչ մի ընդհանուր բան չունի ֆեմինիզմի հետ: Այն, ինչ սկսվում է սեքս տեսաերիզներով եւ ավարտվում պլաստիկ վիրահատությամբ, իսկ հետո՝ գայթակղիչ հագուստով կամ առանց դրա տեսախցիկների առջեւ կեցվածք ընդունելով, ոչ մի ընդհանուր բան չունի կանանց առաջընթացի հետ:

Դա ընդհանուր բան ունի սեքսի հետ, իսկ դա, ինչպես հայտնի է, լավ է վաճառվում: Ամեն դեպքում՝ Աստված նրանց հետ»,- ասել է հայտնի ռոքերի կինը:

Ինչ վերաբերում է Քիմ Քարդաշյանին (նրա մերկ ֆոտոսեսիաներին ու սելֆիներին), որի հետ Շերոնը բազմիցս է հանդիպել իր շոուների ժամանակ եւ որի հետ, կարծես, մտերիմ է, հաղորդավարուհին նշել է.

«Այն, ինչ անում է Քիմը, ֆեմինիզմ չէ, դա մարմնավաճառություն է: Ինչո՞վ է նա օգնում ֆեմինիզմի շարժմանը՝ մշտապես ցուցադրելով մերկ մարմինը: Նա մշտապես ասում է, որ դա հանուն կանանց ու կանանց շարժման է անում: Դա անհեթեթություն է:

Քիմը պնդում է, որ ֆեմինիստ է, բայց նա պարզապես պոռնիկ է: Ես նրա լուսանկարների դեմ ոչինչ չունեմ, նա անում է՝ ինչ ուզում է: Ոչ մի վատ բան չկա նրանում, որ դու պոռնիկ ես, պարզապես հարկավոր է հիշել այդ մասին»:

NEWS.am STYLE