Թուրքիայում քննարկում են Atlasglobal ավիաընկերության ինքնաթիռի վայրէջքը։

Օդաչուները «նստեցրել են» ինքնաթիռը սարսափելի եղանակային պայմաններում։

ՆՏՎ–ի հաղողրդմամբ, նախօրեին Boeing ինքնաթիռը, որում եղել է 121 ուղևոր և անձնակազմի 6 անդամ, կատարել է Ստամբուլ–Կիպրոս չվերթը։ Օդում կարկուտի հետևանքով կոտրվել է օդաչուների խցիկի ապակին և ինքնաթիռի առջևի հատվածը։ Օդանավի հրամանատարը որոշել է վերադառնալ Ստամբուլ։

Ինքնաթիռը բարեհաջող վայրէջք է կատարել, ոչ ոք չի տուժել։ Վայրէջքը կատարել է ուկրաինացի օդաչու Ալեքսանդր Ակոպովը։ Սոցցանցերում նրան անվանում են «Թուրքիայի հերոս»։

«Հրամանատարը վայրէջք է կատարել գրեթե «կույր» պայմաններում։ Երբ նա «նստեցրել է» ինքնաթիռը, «Աթաթյուրքի» ողջ օդանավակայանը ծափահարում էր նրան։ Մյուս ինքնաթիռների օդաչուները միացնում–անջատում էին ինքնաթիռի ցոլարձակ լապտերն ու պարզապես գալիս էին սեղմելու Ակոպովի ձեռքը։ Թուրքական բոլոր հեռուստաալիքները ցուցադրում էին ինքնաթիռի վայրէջքի կադրերը», – գրել է Facebook–յան օգտատեր Անաստասիա Անխեևան, ով գրառում է կատարել միջադեպի մասին։