ՀՀ հատուկ քննչական ծառայությունում քրեական գործ է հարուցվել 10 տարի ժամկետով ազատազրկման դատապարտված ՀՀ ԱՆ «Արմավիր» քրեակատարողական հիմնարկի դատապարտյալ Ա. Մ.-ի հաղորդման եւ ՀՀ ԱՆ քրեակատարողական վարչության կողմից իրականացված ծառայողական քննության նյութերի հիման վրա:
ՀՔԾ-ից հայտնում են, որ դատապարտյալ Ա. Մ.-ն Հատուկ քննչական ծառայությունում հաղորդում է տվել այն մասին, որ «Արմավիր» քրեակատարողական հիմնարկի ծառայողները զբաղվում են ակնհայտ ապօրինի գործողություններով, մասնավորապես` կաշառքի դիմաց բջջային հեռախոսներ հիմնարկ ներկրելով: Դատապարտյալը հայտնել է, որ ՔԿՀ-ի օպերատիվ բաժնի ծառայող Հ. Կ.-ի հետ ձեռք բերված պայմանավորվածության արդյունքում վերջինս 2016 թվականի դեկտեմբերին եւ 2017 թվականի հունվարին իրեն փոխանցել է բջջային հեռախոսներ, որոնց դիմաց ԱՄՆ-ում բնակվող իր հայրը հիշյալ աշխատակցի մատնանշած անձի հաշվեհամարին փոխանցել է շուրջ 550 ԱՄՆ դոլար գումար: Ինքն էլ, իր հերթին, նշված հեռախոսները վաճառել է նույն հիմնարկի այլ դատապարտյալների:
Բացի այդ, ըստ Ա. Մ.-ի հաղորդման, նույն հիմնարկի պաշտոնատար անձինք խցի խուզարկությամբ մի քանի անգամ հայտնաբերել են իրեն պատկանող բջջային հեռախոսներ, որից հետո կեղծ տեղեկանքներ են կազմել, թե, իբր, դրանք հանձնել են իր ծանոթներին, մինչդեռ իրականում դրանք հետ են վերադարձրել իրեն:
Այսպիսով, «Արմավիր» քրեակատարողական հիմնարկի պաշտոնյաների կողմից պաշտոնեական դիրքը չարաշահելու, կաշառք ստանալու, կաշառք տալու եւ պաշտոնեական կեղծիք կատարելու վերը նշված դեպքերի առթիվ ՀՀ հատուկ քննչական ծառայությունում քրեական գործ է հարուցվել ՀՀ քրեական օրենսգրքի 308-րդ հոդվածի 1-ին մասով, 311-րդ հոդվածի 2-րդ մասով, ինչպես նաեւ 312-րդ եւ 314-րդ հոդվածների 1-ին մասերով:
Կատարվում է նախաքննություն:
- 15:10ԱԱԾ. Բացահայտվել է պաշտոնատար անձանց կողմից պաշտոնեական լիազորությունները չարաշահելու դեպք
- 11:10Այս պահին Ադրբեջանում անհիմն մեղադրանքներով դատապարտված են 40 հայ ռազմագերիներ և քաղաքացիական անձինք.ԱՀ ՄԻՊ
- 10:36Երեւանի փողոցներից 18 մարդ բերման է ենթարկվել ոստիկանության բաժիններ
- 14:10Առանձնապես խոշոր չափերով կաշառք ստանալու համար մեղադրանք է առաջադրվել Հայաստանի տարածքային զարգացման հիմնադրամի պաշտոնատար անձանց
- 14:10Չտրամադրվող վարկեր՝ կեղծ էջերով. ոստիկանությունը զգուշացնում է
- 15:10ՊՆ գնդապետ պաշտոնյան պատերազմի ժամանակ հափշտակել է «Գազպրոմ Արմենիա»-ին պատկանող «ՈՒԱԶ»-ը
- 15:10Շինաշխատանքների ընթացիկ ավարտական ակտերն ընդունելու համար պահանջել է 25 մլն ՀՀ դրամ. ԱԱԾ
- 12:10«Քանաքեռցի Տույը» նախկին պատգամավորին իր իսկ տանը սպանել է Արայիկ Հարությունյանի պարգևատրած զենքով
- 11:10Բերդ համայնքի ղեկավարը կալանավորվել է
- 12:14Մարտաֆիլմ հիշեցնող կրակոցներ Քանաքեռում. 4 սպանվածներից մեկը քրեական հայտնի հեղինակություն «Քանաքեռցի Տույն է»