SHAMSHYAN.com-ի տեղեկություններով՝ Հայաստանի քննչական կոմիտեի Լոռու մարզային քննչական վարչության Ստեփանավանի քննչական բաժնում նյութեր են նախապատրաստվում՝  հունիսի 24-ին, ոստիկանության Ստեփանավանի բաժին դիմած քաղաքացուհու բողոքի փաստով:

Ինչպես հայտնում է ֆոտոլրագրող Գագիկ Շամշյանը, Լոռու մարզի բնակիչ, 20-ամյա Լիլիթ Ղ.-ն դիմել է ոստիկանություն և հայտնել , որ նույն օրը ժամը 20:00-ի սահմաններում Ստեփանավան-Վանաձոր ավտոճանապարհին Պուշկինյան ոլորաններում սպիտակ գույնի անհայտ մակնիշի ավտոմեքենայի վարորդը, ով ներկայացել է որպես Կարեն, ավտոմեքենայի մեջ բռնաբարել է իրեն:

Լիլիթ Ղ.-ն հայտնել է նաև, որ վարորդը իր գործը ավարտելուց հետո Գարգառ գյուղի սկզբնամասում իրեն իջեցրել է ավտոմեքենայից և հեռացել:

Ֆոտոլրագրողի տեղեկություններով՝ Ստեփանավանի քննչական բաժնի քննիչի կողմից Լիլիթ Ղ.-ին տրվել է դատաբժշկական փորձաքննության ենթարկվելու ուղեգիր, իսկ ոստիկանությունը ձեռնարկում է անհրաժեշտ օպերատիվ գործողություններ՝ ավտոմեքենան հայտնաբերելու, ինչպես նաև Լիլիթ Ղ-ի մատնանշած տղամարդուն հայտնաբերելու ուղղությամբ:

Ֆոտլրագրողի տեղեկություններով՝ բռնաբարվածը ոստիկաներին հայտնել է նաև ավտոմեքենայի համարանիշները:

Գ. Շամշյանը հայտնում է նաև, որ նման բռնաբարության մեկ այլ դեպքի մասին Լիլիթ Ղ.-ն իրավապահներին հայտնել էր 4 տարի առաջ, սակայն հետո հերքվել էր դա:

shamshyan.com