«Ռեալ մենք պատերազմի մեջ ենք, պարզապես այն առանձին օրերին թեժանում է, հետո՝ ավելի հանգիստ է, բայց մենք պատերազմական գործողությունների մեջ ենք: Անցյալ տարի ապիլից հետո Ադրբեջանը հայտարարեց պատերազմ և շարունակում է այդ պատերազմը տարբեր մեխանիզմներով, տարբեր ձևերով: Նույնիսկ այս տարվա ապրիլի 28-ին, երբ Ռուսաստանը նախաձեռնեց հանդիպում՝ Հայաստանի և Ադրբեջանի արտգործնախարարների միջև, հակառակորդը դրանից երկու օր առաջ սպանեց մեր զինվորին, նույն քայլը կրկնեց նաև հանդիպման օրը, ևս մեկ զոհ ունեցանք»: Shabat.am-ի հետ զրույցում նման կարծիք հայտնեց Գլոբալիզացիայի և տարածաշրջանային համագործակցության վերլուծական կենտրոնի նախագահ Ստեփան Գրիգորյանը՝ անդրադառնալով, նախօրեին Ադրբեջանի կողմից իրականացրած սադրիչ գործողություններին, որի հետևանքով հայկական կողմն ունեցավ 3 զոհ, և 2 վիրավոր: Արցախի Հանրապետության պաշտպանության մամլո ծառայությունն այսօր հայտնել է ևս մեկ զոհի մասին: Քաղաքագետը նշում է, որ մեր հանրությունը պետք է ֆիքսի այդ փաստը, որ մենք պատերազմի մեջ ենք, քանի որ դրանից բխում են մեր գործողությունները:
«Պետք է հասկանանք, որ Ադրբեջանը ցանկանում է ցանկացած գնով ստատուս քվոն փոխել: Նրանք հակված չեն բանակցել, Ադրբեջանը չի ցանկանում Վիեննայի համաձայնություններն իրականացնել՝ վստահության մթնոլորոտի ստեղծում, վերահսկում՝ Արցախ-Ադրբեջան շփման գծում: Իրենց նպատական է միակողմանի զիջումների գնալ: Այսօր դա է Ադրբեջանի քաղաքականությունը»:
Ստեփան Գրիգորյանն ասում է, որ հայկական կողմը պետք է համապատասխան քայլեր ձեռնարկի՝ ռազմական և դիվանագիտական ոլորտում: Անդրադառնալով հունիսի 19-ից Անդրբեջանում իրականացվելիք հերթական լայնամասշտաբ զորավարժություններին, վերլուծաբանը նշեց. «Ակնհայտ է, որ իրենք ցանկանում են բանակի մարտունակությունը բարձրացնեն, ցանկանում են ուժով լուծել Արցախի հարցը, դա է պատճառը, որ զորավարժություններ են իրականացնում:
Տարբեր մեխանիզմներ օգտագործում են բանակն ուժեղ դարձնելու համար, բացի այդ՝ զորավարժությունները միշտ իրենք օգտագործում են, որ կուտակումները՝ զենքի, զինամթերքի, ուժեղացվեն Հայաստան-Արցախ շփման գծում»: Քաղաքագետի խոսքով՝ Ադրբեջանը չի հարգում միջազգային խաղի կանոնները, և պատրաստ է ամեն ինչի գնալ. «Մենք պետք է պատրաստ լինենք, որպեսզի պատասխան տանք Ադրբեջանին»: Խոսելով քառօրյա պատերազմի մասին, քաղաքագետն ասաց. «Ապրիլյան պատերազմի վերսկսման վտանգ միանշանակ կա: Ադրբեջանը ցանկություն ունի նորից սկսել, սակայն չգիտի թե ինչպես է արձագանքելու միջազգային հանրությունը: Նրանք միայն դրանից են վախենում, բայց պատրաստ են պատերազմի»:
- 15:10Ադրբեջանը մեր օդային տարածքով ահաբեկիչներ չի՞ տեղափոխում Նախիջևան. Ղազինյանը՝ Սարգսյանին
- 12:10Համաձայն չենք Ադրբեջանի նախագահի ձևակերպման հետ, թե եռակողմ հայտարարության բոլոր կերտերը կատարվել են, առկա է գերիների խնդիր
- 11:10Պուտին-Փաշինյան-Ալիև եռակողմ հանդիպման արդյունքներով ընդունված հայտարարությունը
- 13:10Պարզ էր, որ Բաքուն չէր բավարարվի պարզապես ղարաբաղյան հակամարտության լուծմամբ. ՌԴ Պետդումայի պատգամավոր
- 12:10Բրյուսելում Փաշինյան-Ալիեւ սպասվող հանդիպումը Մոսկվային չի անհանգստացնում, որոշումներ Սոչիում կարող են կայացվել. Սիլաեւ
- 15:10Փաշինյանը հայ հասարակությանը նախապատրաստում է ծանր զիջումների. եթե միջանցք չի լինելու, ինչու է Ադրբեջանի և Նախիջևանի կապը առանձնակի շեշտվում
- 11:10Ադրբեջանը փորձում է լարվածություն մտցնել հայ-հունական հարաբերություններում. ՀՀ դեսպանը խոսել է Սալոնիկի միջադեպի մասին
- 13:10Ռուս փորձագետ. Արցախի՝ Բաքվին անցած շրջանները շատ լուրջ խնդիր են դառնում Ալիեւի համար
- 14:10Իրանի շահերից չի բխում, որ թուրքադրբեջանական դաշինքը անգամ 1սմ առաջանա ՀՀ-ում
- 15:10Ադրբեջանը և Նախիջևանը կապող «միջանցքը» չի կարող քննարկման առարկա լինել.Արարատ Միրզոյանի հարցազրույցը «Լը Ֆիգարոյին»