Դա ռազմական հեղաշրջման փորձ էր, ոչ թե հայկական հետախուզության գործը, հայտարարել է ադրբեջանցի լրագրող, քաղաքական վտարանդի Բեյդուլլա Մանաֆովը, անդրադառնալով Ադրբեջանում վերջերս տեղի ունեցած իրադարձություններին, որոնց ընթացքում հայկական հատուկ ծառայությունների օգտին լրտեսություն անելու համար մեղադրվել են ադրբեջանական ԶՈՒ հարյուրավոր զինվորականներ:
«Պաշտպանության նախարարն ու շտաբի պետը բացահայտել են հեղաշրջման փորձը: Նրանք զեկուցել են գերագույն գլխավոր հրամանատարին: Նա իր շրջապատի հետ խորհրդակցել է եւ հրահանգել տեղի ունեցածը ներկայացնել որպես հայկական հետախուզության ձեռքի գործը», հայտարարել է Մանաֆովը:
Նրա խոսքով, ծրագրվում էր երկրի նախագահի ու նրա մերձավոր շրջապատի, ՊՆ վերնախավի, կառավարության անդամների եւ որոշ պատգամավորների ձերբակալությունը:
Զինվորականներին չի հաջողվել իրականացնել ծրագիրը, քանի որ նրանց շարքերում կար մատնիչ, ասել է լրագրողը, ով Ադրբեջանի ժողովրդական ճակատի փոխնախագահի եւ Թբիլիսիից առեւանգված լրագրող Մուխտարլիի ձերբակալությունը կապում է այս իրադարձությունների հետ:
Մինչ Մուխտարլիի ձերբակալությունը, ադրբեջանական ԶԼՄ-ներում տեղեկություն էր հայտնվել, որ Ալիեւի դեմ հեղաշրջում է պատրաստվում Թբիլիսիում, որտեղ գտնվում է ընդդիմադիր շտաբը:
Ադրբեջանում ներքին հեղաշրջումների ու Ղարաբաղյան պատերազմի փուլերի միջեւ ակնհայտ կապ կա: Թվարկենք մի շարք իրադարձություններ:
1992 թ. մայիսի 14-15-ին Ադրբեջանի Ժողովրդական ճակատի ստորաբաժանումները գրավել են կառավարական շենքերը եւ հայտարաել իշխանությունը վերցնելու մասին: Մութալիբովը հրաժարական է տվել ու հեռացել երկրից: Դա տեղի է ունեցել Շուշիի ազատագրումից հետո:
1993 թ. հունիսին ազգային բանակի նախկին գնդապետ Սուրաթ Հուսեյնովը զինված ապստամբություն բարձրացրեց Ժողովրդական ճակատի դեմ, տանկային արշավ իրականացնելով Գանձակից Բաքու: Էլչիբեյը պաշտոնանկ եղավ ու փախավ Նախիջեւան: Իշխանության անցավ Հեյդար Ալիեւն ու վարչապետ նշանակեց Հուսեյնովին: Դա այն շրջանն էր, երբ հայկական ուժերն անցել էին հարձակման ու մեկը մյուսի հետեւից շրջաններ էին ազատագրում:
1994 թ. հոկտեմբերին Հուսեյնովը եւ ոստիկանության հատուկ նշանակության ուժերը պետական հեղաշրջման փորձ արեցին, սակայն տապալվեցին, ինքը Հուսեյնովը լքեց երկիրը: Այդ տարվա մայիսին Հայաստանը, Ղարաբաղը եւ Ադրբեջանը կնքել էին զինադադարի համաձայնագիրը:
1995 թ. մարտին Ոստիկանության հատուկ նշանակության ուժերը գնդապետ Ռովշան Ջավադովի գլխավորությամբ կրկին ապստամբություն բարձրացրին Հեյդար Ալիեւի դեմ: Գրոհի արդյունքում սպանվեց Ջավադովը եւ եւս 50 ոստիկան: 1995-ի մարտին հաստատվեց Ղարաբաղում զինադադարի համաձայնագիրը:
Արդյոք Ադրբեջանում վերջին շրջանի իրադարձությունները նախանշում են նոր փուլ Ղարաբաղյան հակամարտության ասպարեզում: Եվ ո՞վ կարող էր կանգնած լինել հավանական հեղաշրջման փորձի հետեւում՝ ամերիկացիները, ռուսները, Իսրայելը, Թուրքիան, գուցե Մեհրիբան Ալիեւան:
- 12:10Հույս ունեմ, որ այս անգամ Ադրբեջանը և Հայաստանը փոխզիջումների միջոցով կկարողանան կայուն խաղաղություն հաստատել. ՀՀ Նախագահ
- 15:10«Հայելային հետ քաշում»-ը հակահայկական օրակարգ է՝ հղի նոր տարածքների կորստով
- 13:10Հայ-ադրբեջանական սահմանագծից զորքերի հայելային հետքաշման հիմքում դրվել են Խորհրդային Հայաստանի սահմանները
- 15:10Փաշինյանը կորցնում է ժողովրդավարական կառավարման՝ իր մեծապես գնահատված հաղթաթուղթը. Հարութ Սասունյան
- 13:10Ալիևը ոգևորված է Փաշինյանի տարեվերջյան ասուլիսից. Անդրանիկ Թևանյան
- 12:10Թուրքիան ՀՀ-ի հետ հարաբերությունների կարգավորման գործընթաց է մտնում նախապայմաններով. Հայկ Մամիջանյան
- 14:10Տարածքային կառավարման նախարարությունը թաքցրել է գազի փաստացի թանկացման մասին տեղեկատվությունը
- 13:10Ադրբեջանը Թուրքիայի թելադրանքով փորձում է ապամոնտաժել ղարաբաղյան հակամարտության կարգավորման մեխանիզմը
- 11:10Ինչքան էլ իշխանություններն ասեն, թե Թուրքիայի հետ առանց նախապայմանների են բանակցում, ակնհայտ է, որ դրանք կան և Հայաստանը գուցե դրանք բավարարելու խոստում տվել է
- 15:19Ընդդիմադիր. Հայաստանի իշխանությունը կարող է հրաժարվել Հայոց ցեղասպանությունից եւ Ղարաբաղից