Շառլ Ազնավուր, շքեղ զգեստներ և գեղեցիկ մարդիկ: Ռուս հայտնի դիզայներ Վյաչեսլավ Զայցևի ցուցադրությունը գեղեցկության, շքեղութան, փայլի , բարձրաշխարհիկ կյանքի մասին էր: Դիզայները Երևանի նորաձևության շաբաթվա շրջանակներում ներկայացրեց երկու հավաքածու՝ «Իմպրովիզացիա» եւ «Ոսկե դար»։
««Իմպրովիզացիա» հավաքածուի թեման կապված է կտորին դիպչելու ցանկության հետ. երկար եմ էսքիզներ ընտրել, իմպրովիզացիան արվում է կտորի վրա։ Կարծում եմ՝ հոյակապ է ստացվել, իսկապես գեղեցիկ զգեստներ եմ ստեղծել»,- առանց ավելորդ համեստության նշեց դիզայները։
Զգեստներն իրոք գեղեցիկ էին՝ իրենց հատուկ տրամադրությամբ: Բեմում շքեղ զգեստներով ճեմող մոդելները ասես պարահանդեսում լինեին, ովքեր սպասում էին , որ իրենց պարի հրավիրեն: Ի դեպ պարի հրավիրողներ նույնպես կային. ոչ պակաս շքեղ կոստյումներով տղամարդիկ, ովքեր իսկական ներկայացում էին խաղում պոդիումի վրա:
Բացի փայլից, ոսկեգույնից, հարուստ, վառ գույներից, հավաքածուներում շատ էին ազգային էլեմենտները . «Լավ դիզայները նա չէ, որը կարողանում է ճիշտ կրկնօրինակել ազգայինը, այլ նա է, որը կարողանում է հաջող այն կիրառել նորաձեւության մեջ: Կրկնօրինակումը ձանձրալի է եւ անհետաքրքիր: Ազգային կոստյումներից լավը չկա, պարզապես, այն հորինելն է բարդ: Այն այսօր պետք է լինի նորաձեւության հիմքը, իսկ լուծումները բոլորովին այլ պետք է լինեն: Կարեւոր է կտորների ընտրությունը, որոնք պետք է ընդգծեն դիզայների ինքնուրույնությունը»,- նկատեց Վյաչեսլավ Զայցևը:
Ցուցադրությունն ուղեկցվում էր լեգենդար Շառլ Ազնավուրի երգերով։ Այդ կապացկությամբ հեղինակավոր դիզայներն ասաց. «Ես շատ եմ սիրում Ազնավուրին, որքան ինձ հիշում եմ՝ ցուցադրություններում օգտագործել եմ նրա երգերը, դրանք հիանալի են, ձայնը ՝ կատարյալ։ Գիտակցաբար եմ ընտրել դրանք, միշտ հուզվում եմ նրա կատարումներից»։
Խոսելով հայ մոդելների մասին՝ նա նշեց, որ հայուհիները հոյակապ են, գեղեցիկ ու լավ մոդելներ են, իրենց աշխատանքն էլ գերազանց են կատարում։
Որպես տարիների մեծ փորձ ունեցող պրոֆեսիոնալ դիզայներ նա հայուհիներին հետեւյալ խորհուրդները տվեց. «Առաջին հերթին, որպեսզի լինեք նորաձեւ եւ գեղեցիկ, հետեւեք ձեր կառուցվածքին: Եվ թեպետ ձեր երկրում հրաշալի ուտելիքներ կան եւ դժվար է ժամանակին կանգ առնել, ինչում ինքս էլ եմ համոզվել, բայց քիչ կերեք: Նորաձեւությունը, որպես կանոն, կենտրոնացված է բարեկազմ արտաքին ունեցողների վրա: Եվ երկրորդ՝ երբ տանից դուրս եք գալիս, տեղը տեղին շպարվում եք, բայց գեղեցիկ է, երբ թեթեւ է շպարը: Ընտրեք նուրբ գույների շրթներկ: Ինչ վերաբերում է մազերին, պետք է լինի կա՛մ կարճ կտրվածք, կա՛մ հավաք սանրվածք: Օրինակ, ես իմ մոդելների դեմքերի հետ, սովորաբար, ոչինչ չեմ անում: Կինը պետք է նուրբ լինի նաեւ իր դիմահարդարմամբ: Մերկությունը չի գեղեցկացնում կնոջը, եթե նկատեցիք, իմ հավաքածուներում մերկություն չեք գտնի»,- նշեց նա։
Ի դեպ ՝ հայ հանդիսատեսը չափազանց ջերմ ընդունեց դիզայներին: Վյաչեսլավ Զայցևն այս ընդունելությունից անգամ հուզվել էր:
- 15:10Նիկոլ Փաշինյանը Սուրբ Գիրքն ընկալում է աղանդավորական մեկնություններով. Տիգրան քահանա Բադիրյան
- 13:10Ադրբեջանը խլացնում է Արցախի բջջային կապի և համացանցի հասանելիությունը. Արցախի ՄԻՊ
- 13:10Ես չեմ պատմելու, թե ինչպես էր Աննա Հակոբյանը բունկերում գոռում՝ «ուզում ա 5 հազար մարդ մորթվի․․․»․ Միքայել Մինասյան
- 15:102020թ. հուլիսի 1-ից կավելանա մինչև 2 տարեկան երեխաների խնամքի համար տրվող նպաստը՝ 18.000-ի փոխարեն՝ ծնողները կստանան 25.500 դրամ
- 14:106 անգամ բարձրացնելու ենք առաջին երեխայի ծննդյան միանվագ նպաստը՝ 50 հազար դրամից այն դարձնելով 300 հազար դրամ
- 14:10Թուրքիա-Նախիջևան թռիչքների համար Հայաստանի կամ Իրանի օդային տարածքն այլևս չի օգտագործվի
- 12:10Բոլոր զորամասերն 100%-ով ապահովված են ռազմական տեխնիկայով եւ զինամթերքով. ՊԲ N միավորման հրամանատար
- 11:10Հայաստանի լիակատար շրջափակման հեռանկարը. Ինչ զարգացումներ կարող են լինել
- 12:10Ադրբեջանցի գործիչների երեւակայությունը մոլեգնում է. ԼՂՀ ՊՆ
- 15:15Արցախի ՊՆ-ի կոը՝ անվերապահորեն կատարել հրադադարի պահպանման շուրջ պայմանավորվածությունը