Ռուսական էստրադայի պրիմադոննան՝ Ալլա Պուգաչովան, ռուսական НТВ հեռուստաընկերությանը տված հարցազրույցներից մեկում՝ խոսելով իր նախկին ամուսնու՝ Վլադիմիր Կուզմինի մասին, ասել է, որ շատ է խղճում նրան:

«Կուզմինին հաճախ են մեղադրում ալկոհոլիզմի մեջ, բայց, նա վաղուց թողել է այդ վատ սովորությունը, իսկ իր անսովոր պահելաձևի և դանդաղկոտության պատճառը ծանր հիվանդությունն է»,- ասել է նա:

Հեռուստաընկերության թղթակիցը զրուցել է բժիշկ-նյարդաբանի հետ, ում կարծիքով՝ դանդաղ խոսքը, սայթաքումները, տարօրինակ քայլվածքը՝ այս ամենը կարող են լինել սկլերոզի, էպիլեպսիայի, նույնիսկ Պարկինսոնի հիվանդության արդյունք. «Ես չեմ կարող միայն տեսանյութը դիտելով եզրակացություն անել, ախտորոշել, բայց այդ ամենն իրոք մտահոգիչ է և հիվանդություն է հիշեցնում, Կուզմինի համերգի տեսագրությունը շատ է անհանգստացրել ինձ, խորհուրդ կտայի անհապաղ դիմել մասնագետի»,- հավելել է նա:

Բայց երգչի մեկ այլ նախկին , այս անգամ քաղաքացիական կին՝ Վերա Սոտնիկովան, ում հետ հարաբերությունները երգիչը երկար ժամանակ թաքուն է պահել հասարակությունից, համաձայն չէ այս բոլոր կարծիքների հետ և վստահ է, որ երգիչը ցրված չէ, այլ, ընդհակառակը, շատ կենտրոնացված ու հավաք: Նա մշտապես մտածում է երաժշտության մասին , այդ իսկ պատճառով շեղվում է խոսակցություններից:

«Ես ապրել եմ նրա հետ 7 տարի, և  ավելի լավ, քան որևէ մեկը, կարող եմ ասել, որ նա լիովին առողջ է»,- ասել է Սոտնիկովան: