ՌԴ ԱԳ նախարարը մեծ հարցազրույց է տվել «Նովոյե Վրեմյա» թերթին, որում մասնավորապես խոսել է սիրիական հակամարտության , Հայաստանի՝ դրանում ունեցած դերի , ինչպես նաև ՌԴ-ի և Հայաստանի ռազմավարական գործունեության մասին:
«Մենք ողջունում ենք ՀՀ ներդրումը Սիրիայի բնակչությանը մարդասիրական օգնություն տրամադրելու հարցում: Ռուսաստանը և Հայաստանը սերտ համագործակցում են առաջատար բազմակողմանի հարթակներում, ինչպես նաև ամրապնդում են համակարգումը ՄԱԿ-ում, ԵԱՀԿ-ում, Եվրոպայի Խոհրդրում, ինչը ևս շատ կարևոր է : Ռուսաստանի և Հայաստանի միջև ռազմավարական գործընկերությունը ևս համապարփակ բնույթ է կրում: 2017թ. ապրիլի 3-ը նշվում է որպես՝ ՌԴ և ՀՀ դիվանագիտական հարաբերությունների հաստատման 25-ամյակ: Այս ամսաթիվը խորհրդանշում է հայ-ռուսական հարաբերությունների նոր փուլ, որը հարյուրամյակների պատմություն ունի»,- ասել է նա:
Լավրովի խոսքով՝ երկու երկրների միջև ապրանքաշրջանառությունը աճել է 6 տոկոսով: ՌԴ ԱԳ նախարարը նշել է, որ Ռուսաստանը Հայաստանի առևտրատնտեսական առաջատար գործընկերն է:
«Մեզ է բաժին ընկնում արտասահմանայան ներդրումների շուրջ կես, մոտավորապես 3 միլիարդ դոլար: Հանրապետությունում աշխատում է շուրջ 2000 ձեռնարկություն՝ ռուսական մասնակցությամբ»,-ասել է նա:
Լավրովն ընդգծել է, որ կողմերի համար նոր հորիզոններ են բացվել Եվրասիական տնտեսական միությանը Հայաստանի անդամակցությունից հետո:
Խոսելով Արցախյան հակամարտության մասին, Լավրովը ևս մեկ անգամ շեշտել է, որ այդ հարցի կարգավորումը կախված է հակամարտող երկու կողմերի՝ և՛ Հայաստանի, և՛ Ադրբեջանի քաղաքական կամքից և փոխզիջումային որոշումներից:
«Շատ հարցերի շուրջ հաջողվել է պայմանավորվածություն ձեռք բերել. մնացել են մի քանիսը, որոնք ամենաբարդն են: Սակայն ակնհայտ է, որ աշխատանքի արդյունքները կախված են նախ և առաջ երկու կողմերի քաղաքական կամքից, ճկունություն և փոխզիջումային որոշումներ կայացնելու նրանց պատրաստակամությունից ու պարտավորվածությունից»,- ասել է Լավրովը:
Նա նաև շեշտել է, որ Ռուսաստանը շարունակում է մնալ արցախյան հակամարտության կարգավորման ակտիվ մասնակից:
«ԱՄՆ-ի և Ֆրանսիայի հետ օգնում ենք կողմերին հասնել հակամարտության կայուն հաղթահարմանը: Այս խնդրի լուծմանն է նվիրված եղել նախորդ տարի ՌԴ նախագահի նախաձեռնությամբ տեղի ունեցած եռակողմ գագաթնժողովը Սանկտ-Պետերբուրգում»,- հավելել է Լավրովը:
- 11:10Թուրքիայի ԱԳՆ-ն հաստատել է՝ պատրաստ են շարունակել շփումները Հայաստանի հետ առանց նախապայմանների
- 13:10Եթե նույնիսկ ինչ-որ մեկը ցանկանում է ստվեր նետել մեր խաղաղապահների վրա, չի ստացվի. Զախարովան անդրադարձել է հունվարի 10-ին Արցախում Ադրբեջանի կողմից մի շարք սադրանքների իրագործմանը
- 12:10Էրդողանը Հայաստանին խորհուրդ է տվել «ճիշտ գնահատել տարածաշրջանում երկարաժամկետ խաղաղության հնարավորությունը»
- 14:10Ռուսաստանի հետ հակամարտության վտանգը դեռևս պահպանվում է. ՆԱՏՕ
- 13:10ԱՄՆ պետքարտուղար. Պուտինի նպատակը Խորհրդային Միությունը վերականգնելն է
- 14:10Ղազախստանի միլիարդատերերը, այդ թվում՝ Նազարբաևի ընտանիքի անդամները, երկրում զանգվածային անկարգությունների ընթացքում ընդհանուր կորցրել են 3 միլիարդ դոլար. Forbes
- 12:10«Նրանք, ովքեր կփորձեն կծել մեզ և մեր ընկերներին, կմնան առանց ատամների». Ղազախստանում ՌԴ դեսպանը՝ երկրում վերջին դեպքերի մասին
- 14:10Ղազախստանի հիվանդանոցներում շատ են օտարերկրյա քաղաքացիները, որոնք արաբերեն են խոսում
- 12:10Ալմա Աթայում ձերբակալվել է «քրեական հեղինակություն» Դիկի Արմանը․ ձերբակալվել է ավելի քան 3800 մարդ
- 12:10Մեծ Բրիտանիան պատժամիջոցներ է նախապատրաստում Ռուսաստանի դեմ Ուկրաինա «ներխուժելու» դեպքում