Դաղստանում հարձակում է կատարվել ավելի քան երեսուն բեռնատարերի վրա, որոնք Ադրբեջանից Ռուսաստան բեռ էին տեղափոխում։
Ինչպես լրագրողներին հայտնել է վարորդներից մեկը՝ Մուհամեդ Հասանովը, ադրբեջանա–ռուսական սահմանը անցնելուց հետո, դաղստանյան տարածքներում արդեն նրանց մեքենաների վրա հարձակվել են։
Նրա խոսքերով՝ իրենք անցել են սահմանը մարտի 28-ին, իրենց ուղեկցել են ավտոտեսուչների մեքենաները. «Հանկարծ մեքենաների վրա սկսեցին հարձակվել դաղստանցիները՝ զինված քարերով եւ մետաղաձողերով։ Դրանք Ռուսաստանում՝ բեռնատարերի վրա կիրառվող «Պլատոն» նոր համակարգի ներդրման դեմ բողոքող վարորդներն էին։ Նրանք մեզ ասում էին՝ մենք չենք աշխատում, դուք էլ մի աշխատեք։ Բեռնատարերը շարժվում էին դեպի Մոսկվա, Սանկտ–Պետերբուրգ, Վորոնեժ»,– հաղորդել է նա։
Հասանովը նշել է, որ մեքենաներին լուրջ վնաս է հասցվել։ Վարորդներից մեկը հարձակման պատճառով վթարի է ենթարկվել։ Արդյունքում նա վնասվածքներով հիվանդանոց է տեղափոխվել։ «Այժմ մենք Սեւաստոպոլում ենք»,– ասել է նա։
Մոտավոր հաշվարկներով, խոշոր քաղաքներում հարյուրավոր մեքենաներ են դուրս եկել բողոքի։ Սա Դաղստանում ամենախոշոր բողոքի ակցիան է։ Այնտեղ, բողոքողների առաջնորդների խոսքերով, կանգնած են 40 հազար մեքենաներ՝ փաստացի բոլոր բեռնատար մեքենաները։
Բեռնատարերին միացել են նաեւ գազելները։ Վարորդները բողոքում են «Պլատոն» համակարգով հարկերի բարձրացման դեմ. ապրիլի 15–ից իշխանությունները այն 25%-ով ավելացնելու են։ Բեռնատարերի վարորդները դա անվանում են տրանսպորտային երկրորդ հարկ եւ հրաժարվում են մուծել։
- 14:10Ուժեղ մագնիսական փոթորիկ մայիսի 31-ին. վտանգավոր երկրափոթորիկ կհարվածի երկրին
- 14:10Եթե Ադրբեջանի և Հայաստանի միջև կնքվի խաղաղության վերջնական համաձայնագիր, դա դրական ազդեցություն կունենա ողջ տարածաշրջանի վրա․ Թուրքիայի ԱԳ նախարար
- 12:10Ֆիդանը 4 հայկական գյուղերի հանձնման մասին. Թուրքիան լիովին աջակցում է Ադրբեջանին
- 14:10Իրանի և Ռուսաստանի հարաբերություններում փոփոխություն չի լինի․ Լավրով
- 14:10Ուկրաինայի կապիտուլյացիայից հետո Զելենսկին պետք է ձերբակալվի և դատարանի առաջ կանգնի կամ չեզոքացվի՝ որպես ահաբեկիչ․ Մեդվեդև
- 11:10Իրանի նախագահի ուղղաթիռը վթարի է ենթարկվել տեխնիկական անսարքության պատճառով. ԻՐՆԱ
- 12:10«Ոչ ոք չի կարող պառակտում մտցնել Իրանի և Ադրբեջանի միջև»
- 11:00Իրանի նախագահն ու արտաքին գործերի նախարարը մահացել են ուղղաթիռի վթարի հետևանքով
- 13:10Պենտագոնը հրաժարվել է թույլ տալ Ուկրաինային ամերիկյան զենքով հարվածել Ռուսաստանին
- 12:10Լուկաշենկոն, այցելելով իր եղբորը՝ Ալիևին, հիշել է «ձեր ազատագրական պատերազմի» նախորդած ընթրիքն ու իր խորհուրդները