Արցախյան հիմնախնդրի կարգավորման հարցում Լևոն Տեր-Պետրոսյանի առաջարկած մոտեցումներն իրատեսական չեն Ադրբեջանի պարագայում և հղի են անկանխատեսելի հետևանքներով: Այս մասին Tert.am-ի հետ զրույցում ասել է Արցախի նախագահի մամուլի խոսնակ Դավիթ Բաբայանը՝ անդրադառնալով ՀՀ առաջին նախագահ, «Կոնգրես-ՀԺԿ» դաշինքի խորհրդարանական ընտրությունների նախընտրական ցուցակը գլխավորող Լևոն Տեր-Պետրոսյանի հարցազրույցին:
«Մենք էլ ենք կողմ խաղաղությանը, բայց դրան հասնելու ձև կա: Ադրբեջանի պես հարևան ունենալու պարագայում զինատյացությունը չի աշխատում, քանի որ այն ցեղասպան, հանցագործ պետություն է: Եթե մենք ուզում ենք խաղաղություն, մեկ ճանապարհ կա` լինել ուժեղ»,- ասել է նա:
Ըստ Դավիթ Բաբայանի` ադրբեջանա-ղարաբաղյան հակամարտության կարգավորման մեջ կա երկու հարց կա, որ միշտ եղել է, և դժվար է նույնիսկ տեսանելի ապագայում կանխատեսել, որ լինելու է շատ հեշտ և շուտափույթ համաձայնություն: «Կա երկու հարց` կարգավիճակը, այսինքն՝ Արցախի ճանաչումը Ադրբեջանի կողմից, և տարածքների հարցը։ Մյուս բոլոր հարցերը դրանց ածանցյալներ են: Այս երկու հարցի շուրջ չկա ընդհանուր պատկերացում և կողմերն ունեն իրարամերժ մոտեցումներ:
Ինչ վերաբերում է առաջին նախագահի այն հայտարարությանը, որ Ադրբեջանը եթե պատրաստ չլիներ փոխզիջումների, չէր մասնակցի աշխատանքներին, Բաբայանն ասել է. «Խնդիրներից մեկը Բաքվի ապակառուցողական քաղաքականությունն է, նա մասնակցում է բանակցությունների ոչ թե նրա համար, որ պատրաստ է փոխզիջման, այլ պարզապես այլընտրանք չունի»:
Անդրադառնալով Լևոն Տեր-Պետրոսյանի խոսքին, թե՝ եթե ՀՀ-ն վճռականորեն հայտարարի՝ պատրաստ է հենց այսօր ստորագրել փաստաթուղթը, ապա Ադրբեջանը չի կարող մերժել, հակառակ դեպքում իր վրա կուղղվի միջազգային ամբողջ ճնշումը, Դավիթ Բաբայանը հարց է բարձրացնում. «Ի՞նչ ճնշման մասին է խոսքը, երբ Ադրբեջանը նավթի արտահանման միլիարդավոր դոլարների համաձայնագրեր է ստորագրել, երբ Ադրբեջանում տեղի են ունեցել համեվրոպական առաջին խաղեր, և ինչ պատժամիջոցների է ենթարկվել, երբ Սաֆարովին հերոսացրել է: Լևոն Տեր-Պետրոսյանի նախագահության օրոք նույնպես Ադրբեջանի նկատմամբ ճնշում չի եղել: Մենք միշտ ասում ենք, որ պետք է միջազգային հանրությունը Ադրբեջանի նկատմամբ ճնշումներ կիրառի, իսկ եթե չկան նման ճնշումներ, ագրեսորն էլ ավելի է ոգևորվում: Շատ վտանգավոր է մերկանալ և զինատյաց քաղաքականություն վարել, երբ քո դիմացինը հանցագործ և ահաբեկիչ է»:
«Երբ մենք միակողմանի ենք մոտենում և Ադրբեջանի ուզածը տալիս ենք, ապա սրա վերջը լինելու է էլ ավելի մեծ ապակայունացում և կոտորած»,- ասել է Դավիթ Բաբայանը:
- 14:10Տարածքային կառավարման նախարարությունը թաքցրել է գազի փաստացի թանկացման մասին տեղեկատվությունը
- 13:10Ադրբեջանը Թուրքիայի թելադրանքով փորձում է ապամոնտաժել ղարաբաղյան հակամարտության կարգավորման մեխանիզմը
- 11:10Ինչքան էլ իշխանություններն ասեն, թե Թուրքիայի հետ առանց նախապայմանների են բանակցում, ակնհայտ է, որ դրանք կան և Հայաստանը գուցե դրանք բավարարելու խոստում տվել է
- 15:19Ընդդիմադիր. Հայաստանի իշխանությունը կարող է հրաժարվել Հայոց ցեղասպանությունից եւ Ղարաբաղից
- 13:10Ադրբեջանը շարունակում է անազատության մեջ պահել հայ ռազմագերիների և քաղաքացիական անձանց. Արմեն Սարգսյան ԱՄԷ-ում հանդիպումներ է ունենում
- 15:10Gazeta.ru. Փաշինյանը նստում է Թուրքիայի հետ բանակցությունների սեղանի շուրջ՝ արդեն կատարելով թուրքական նախապայմանները
- 13:10ԱԳՆ-ի հայտարարություններից երևում է, որ նախկին փորձից դաս չեն քաղել. չեն ուզում տեսնել Թուրքիայի նախապայմանները. թուրքագետ
- 11:10Առանց նախապայմանի, թե նախապայմանով. Թուրքիան ակնկալիքներ ունի Հայաստանից, իսկ ԱԳՆ-ն պնդում է՝ երկու երկրների երկխոսությունը նախապայման չունի
- 15:10Ինչպես ոչնչացնել անիծյալ բայրաքթարները. Ավետիք Չալաբյան
- 12:10Ջալալ Հարությունյան, Օնիկ Գասպարյան պատասխան եք տալու աշխարհի որ ծայրում էլ լինեք