Վրաստանում սկսվել է ՆԱՏՕ-ի միջազգային Noble Partner-2017 զորավարժության նախապատրաստումը: Այս տարի զորավարժությանը մասնակցելու են 11 պետության ԶՈւ զինծառայողներ, այդ թվում նաև Թուրքիայից, Ադրբեջանից ու Հայաստանից:
Զորավարժության հիմնական նպատակը ՆԱՏՕ-ի զորքերի հետ Վրաստանի ԶՈւ անձնակազմի համատեղելիության ապահովումն է:
Վրաստանում արդեն երրորդ անգամ անցկացվող այս զորավարժությանը Հայաստանը մասնակցում է առաջին անգամ: Այն մասին, թե Հայաստանից ինչ ստորաբաժանումներ են մասնակցելու զորավարժությանը, մեզ հետ զրույցում տեղեկացրել է Հայաստանի պաշտպանության նախարարության մամուլի խոսնակ Արծրուն Հովհաննիսյանը.
«Հայաստանի Հանրապետության զինված ուժերը մասնակցելու են միայն զորավարժության մարտական ապահովման տեսանկյունից: Հայաստանի կողմից լինելու է ռազմական հոսպիտալային օղակ, որն իր բժշկական անձնակազմով մասնակցելու է զորավարժությանը»:
Ինչպես այս տարի, նախորդ տարի նույնպես այս զորավարժությանը ներգրավված են եղել ամերիկյան և բրիտանական զինված ուժերի ստորաբաժանումներ: Ընդ որում՝ նրանք իրենց հետ առաջին անգամ Վրաստան էին բերել նաև իրենց սպառազինությունը և ռազմական տեխնիկան, այդ թվում նաև «Աբրամս» տանկեր և հաուբիցներ:
Այս պայմաններում զորավարժության անցկացմանն արձագանքել էր նաև Ռուսաստանը: Երկրի արտգործնախարարության հայտարարության մեջ այս զորավարժությունը դիտարկվում էր որպես տարածաշրջանն ապակայունացնող գործոն:
Այս տարի անցկացվելիք զորավարժությանը Ռուսաստանի վերաբերմունքին մեզ հետ զրույցում անդրադարձել է վրացագետ Ալիկ Էրոյանցը.
«Ռուսաստանը ժամանակին նաև պաշտոնապես հայտարարել է կոնկրետ ասոցացման համաձայնագրի ստորագրման հետ կապված, որ իրենք դա, այսպես ասած, թույլ կտան, աչք կփակեն դրա վրա: Բայց օրինակ ՆԱՏՕ-ի հետ կապված՝ նրանք շատ ավելի նրբազգաց են: Եթե այդ կոնտեքստով նայենք, բնական է, որ նրանք որոշակիորեն բացասական կվերաբերվեն: Բայց, այդուհանդերձ, չեմ կարծում, որ դա տագնապային հարթության մեջ կարելի է դիտարկել»:
Զորավարժության մտահղացման, գործողությունների և մասնակից զինծառայողների քանակի մասին առայժմ տեղեկություններ չեն հրապարակվել:
Հայտնի է, որ այս տարի զորավարժությունն անցկացվելու է Թբիլիսիի մոտ գտնվող «Վազիանի» զորավարժարանում, ինչի մասին հայտարարել է Վրաստանի բանակի արևելյան հրամանատարության ղեկավար, գնդապետ Շավլեգո Թաբաթաձեն.
«Արդեն մեկ շաբաթ է, ինչ մենք նախապատրաստական աշխատանքներ ենք իրականացնում: «Վազիանի» զորավարժարանում անցկացվելիք զորավարժությանը մասնակցելու է 11 պետություն: Եվ նախապատրաստական աշխատանքները շարունակվելու են նաև մայիսին, իսկ բուն զորավարժությունը կանցկացվի հուլիսի վերջին»:
Ավելացնենք, որ Հայաստանից, Ադրբեջանից և Թուրքիայից բացի, զորավարժությանը մասնակցելու են նաև Միացյալ Նահանգների, Գերմանիայի, Իսպանիայի, Մեծ Բրիտանիայի, Ուկրաինայի և Սլովենիայի զինված ուժերի զինծառայողներ:
- 13:10Ես չեմ պատմելու, թե ինչպես էր Աննա Հակոբյանը բունկերում գոռում՝ «ուզում ա 5 հազար մարդ մորթվի․․․»․ Միքայել Մինասյան
- 15:102020թ. հուլիսի 1-ից կավելանա մինչև 2 տարեկան երեխաների խնամքի համար տրվող նպաստը՝ 18.000-ի փոխարեն՝ ծնողները կստանան 25.500 դրամ
- 14:106 անգամ բարձրացնելու ենք առաջին երեխայի ծննդյան միանվագ նպաստը՝ 50 հազար դրամից այն դարձնելով 300 հազար դրամ
- 14:10Թուրքիա-Նախիջևան թռիչքների համար Հայաստանի կամ Իրանի օդային տարածքն այլևս չի օգտագործվի
- 12:10Բոլոր զորամասերն 100%-ով ապահովված են ռազմական տեխնիկայով եւ զինամթերքով. ՊԲ N միավորման հրամանատար
- 11:10Հայաստանի լիակատար շրջափակման հեռանկարը. Ինչ զարգացումներ կարող են լինել
- 12:10Ադրբեջանցի գործիչների երեւակայությունը մոլեգնում է. ԼՂՀ ՊՆ
- 15:15Արցախի ՊՆ-ի կոը՝ անվերապահորեն կատարել հրադադարի պահպանման շուրջ պայմանավորվածությունը
- 11:10Պատմական չվերթ Երևանից Վան
- 12:10ՀՀ ազգային անվտանգության ծառայությունը բացահայտել է հօգուտ Ադրբեջանի լրտեսության դեպք