Երբ Հայաստանում ԱԺ ընտրություններ են ու ներքաղաքական վիճակը լարված է, Ռուսաստանում Հայաստանի դեսպանի փոփոխությունը չէր կարող ինքնանպատակ լինել: Այսօր Սերժ Սարգսյանի հրամանագրով Օլեգ Եսայանն ազատվել է ՌԴ դեսպանի պաշտոնից և նրան փոխարինել է Վարդան Տողանյանը: Խոսակցությունները, թե դեսպանի փոփոխությունը կապված է ռուսաստանաբնակ մեր հայրենակիցների դժգոհության հետ, կարող է արդարացված լինել, քանի որ Օլեգ Եսայանն իրոք, որպես դեսպան, իր տեղում չէր, և այս մասին մեկ անգամ չէ, որ խոսվել է։Չնայած մեր արտաքին գերատեսչության դիվանագիտությունը բոլոր երկրներում էլ կարծես նույնն է՝ «անտրամաբանական լռություն»:

Ոչ ոքի համար գաղտնիք չէ, որ Կարեն Կարապետյանի՝ վարչապետ նշանակվելուց հետո ռուսական ազդեցությունը մեր երկրում տեղի ունեցող իրադարձությունների վրա ակնհայտ է՝ մասնավորապես Սամվել Կարապետյանի, որի եղբորը, չնայած կոնկրետ խոստումների, այդպես էլ չնշանակեցին կարևոր պաշտոնի, և որն այսօր ուղերձ է հղել հայ ժողովրդին՝ կոնկրետացնելով ասելիքն ու իրենց քայլերը:

Սամվել Կարապետյանի ազդեցությունը մեծանում է և միայն Հայաստանի էլեկտրական ցանցերը և մի քանի այլ նախագծերը չեն, որը նրան թույլ է տալիս որոշակի քայլեր թելադրել: Կարեն Կարապետյանի ՝Հայաստանի վարչապետ նշանակելու փաստը ևս այդ քայլերի շրջանակում էր: Ռուսական գործոնը, ի դեմս ՌԴ- ում ապրող մեր միլիարդատերեր հայրենակիցների, օրեցօր ավելի հզոր ու գործուն է դառնում:

Ա. Գրիգորյան