Ընդդիմադիրների համոզմամբ, Սերժ Սարգսյանը պետք է պարզաբանի իր մտահոգիչ հայտարարությունը
«Նախագահ Սերժ Սարգսյանը զգոնության կոչ է անում». — իշխող Հանրապետական խմբակցության ղեկավար Վահրամ Բաղդասարյանն այսպես է մեկնաբանում երկրի ղեկավարի` Լեռնային Ղարաբաղում օրերս արած հայտարարությունը, թե` պետք է պատրաստվել դժվարին ժամանակահատվածի:
«Որովհետև հիմա այն ժամանակահատվածն է, երբ և՛ զորքը, և՛ բնակչությունը, և՛ Լեռնային Ղարաբաղի Հանրապետության քաղաքացիները արդեն պատրաստ պետք է լինեն մի դժվարին ժամանակահատված անցկացնելու», — մասնավորապես, ասել էր Սերժ Սարգսյանը:
Բաղդասարյանն այս առնչությամբ նկատում է. — «Ընդհանուր առմամբ Հանրապետության նախագահը զգոնության կոչ է անում: Պարտավոր ենք միշտ զգոն լինել, որովհետև որևէ խնդիր կարգավորված չէ, Մինսկի խումբը, միջազգային կառույցները նորից երկուստեք են կոչ անում, որ Վիեննայի և Սանկտ Պետերբուրգի պայմանավորվածությունները պետքէ կատարվեն, այսինքն հասցեական չեն անում: Մենք զգում ենք, որ այստեղ բոլոր հայտարարություններև լղոզված են: Այսինքն` չենք տեսնում այն լույսը, որի կողմը պետք է գնանք և դրա շուրջ կատարենք բանակցությունները: Բնականաբար, մենք պետք է զգոն լինենք: Եթե մենք որևէ բան նշմարենք, որևէ լույս նշմարենք, որ` Բաքուն այստեղ համաձայն է, մենք էլ ենք համաձայն և սրա շուրջ կարելի է գալ բանակցությունների, այդտեղ կարելի է հանգստության գնալ, բայց որևէ ձևով, ինչ պայմանավորվածություն ձեռք է բերվում, պաշտոնական Բաքվի կողմից 10 օր կամ մեկ շաբաթվա մեջ դրանք ժխտվում են: Մենք ինչի՞ վրա հույս դնենք, որ հանգստության կոչ անենք: Բա իհարկե` պետք է անհանգստության կոչ անենք, մենք պետք է զգոն լինենք»:
Վահրամ Բաղդասարյանը վստահեցնում է՝ Սերժ Սարգսյանի այս հայտարարությունը չպետք է դիտարկել բանակցային գործընթացում ոչ հայանպաստ զարգացումների և միակողմանի զիջումներ անելու կոնտեքստում: Մինչդեռ, Հայաստանի նախկին արտգործնախարար, «Համախմբում» կուսակցության ղեկավար Վարդան Օսկանյանն «Ազատության» հետ զրույցում նշել էր՝ Սերժ Սարգսյանի այս պատասխանատու հայտարարությունը ամեն ինչ կարող է նշանակել, հետևաբար` նախագահն ինքը էլ պետք է պարզաբանի այն:
«Դա կարող է նշանակի, որ հնարավոր է պատերազմ լինի, կարող է նշանակի, որ հայկական կողմը պատրաստվում է արդեն գնալ լուծման, որը ցավալի է լինելու: Այնպես որ, երկուսն էլ հնարավոր է, բացառված չէ, որ այդ երկուսի համադրումը լինի` պատերազմ լինի և գնա զիջումների: Դժվար է ասել: Միայն նախագահը կարող է դա բացել ու բացատրել», — նշել էր Օսկանյանը:
Ընդդիմադիր ՀԱԿ խմբակցության ղեկավար Լևոն Զուրանյանն էլ ընդգծում է՝ Սերժ Սարգսյանի հայտարարությունը, թե զորքն ու բնակչությունը պետք պատրաստվեն դժվարին ժամանակահատված անցկացնել, ցույց է տալիս, որ Ղարաբաղյան խնդրի կարգավորման հարցում այնպիսի զարգացումներ կան, որոնք ստիպում են Հայաստանի իշխանություններին նման մտահոգիչ տոնով խոսել:
«Բաներ կան, որ մենք չգիտենք: Մենք չունենք լիարժեք տեղեկատվություն ռազմաճակատի վիճակի մասին, ռազմական կարողությունների մասին: Մենք չգիտենք ամբողջությամբ, թե ինչ է կատարվում դիվանագիտական ճակատում, ինչ ճնշումներ կան: Ռազմական բալանսը փոխվում է հօգուտ Ադրբեջանի: Հայաստանի այս կոռուպցիան վտանգ է ազգային անվտանգության համար, սպառնալիք է ազգային անվտանգությանը, որ մենք ծանր վիճակում ենք գտնվում ժողովրդագրական տեսակետից: Բայց կոնկրետ` հիմա ինչ զարգացում կա, որը հենց պարտադրում է արդեն Հայաստանի իշխանություններին նման մտահոգիչ տոնով խոսել, դա արդեն իրենք պետք է պարզաբանեն: Բայց ես վստահ եմ, որ մենք շատ շուտով կունենանք շատ լուրջ քննարկումներ այդ հարցով», — «Ազատության» հետ զրույցում նշեց Զուրաբյանը:
- 12:54Ադրբեջանական մտահոգությունները և վախերը խոսում են այն մասին, որ մենք ճշտագույն ճանապարհի վրա ենք. Բագրատ սրբազան
- 12:10Շարժման ելքը. առանց «եթե»-ների. Վահե Հովհաննիսյան
- 15:42Ցավով անդրադառնում և դատապարտում ենք նման կեցվածքը Վեհափառ Հայրապետի և հոգևոր դասի նկատմամբ.Առաքել արքեպիսկոպոս Քարամյան
- 11:17Անվտանգության այն կոնցեպտը, որ Հայաստանը մինչև այժմ իրականացրել է, անվտանգություն չի ապահովում, վտանգներ է գեներացնում
- 10:372 պատճառ կա, որ չի եկել՝ նա այլևս կապ չունի մեր երկրի հետ կամ դրսից են թելադրել․ Բագրատ Սրբազանը՝ Փաշինյանի Սարդարապատ չգնալու մասին
- 14:10Նոր վարչապետի թեկնածուի անվան հրապարակումը միանգամից ստեղծելու է նոր իրավիճակ
- 13:10Ադրբեջանցի սահմանապահներն արդեն վերահսկողության տակ են վերցրել Տավուշի մարզի չորս գյուղերը
- 12:17Ինչպես են «Զվարթնոց» օդանավակայանի աշատակիցները բռնության ենթարկում ֆրանսիահայ լրագրող Լեո Նիկոլյանին (տեսանյութ)
- 15:10Ադրբեջանի հետ խաղաղության գնալն անհրաժեշտություն է, բայց՝ վաղաժամկետ. Ադրբեջանը հավակնությունի ունի 114. Հազ. Քկմ տարածքի նկատմամբ
- 13:10Հայաստանի իշխանությունը մտել է պետականության ամրության համար խիստ վտանգավոր թեմաների մեջ. Արման Թաթոյան
29.09.2024 | 20:03
09.09.2024 | 12:51
26.06.2024 | 10:01
31.05.2024 | 12:54
31.05.2024 | 12:10
31.05.2024 | 11:10
29.05.2024 | 15:42
29.05.2024 | 12:10
29.05.2024 | 11:17
28.05.2024 | 13:20
28.05.2024 | 13:02
28.05.2024 | 11:17
28.05.2024 | 11:11
28.05.2024 | 10:37
24.05.2024 | 15:10
24.05.2024 | 13:10
24.05.2024 | 12:17
24.05.2024 | 11:29
23.05.2024 | 15:10
23.05.2024 | 14:10
23.05.2024 | 13:10
23.05.2024 | 11:10
22.05.2024 | 15:10
22.05.2024 | 14:10
22.05.2024 | 13:10
22.05.2024 | 12:10
22.05.2024 | 11:10
21.05.2024 | 15:10
21.05.2024 | 14:10
21.05.2024 | 13:10
21.05.2024 | 12:10
21.05.2024 | 11:10
20.05.2024 | 15:10
20.05.2024 | 14:10
20.05.2024 | 13:10
20.05.2024 | 12:10
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.