Նոյեմբերի 26-ին, ՀՀ նախագահ Սերժ Սարգսյանը Հայաստանի հանրապետական կուսակցության 16-րդ հանրագումարի ընթացքում, ի թիվս բազում այլ հարցերի, անդրադարձ կատարեց նաև վերջին տարիներին ՀՀ տնտեսության զարգացման դինամիկային: Իր խոսքի ընթացքում Սարգսյանը ներկայացրեց մի քանի տնտեսական ցուցանիշներ, որոնք , ըստ նախագահի, վկայում են մեր տնտեսության առաջանցիկ տեմպերով զարգացման և բնակչության կենսամակարդակի շարունակական աճի մասին: Արդարացիորեն պետք է նշել, որ ելույթում ներառված վիճակագրական թվերը բացարձակ առումով ճիշտ են, իսկ ահա նրանց տրված մեկնաբանությունը՝ ոչ այնքան:
Նախագահի խոսքով, 2015թ. նվազագույն աշխատավարձը 2007թ. համեմատությամբ նկատելիորեն բարձրացել է՝ 20.000 դրամից հասնելով 55.000 դրամի, իսկ միջին ամսական կենսաթոշակը 12.746 դրամից դարձել է 42.000 դրամ, ուստի և ակնհայտ է կենսամակարդակի աճը: Զուտ թվային առումով այս ցուցանիշները ճիշտ են, բայց և այնպես, ոչ մի աղերս չունեն հասարակ քաղաքացու կենսամակարդակի բարձրացման հետ: Պաշտոնական տվյալների համաձայն, 2015թ. սպառողական զամբյուղի արժեքը 2007թ. համեմատությամբ թանկացել է 60%-ով, ինչը նշանակում է, որ միջինում գները 0.6 անգամ ավելացել են: Սակայն այս ցուցանիշը ևս ամբոջովին չի արտացոլում իրականությունը, քանզի սպառողական զամբյուղը իր մեջ ներառում է ապրանքներ, որոնցից կենսաթոշակառուներն ու նվազագույն աշխատավարձով ապրող քաղաքացիները երբեք էլ չեն օգտվում: Այս ընտանիքների համար կարևորը առաջին անհրաժեշտության ապրանքների գներն են, իսկ այստեղ ահա պատկերն առավել վատ է: Որպես օրինակ նշենք, որ 2015թ.-ին 2007թ.-ի համեմատությամբ 82%-ով ավելացել է ալյուրի գինը, 54%-ով թանկացել է հացը, 105%-ով՝ կենդական յուղը, 140%-ով՝ բրինձը, 50%-ով՝ պանիրը և 38%-ով ՝շաքարավազը:
Որպես կյանքի որակի բարելավման մեկ այլ ապացույց՝ նախագահը նշեց, որ ՀՀ-ում գազի, էլեկտրական էներգիայի և ջրի սպառման ցուցանիշները շարունակաբար աճել են: Սակայն չնշվեց կարևորի՝ այս ծառայությունների գների կտրուկ աճի մասին: 2015թ. 1մ3 բնական գազի գինը 2007թ. համեմատությամբ աճել է ավելի քան 170%-ով՝ 59 դրամից հասնելով 156 դրամի: Սրան զուգահեռ՝ 95 և ավելի տոկոսով ավելացել է էլեկտրաէներգիայի գինը՝ 25 դրամից դառնալով 48.78 դրամ: Թանկացումից զերծ չի մնացել անգամ մատակարարվող խմելու ջուրը, որի գինն աճել է 13.2%-ով:
Այս պայմաններում անհայտ է մնում, թե ինչ կենսամակարդակի շարունակական աճի և ինչ խոշոր տնտեսական ձեռքբերումների մասին էր խոսվում ղեկավարող կուսակցության հանրագումարի ընթացքում:
- 14:10Դավաճանները փորձում են տպավորություն ստեղծել, որ Ստեփանակերտում ադրբեջանցիների օրոք ավելի անվտանգ է
- 12:10Ադրբեջանցի «ռազմական փորձագետը» պնդում է, թե գաղտնի այցելել է Երեւան. նա տեսանյութ է հրապարակել
- 11:10Բաքվում պահվող Արցախի նախկին ու ներկա բարձրաստիճան այրերը պարբերաբար կապի մեջ են Շահրամանյանի հետ․ Գալստյան
- 15:13Արտահանվող տոննաներով ձկներն ու գյուղմթերքը թող Արայիկ Հարությունյանը գնի․ «Հրապարակ»
- 14:10Ռուսաստանից մարդկանց և կապիտալի մեծ ներհոսքը Հայաստան շարունակվում է․ փոխնախարար
- 11:10Բեռնատարները կանգառել են Լարսի անցակետում․ առաջացել է շուտ փչացող ապրանքների մտահոգիչ հարց
- 15:10Նախիջևանի կապի համար Ադրբեջանը կարող է օգտվել մեր երկաթուղուց այն նույն սկզբունքներով, որոնցով ՀՀ-ն կարող է օգտվել Մեղրիի ու Երասխի երկաթուղային կապի համար. Փաշինյան
- 12:10Նորածին արցախցիներին սոցքարտերի տրամադրումը ձգձգում են, նպաստներն էլ անորոշ է, թե երբ կտան
- 11:28Երևանի ԵՊՀ-ում հրդեհ է բռնկվել. կա զոհ և վիրավորներ, այդ թվում՝ պարեկային ծառայող
- 13:10«Wildberries»-ը փոխում է մի շարք կանոններ