Թվային հեռուստատեսության անցնելու համար Հայաստանում վաճառվող թվային կցուրդ սարքերն իրենց ծագումով, որակով և թվացյալ երաշխիքի բացակայությամբ հանցավոր են: Այս մասին նոյեմբերի 8-ին լրագրողների հետ հանդիպման ժամանակ հայտարարարեց Սպառողների ասոցիացիայի նախագահ Արմեն Պողոսյանը:
Ըստ նրա` թվայնացումը տեխնիակական և քաղաքակրթական առաջընթաց է, որից չպետք է հետ մնալ, սակայն այստեղ խնդիրն այն է, թե որքանով է ազգաբնակչությունը պաշտպանված որակյալ ծառայություն ստանալու հարցում:
«Հայաստանում տեսչական հսկողության աշխատանքն այնպես է կազմակերպված, որ հավասար է չաշխատելուն»,- ասաց Ա. Պողոսյանը` ընդգծելով, որ Որակի տեսչությունը պարտավոր է բացահայտել, թե որտեղից են թվային կցուրդ սարքերը հայտնվել այստեղ, ինչու չունեն սերտիֆիկացում:
Նրա փոխանցմամբ` անալոգային հեռարձակման անջատումից հետո բնակչության կողմից բազմաթիվ ահազանգեր են ստացվում ընդունիչ սարքերի, հեռարձակման որակի, անվճար տրամադրվող սարքերի և մի շարք այլ խնդիրների շուրջ:
Ա. Պողոսյանը փաստում է, որ հեռուստատեսության գործառույթն է թե սոցիալապես ապահով կամ չապահով մարդուն ապահովել ամենանվազագույն պահանջի բավարարմամբ, մինչդեռ շատ մարդիկ հայտնվել են ծուղակում այս սարքերի պատճառով:
«Այս խնդիրների մասին ես բարձրաձայնել եմ նաև վարչապետի մոտ, ով բավականին վրդովվել է ստեղծված իրավիճակով և տվել մի շարք ցուցումներ, սակայն պետք է նկատի ունենանք, որ տեսչությունների լիազորություններում բարեփոխումներ անելու համար բավականին երկար ժամանակ է պահանջվում, արդյունքում սպառողները մնում են անպաշտպան»,- նշեց Սպառողների ասոցիացիայի նախագահը:
«Սոցիոմետր» անկախ սոցիոլոգիական կենտրոն ՍՊԸ տնօրեն, սոցիոլոգ Ահարոն Ադիբեկյանի գնահատմամբ` անալոգայինից թվային հեռարձակման անցնելու նախաձեռնությունը լավ քայլ է, սակայն վատ կատարված:
Նրա խոսքերով` անգամ ԱՄՆ-ում գոյություն ունի եթերային և կաբելային հեռուստատեսություն, հետևաբար քաղաքացիները, ելնելով իրենց սոցիալական վիճակից, կարող են ընտրել, թե որ ծառայությունից օգտվեն:
«Հայաստանում ևս պետք է ընտրության հնարավորություն լիներ, կամ գոնե անալոգայինը գործեր այնքան ժամանակ, քանի դեռ բոլորը կկարողանային ազատվել հին հեռուստացույցերից և ձեռք կբերեին նորը»,- ասաց նա` հավելելով, որ թվային կցուրդ սարքերի վաճառքը կարմիր գծերի նման ձեռնտու է ինչ որ մեկին և որոշեցին պարտադրել հասարակությանը:
- 20:03Պայքար՝ հանուն կրթության ոլորտի բարելավման, բուհի առաջընթացի ու զարգացման. Մովսես Խորենացու անվան համալսարանի ռեկտոր
- 12:51Խնդրում ենք ընթերցողների ներողամտությունը
- 10:01«Մենք պատրաստ ենք հրդեհը մարելուն». Մալաթիայի տոնավաճառում օբյեկտային վարժանք է անցկացվել
- 11:10Խորապես դատապարտում ենք Հայրապետի դեմ Փաշինյանի հրահանգով թիկնապահների և ոստիկանների ն գործողությունները. Սյունյաց թեմ
- 12:10Առկա է հրավիրվածների ցուցակ․ ՆԳՆ անվտանգության վարչության պետը՝ Վեհափառի մուտքը արգելելու մասին
- 13:20Պապ թագավորն այն առաքինության կերպարը չի, որ օրինակելի լինի, բայց Փաշինյանը նույնիսկ նրան հավասար չէ․ Միքայել Սրբազան
- 13:02Ախթալայում հանգուցյալին կհուղարկավորեն առանց դիահերձման` ինքնաշեն դագաղով
- 11:17Վանենք մեզանից կործանարար անտարբերությունը, փարատենք թշնամության ու ատելության մթնոլորտը. վեհափառի ուղերձը
- 11:29Հայաստանն ու Ադրբեջանն այսօրվանից Տավուշի հատվածում սահմանապահների են տեղակայում․ ԱԱԾ
- 11:10Պետականության մասին խոսող մարդն իր սեփական ժողովրդին չի խաբի․ մենք, որ ապրում էինք այդ պետականության ծնունդով ու երազանքով, իրենք չկային