Լրագրողների հետ զրույցում Գագիկ Ծառուկյանը նշեց, թե «բանկային համակարգերը դրանք լոմբարդներ են: Այսօր Հայաստանի որ քաղաքացին դիմեց  բանկային համակարգին, նա սնանկանում ա, բայց դա ստեղծված է, որ ժողովրդին բարեկեցություն տա, մարդուն հնարավորություններ տա, որպեսզի նա կարողանա աշխատի փող ձեռք բերի, որպեսզի կարողանա և բանկը փակի, և իր ընտանիքը պահի: Փոքր ու միջին բիզնեսին պետք է կարողանանք հարկերից ազատել: Եթե Ծառուկյանը կարողանում է 2000 հատ խանութ  կառուցի և անվճար տրամադրի, որպեսզի մարդը կարողանա շնչի»:

«Ազատություն» ռադիոկայանի  լրագրողի դիտարկումը, թե մարդիկ իրենք են կառուցել այդ խանութները, խիստ վրդովեցրեց Գագիկ Ծառուկյանին:

«Չէ, տղա ջան, ես եմ կառուցել, դու շատ սխալ ես ասում. ով որ քեզ հենց տենց պատրաստված ուղարկել ա ստեղ, ամոթ քեզ: Ես քեզ էսքանի ներկայությամբ ասում եմ՝ դու կարող ես գնալ, հարցնել՝ 5 միլիոնը ո՞վ ա դրել: Տղա ջան, մարդը իրա համար իր ա ռեմոնտը կատարել ա, բայց… Դու մուտիլովշիկ ես: Եթե այսօր ժողովրդի 90 %-ը տոկոսների տակ ա, հենց քո պատրաստած նյութերի պատճառովը: …Ես քո հարցին չեմ պատասխանում, որովհետև դու  պատրաստված շպիոն ես, որ եկել ես ստեղ… եթե քո բարեկամը կարիքի մեջ լինի, հոսանքի փողը չես տա, քո դեմքից երևում ա, բայց ես 2000 ընտանիքի  ասել եմ՝ ձեր ցավը տանեմ, աշխատեք»,-ասաց Ծառուկյանը: