Հայկական կողմի տրամադրած տեղեկատվությունը և ԵԱՀԿ Մինսկի խմբի համանախագահների հայտարարությունները տանում են զինադադարի ռեժիմն ամրապնդելուն. այսօր լրագրողներին ասաց ՀՅԴ Բյուրոյի Հայ դատի և քաղաքական հարցերի գրասենյակի ղեկավար Կիրո Մանոյանը՝ անդրադառնալով Ղարաբաղյան գործընթացում ստեղծված իրավիճակին և ԵԱՀԿ ՄԽ համանախագահների` Բաքու և Երևան կատարած այցերի հնարավոր հետևանքներին:
Մանոյանի խոսքով` հարցի կարգավորման ուղղությամբ,սակայն, էական քննարկումներ տեղի չեն ունենում: Նա նշեց, որ ամերիկացի համանախագահողը հայտարարել էր, որ դրական է գնահատում Ալիևի այն հայտարարությունը, որը կարգավիճակին էր վերաբերում:
«Ամերիկացի համանախագահողը փաստ է գնահատում, որ այդ հարցը քննարկվում է: Ղարաբաղում շատ է քննարկվել կարգավիճակի հարցը, բայց Ադրբեջանը մշտապես ընդդիմացել է կարգավիճակի մասին խոսելուն: Չնայած սրան՝ հարցի` ըստ էության կարգավորման ուղղությամբ նորություններ չկան»,- ասաց Մանոյանը, ապա հավելեց, որ մինչև տարեվերջ եթե անգամ Հայաստանի և Ադրբեջանի արտգործնախարարները հանդիպեն, այնքան էլ հավանական չէ, որ կհանդիպեն նաև նախագահները:
«Մենք պետք է հաշվի առնենք, որ համանախագահների քայլերը նպատակ ունեն հարցը կարգավորել, սակայն չեմ կարծում, որ մենք համանախագահներից կլսենք՝ սա մեղավոր է, նա մեղավոր է: Նրանք վիճակը համեմատում են ապրիլի հետ և ոչ թե խոսում հարցի կարգավորման մասին: Ադրբեջանի կողմից ամեն օր կա զինադադարի խախտում, այնպես չէ, որ ամեն ինչ հարթ է, բայց իրավիճակը համեմատում են ապրիլի հետ: Չափանիշն ապրիլը չէ, զինադադարի պայմանագիրն է և զինադադարի վերահսկելու նոր մեխանիզմների մշակումը»,- ընդգծեց Մանոյանը:
Նա նաև նշեց, որ եթե ադրբեջանական կողմը շարունակի սրել իրավիճակը սահմանին, հայկական կողմն անպայման կտա համարժեք պատասխան: «Հնարավոր է, որ իրավիճակը սրվի: Այնպես չէ, որ պատերազմը վերջացել է, մի օր էլ կարող է պատահել, որ Ադրբեջանի խախտումների պատճառով բռնկումներ լինեն»,- ասաց Մանոյանը՝ օրինակ բերելով` եթե, ասենք, ադրբեջանական կողմը պարբերաբար կիրառի հրթիռներ, հայկական կողմն ինքնըստինքյան պետք է պատասխանի, նրանք էլ գուցե հայկական կողմին պատասխանեն նորից, ինչն էլ կարող է ակամայից սրել իրավիճակը:
Խոսելով լայնամասշտաբ ռազմական գործողությունների հնարավոր վերսկսման մասին՝ Մանոյանն ընդգծեց, որ Ադրբեջանի կողմից ապրիլյանի նման հարձակում չի բացառվում, սակայն պետք է հիշել, որ նրանք ստացել են պատասխան և հենց իրենք են վազել Մոսկվա՝ ռազմական գործողությունները դադարեցնելու խնդրանքով: Բանախոսը, սակայն, շեշտեց, որ հայկական կողմն ամեն պարագայում պետք է զգոնությունը պահպանի: Իսկ զինամթերքի ցուցադրությանն էլ անդրադառնալով՝ կարծիք հայտնեց, որ այդ գործողությունն ավելի շատ կանխարգելիչ բնույթ ունի:
Հարցին` բանակցությունների շարունակման դեպքում ո՞ր փաստաթղթի հիման վրա են բանակցելու՝ Մադրիդյա՞ն, Կազանի՞, թե՞ այլ, Մանոյանը պատասխանեց. «Չեմ կարծում, որ հիմա ինչ-որ փաստաթուղթ կա, որի շուրջ ասելիքը պիտի լինի: Հիմնական սկզբունքներն են բոլորը: Օրվա պայմաններից ելնելով` հնարավոր է մեկ կետի վրա շեշտը դնեն, երկրորդը՝ պակասեցնեն: Այսպես կոչված` լավրովյան առաջարկները, փաստորեն, մնացին օդում, որովհետև այդ մթնոլորտը չկա: Բայց դա չի նշանակում, որ, օրինակ, հինգ ամիս հետո, երբ հարցի էությունն ուսումնասիրող բանակցությունները սկսվեն, պետք է սկսվեն Լավրովի առաջարկից»:
- 15:10Փաշինյանի ձեռքերը կթաթախվեն արյան մեջ, եթե ֆրանսահայը մահանա Երևանի օդանավակայանում
- 13:10ՀՀ կառավարության ղեկավարը թշնամուն է հանձնել ՀՀ ինքնիշխան տարածքը` ՀՀ քր. օրենսգրքի 421 և 418 հոդվածների հատկանիշներով
- 15:10Տավուշում դրվող սյուները անվտանգության երաշխիքի սյուներն են․ Փաշինյան
- 14:10Պուտինի օգնականն ասել է, որ Պուտինը մայիսի 8-ին Փաշինյանի հետ բանակցությունների ժամանակ բոլոր հարցերը կպարզաբանի
- 12:10Այս «պինգ-պոնգ» դիվանագիտության շրջանակում արդեն հաջողվել է Ադրբեջանի հետ համաձայնության գալ բազմաթիվ հարցերի շուրջ
- 11:10Փաշինյանը և Ալիևը չեն մասնակցի մայիսի 9-ին Մոսկվայում կայանալիք Հաղթանակի շքերթին. Պուտինի օգնական
- 15:10Մեկ է՝ վերջում Մանուկյանին, Քոչարյանին, Սարգսյանին, բանանի Միհրանին, Վանեցյանին են բերելու ցույց տան
- 11:10Սահմանազատման գործընթացը գաղտնի է և հատուկ դուրս է դրված իրավական մեխանիզմներով վերահսկողությունից
- 14:10Ցավում եմ, որ ՀՀ իշխանությունները շարունակաբար իջեցնում են նաև քաղաքական մշակույթի նշաձողը՝ խթանելով ներքին պառակտվածությունը, բևեռացվածությունն ու ատելության մթնոլորտը
- 14:10Գործող ռեժիմն ընդամենը սգո ծառայություններ է մատուցում. Ստեփան Դանիելյան
08.05.2024 | 15:10
08.05.2024 | 14:10
08.05.2024 | 13:10
08.05.2024 | 12:10
07.05.2024 | 15:10
07.05.2024 | 14:10
07.05.2024 | 13:10
07.05.2024 | 12:10
07.05.2024 | 11:10
06.05.2024 | 15:10
06.05.2024 | 14:10
06.05.2024 | 13:10
06.05.2024 | 12:10
06.05.2024 | 11:10
04.05.2024 | 15:10
04.05.2024 | 14:10
04.05.2024 | 13:10
04.05.2024 | 12:10
04.05.2024 | 11:10
03.05.2024 | 14:10
03.05.2024 | 13:10
03.05.2024 | 12:10
02.05.2024 | 15:10
02.05.2024 | 14:10
02.05.2024 | 13:10
02.05.2024 | 12:10
02.05.2024 | 11:10
01.05.2024 | 15:10
01.05.2024 | 14:10
01.05.2024 | 13:10
01.05.2024 | 11:10
23.04.2024 | 11:42
23.04.2024 | 11:06
13.04.2024 | 13:57
13.04.2024 | 13:26
13.04.2024 | 13:06
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.