Գերտերությունների լուռ համաձայնությամբ Բաքուն փորձեց զենքով ճնշում գործադրել հայկական կողմի նկատմամբ՝ զիջումներ ստանալու նպատակով:
Այս մասին NEWS.am-ի թղթակցի հետ զրույցում հայտարարեց ԼՂՀ Ազգային ժողովի փոխխոսնակ Վահրամ Բալայանը:
Նրա խոսքով, Ադրբեջանը երկար տարիներ ձգտում է Լեռնային Ղարաբաղի Հանրապետության իրավազորության ներքո գտնվող տարածքներից կտորներ պոկել: «Նպատակն է ադրեջանական ժողովրդին ցույց տալ, որ նրանք կարող եեն խնդիրը լուծել զենքի օգնությամբ: Նրանք միշտ իրենց ժողովրդին ասում են, որ բավականաչափ զենք ունեն, իրենց բանակն ամենաուժեղն է տարածաշրջանում, որ կարող են խնդիրը լուծել ռազմական ճանապարհով: Ապրիլյան ագրեսիայով Ալիեւի ռեժիմը փորձեց կյանքի կոչել իրենց իսկ ստեղծած առասպելը: Բայց կարծում եմ՝ նրանց դա չհաջողվեց»,- ընդգծեց Վահրամ Բալայանը:
Ըստ նրա, չնայած հայկական կողմը որոշակի կորուստներ կրեց, Ադրբեջանը, ամեն դեպքում, չհասավ նպատակին. մեծ կորուստներ կրելով՝ նրանք հասկացան, որ առաջ շարժվելն ու Ղարաբաղը գրավելն այնքան էլ դյուրին չէ:
«Ադրբեջանը նպատակ ուներ ստուգել հայկական կողմի պատրաստվածության մակարդակը, հոգեբանական ճնշում գործադրել խաղաղ բնակչության վրա եւ փորձել իրականացնել խնդիրը ռազմական ճանապարհով լուծելու նպատակը: Եվ պատահական չէ, որ նրանք ձախողվեցին՝ հրադադար խնդրելով: Այդ մասին է վկայում նաեւ Ալիեւի դեմքի արտահայտությունը Վիեննայի հանդիպման ժամանակ: Ակնհայտ էր, որ նրա երազանքը չիրականացավ»,- ամփոփեց Վահրամ Բալայանը:
Հիշեցնենք, որ մայիսի 16-ին Վիեննայում կայացավ Հայաստանի եւ Ադրբեջանի նախագահներ Սերժ Սարգսյանի եւ Իլհամ Ալիեւի հանդիպումը՝ Ռուսաստանի ԱԳ նախարար Սերգեյ Լավրովի, Ֆրանսիայի եվրոպական հարցերի պետքարտուղար Առլեմ Դեզիրի եւ ԱՄՆ պետքարտուղար Ջոն Քերրիի մասնակցությամբ:
- 15:10Կարող է լինել վիճակ, որ Իրանը ստիպված լինի գալ ու մեզ հետ ուս-ուսի տված կռվել թուրքերի դեմ.Վովա Վարդանով
- 13:10Ինչ առաջարկներ է ներկայացրել Հայաստանն Ադրբեջանին խաղաղության պայմանագրում. մանրամասնել է Արարատ Միրզոյանը
- 14:10Նոր ռազմական բախումը հավանական եմ համարում ցանկացած պահի. Ներսիսյան
- 11:10Հայաստանում դիտորդական առաքելության համազեկուցողները գաղտնազերծել են ԵԽԽՎ մոնիտորինգային խմբի եզրակացությունները
- 14:10Հայաստանն առավել լուրջ խնդիրներ ունի անվտանգության ուժերի կողմից խոշտանգումների, բանտային ծանր պայմանների, կամայական ձերբակալությունների, դատական անկախության ոլորտներում. Պետդեպ
- 13:10Ադրբեջանն իր ժողովրդին նախապատրաստում է պատերազմի, ոչ թե՝ խաղաղության
- 11:10Ադրբեջանը պատրաստվում է սադրանքի. կանխավ հայտարարություն են տարածել
- 15:10Եթե Բաքուն փորձի ռազմական գործողություն սկսել հայ-իրանական սահմանին, Իրանն այլընտրանք չի ունենա, քան միջամտելը.իրանագետ
- 14:10Գերմանիայի թուրք և քուրդ մտավորականներ․ «Պահանջում ենք, որ Ադրբեջանն ու Թուրքիան իրենց ձեռքերը քաշեն Արցախից»
- 15:10Ադրբեջանի հետ խաղաղության բանակցությունները փակուղում չեն, բայց դա չի նշանակում, որ հերթական սադրանք անելու համար Ադրբեջանին դա կարող է զսպող գործիք լինել