Ադրբեջանցիները հայկական սփյուռքի դեմ Եվրոպայում երկու հոգանոց ցույցեր անելուց հետո, հիմա իրենց զայրույթը թափում են վրացիների վրա:
Հայկական սփյուռքի բողոքի արդարացի ակցիաները սադրանք որակելուց հետո, ադրբեջանցիները սլաքներն ուղղել են դեպի Թբիլիսի:
Պատճառն այն է, որ Թբիլիսում տեղի ունեցող Expo Georgia 18-րդ միջազգային զբոսաշրջային ցուցահանդեսին, որին մասնակցում են ավելի քան 100 կազմակերպություններ` Հայաստանից, Վրաստանից, Թուրքիայից, Բելառուսից, Ուկրաինայից, Ինդոնեզիայից, Թայլանդից և Էստոնիայից, Ադրբեջանը ներկայացված չէ,Թբիլիսիի քաղաքապետն էլ զրուցել է հայերի հետ:
Ադրբեջանական մամուլը գրում է, որ Հայաստանն այդ ցուցահանդեսի ներկայացված է մի քանի կազմակերպություններով: Ադրբեջանցիներին զայրացրել է այն փաստը, որ հայկական տուիստական գործակալությունները, որոնք ներկայացված են Expo Georgia-ին, ուղևորություններ են կազմակերպում դեպի Լեռնային Ղարաբաղի Հանրապետություն, հայկական սրահում պատկերված է ԼՂՀ դրոշը:

Ադրբեջանական Vesti.az-ն այդ հարցով դիմել է անգամ ցուցահանդեսի մենեջեր Գեորգի Նադարելիշվիլիին, ով պատասխանել է. «Զբոսաշրջության ցուցահանդես քաղաքական իրադարձություն չէ , և մենք չունենք մասնակցին վերահսկելու իրավունք»:
Սակայն, լրագրողն այդքանով չի բավարարվել և խառնել է ամեն ինչ:Նա հարցրել է, թե ինչպիսին կլիներ Վրաստանի վերաբերմունքը, եթե Բաքուն տուրիստական ուղևորություններ ցուցադրեր դեպի Օսեթիա կամ Աբխազիա: Նադարելիշվիլին պատասխանել է, որ հաճելի չէր լինի:

Բայց սա դեռ ամնեը չէ: Ադրբեջանցիներին հունից հանել է այն, որ Թբիլիսիի քաղաքապետ Դավիթ Նարմանիան այցելել է հայկական սրահ, զրուցել Հայաստանի ներկայացուցիչներ հետ, իսկ Հայաստանի ներկայացուցիչները Թբիլիսիի քաղաքապետին ներկայացրել են զբոսաշրջությանը վերաբերող փաստեր և Հայոց ցեղասպանության վերաբերյալ գիրք նվիրել:

Այստեղ արդեն ադրբեջանական մամուլը « հետևություններ» է արել իր եղբայրական պետության քաղաքականության վերաբերյալ և հիշեցրել, որ հայերը « սադրանք» են իրականցնում մի երկրում, որտեղ ադրբեջանցիները հսկայական գումարներ են ծախսում, որտեղ ադրբեջանցիները ներդրումներ են անում, այն երկրում, որի տարածքային ամբողջականությանը կողմ է Ադրբեջանը:
Հայկական տուրիստական ընկերությունների ուղղակի ցուցադրությունը ադրբեջանցիներին իրենց մի քանի տասնամյակի պատմությունը հիշեցրել է:

Աղբյուրը  zham.am