ՀՀ Զինված ուժերի ավիացիայի վարչության պետ, գեներալ-մայոր Ավետիք Մուրադյանը ներկայացրեց հայկական կողմի կողմից խոցված ադրբեջանական ՄԻ-24G ուղաթիռից վերցված փաստաթղթերը, որոնք ցույց են տալիս, թե թշնամին ինչ ցանկություններ և պլաններ է ունեցել։

«Տվյալ ուղղաթիռը հնարավորություն ունի կիրառելու հակատանկային միջոցներ, կիրառելու ոչ կառավարվող ավիացիոն հրթիռներ, քանակով մինչև 80 միավոր, Հարավաֆրիկյան պետության կողմից արտադրված հրանոթով, որը կարող է կիրառել մինչև 800-850 արկեր»,-հայտնեց Զինված ուժերի ավիացիայի վարչության պետ, գեներալ-մայոր Ավետիք Մուրադյանը: Ավետիք Մուրադյանը: Կա քարտեզ, որտեղ օդաչուի կողմից նախօրոք՝ թռիչքից առնվազն երկու օր առաջ ստացել է խնդիր մարտական թռիչք իրականացնելու համար:

Օդաչուներից մեկի մոտից վերցված գրքույկում արված են գրառումներ, որը արվել է մարտի 31-ին. «Սև արկղը դեղին գույնի է: Գրված է՝ օդաչուն պետք է իրականացնի Թռիչք Բաքվի տարածքում գտնվող Կալա օդանավակայանից վերաթռիչք դեպի Քյուրդանի ռազմական օդանավակայան: Գրված է, որ ինքn իրականացրել է շարժիչների երկու թողարկում՝ մեկը 6 րոպե, մյուսը՝ 11 րոպեի ընթացքով, ընդհանուր ծախսել է 148 լիտր ավիոկերասին:

Ավետիք Մուրադյանն ասաց, որ սև արկղի բացվածք կա, որի միջոցով հնարավոր է դարձել պարզել, որ օդաչուն թռիչքն իրականացրել է շատ լարված վիճակում, որի արդյունքում ինքն ունենալով կառավարվող հակատանկային միջոցներ, չի կիրառել, կիրառել է միայն թնդանոթը, ձգանը պահել մոտ երկու րոպե, և այդպես սեղմած պահած վիճակում խոցվել է մեր տղաների կողմից:   Նշվեց նաև, թե հակառակորդի երկրորդ ուղղաթիռի խոցման հստակ ապացույցներ չունեն, բայց կան ադրբեջանական կողմից ներկայացված փաստերը, թե քանի օդաչու է հուղարկավորվել, ինչից հետևություն է արվում, որ խոցվել է երկու ուղղաթիռ: