Ռազմական հետազոտություններով զբաղվող “Global Firepower” կազմակերպությունը կազմել է աշխարհի 126 երկրների ռազմական հզորության ցուցակը:

Թուրքական «Cihan» լրատվական գործակալության վկայությամբ՝ կազմակերպության պաշտոնական կայքում տեղ գտած 2016թ. զեկույցի համաձայն Թուրքիան նշյալ ցուցակում 10-րդ հորիզոնականում է:

Վարկանիշային աղյուսակը կազմվել է՝ հաշվի առնելով երկրների ակտիվ ռազմական անձնակազմի թիվը, ռազմական մեքենաների քանակը, պահեստազորի քանակը, բանակը, ռազմական ոլորտում կատարվող ծախսերը:

Համաշխարհային ռազմական ուժերի ցուցակում Հայաստանը գրավել է 74-րդ, Վրաստանը՝ 75-րդ, Ադրբեջանը՝ 64-րդ տեղը:

Իսկ  ռազմական հզորությամբ աչքի ընկնող երկրների լավագույն տասնյակն ունի հետևյալ տեսքը.

1.      ԱՄՆ

2.      Ռուսաստան

3.      Չինաստան

4.      Հնդկաստան

5.      Անգլիա

6.      Ֆրանսիա

7.      Հարավային Կորեա

8.      Գերմանիա

9.      Ճապոնիա

10.  Թուրքիա

ԱՄՆ-ի զինանոցում առկա է 8.848 տանկ,  41.062 զրահամեքենա, 1.331 հրթիռանետ համակարգ, իսկ ռազմական բյուջեն կազմում է 581 մլրդ դոլար:

Ռուսաստանի զինանոցում առկա է  15398 տանկ,  31298 զրահամեքենա, 3.793  հրթիռանետ համակարգ, իսկ ռազմական բյուջեն կազմում է  46 մլրդ 600 մլն դոլար:

Չինաստանն ունի 9.150 տանկ, 4.788 զրահամեքենա, 1.770 հրթիռանետ համակարգ, իսկ ռազմական բյուջեն կազմում է 155 մլրդ 600 մլն դոլար:

Թուրքիան ունի 3.788 տանկ, 7.550 զրահամեքենա, 811 հրթիռանետ համակարգ, իսկ ռազմական բյուջեն կազմում է 18 մլն 185 հազար դոլար: