ՀՀ Էկոնոմիկայի նախարարության զբոսաշրջության վարչության պետ Մեխակ Ապրեսյանը ասուլիս էր հրավիրել, որի ընթացքում խոսել է զբոսաշրջության ոլորտի մասին: Ոլորտ, որը կարելի է ասել՝ տարիներ շարունակ լինելով բարձիթողի ու կամայական մոտեցման վիճակում, առանձին տուրօպերատորների կամյականությունների դաշտում է գոյատևում, Հայաստանի և հայկական զբոսաշրջության մրցունակության խնդիր առհասարակ դրված չէ, ինքչան էլ Ապրեսյանը պնդի, որ մրցունակության բարձրացումն ու պահպանումն է իրենց գերխնդիրը:
«Այդ ուղղությամբ ունենք մի շարք լուծելու խնդիրներ՝ ապահովվել ծառայությունների որակը թե՛ ենթակառուցվածքներում, թե՛ մարդկային ռեսուրսներում»,-ասում է Ապրեսյանը՝մոռանալով, որ հայկական տուրիզմն առաջընթացի ոչ մի քայլ չի կատարում: Հայաստանի ներգնա տուրօպերատորները տարիներ շարունակ բողոքում են, որ պետական մակարդակով ոչինչ չի արվում՝ սկսած ճանապարհային խնդիրներից, վերջացրած չաշխատող բիոզուգարաններով:
«2015 թվականին կառավարությունը հաստատեց քարանձավները զբոսաշրջության նպատակով օգտագործելու ծրագիրը: Խոսքը, մասնավորապես, Մագելի քարանձավի մասին է: Շատ կարևոր է քարանձավները դարձնել ավելի գրավիչ: Մենք այդ ռեսուրսն ունենք։ Համագործակցելով տեղական ինքնակառավարման իրավասու անձանց և մասնավոր հատվածի հետ՝ պետք է ամեն ինչ անենք, որ զբոսաշրջության այդ ուղղությունը զարգացնենք ու ընդլայնենք »,-ասում է Ապրեսյանը:
Ստացվում է, որ մնացել ենք քարանձավների հույսին: Մյուս ուղղությունները՝ ասենք փակովի- բացովի ջրվեժները, ցեխի ու քարի մեջ կորած սրբավայրերի ճանապարհների հարցը, քանդվող ու խոնարհվող եկեղեցիները, անհամաչափ գները, չկանոնակարգված մոտեցումները, որոնք վանում են զբոսաշրջիկներին… և այսպես կարելի է երկար շարունակել։ Տուրիզիմի վարչության նկրտումները լուրջ չեն ընկալվում:
Ըստ նրա, նոր շուկայի հեռանկար կա Իրանի, Չինաստանի հետ ակտիվ համագործակցության ակնկալիքով: «Շատ լավ համագործակցության հեռանկար է բացվում նաև Իրան-Հայաստան-Վրաստան հարթակում»,-ասում է զբոսաշրջության վարչության պետը:
Սա թերև մի փոքր այլ կերպ պետք էր ձևակերպել. Չինատանի, կամ Իրանի հետ մեր առևտրականների միջոցով թվեր նկարելն ու համագործակցությունը որպես տուրիզմ ներկայացնելն ազնիվ չէ: Նմանապես ազնիվ չէ հայտարարել, որ Հայաստան այցելող զբոսաշրջիկների շուրջ 45 տոկոսը բաժին է ընկնում ՌԴ-ին:
Աննա Գրիգորյան
- 15:10Նիկոլ Փաշինյանը Սուրբ Գիրքն ընկալում է աղանդավորական մեկնություններով. Տիգրան քահանա Բադիրյան
- 13:10Ադրբեջանը խլացնում է Արցախի բջջային կապի և համացանցի հասանելիությունը. Արցախի ՄԻՊ
- 13:10Ես չեմ պատմելու, թե ինչպես էր Աննա Հակոբյանը բունկերում գոռում՝ «ուզում ա 5 հազար մարդ մորթվի․․․»․ Միքայել Մինասյան
- 15:102020թ. հուլիսի 1-ից կավելանա մինչև 2 տարեկան երեխաների խնամքի համար տրվող նպաստը՝ 18.000-ի փոխարեն՝ ծնողները կստանան 25.500 դրամ
- 14:106 անգամ բարձրացնելու ենք առաջին երեխայի ծննդյան միանվագ նպաստը՝ 50 հազար դրամից այն դարձնելով 300 հազար դրամ
- 14:10Թուրքիա-Նախիջևան թռիչքների համար Հայաստանի կամ Իրանի օդային տարածքն այլևս չի օգտագործվի
- 12:10Բոլոր զորամասերն 100%-ով ապահովված են ռազմական տեխնիկայով եւ զինամթերքով. ՊԲ N միավորման հրամանատար
- 11:10Հայաստանի լիակատար շրջափակման հեռանկարը. Ինչ զարգացումներ կարող են լինել
- 12:10Ադրբեջանցի գործիչների երեւակայությունը մոլեգնում է. ԼՂՀ ՊՆ
- 15:15Արցախի ՊՆ-ի կոը՝ անվերապահորեն կատարել հրադադարի պահպանման շուրջ պայմանավորվածությունը