Երևան քաղաքի բնակիչ Արմեն Եփրեմյանը էլեկտրաէներգիայի հաշվիչների աշխատանքի վերաբերյալ փոքրիկ մոնիտորինգ է իրականացրել իր թաղամասում:
«Հաշվիչում նշված ժամն ու իրական ժամը չեն համապատասխանում միմյանց: Ամենաքիչ տարբերությունը եղել է 15 րոպե, գրանցվել է 2, 3 ժամի տարբերություն: Բոլորն աշխատում են ի վնաս բնակչի, հօգուտ ՀԷՑ-ի: Մենք այստեղ միտում ենք տեսնում, որ դա եղել է ոչ պատահական կերպով, այլ նպատակային հետ են տալիս ժամերը»,-Panorama.am-ի հետ զրույցում իր անցկացրած մոնիտորինգի արդյունքները ներկայացրեց Ա. Եփրեմյանը:
Նա հիշեցրեց, որ էլեկտրաէներգիայի համար սահմանված են գիշերային ու ցերակային սակագներ: Ժամային կարգավորումների խախտված լինելու հետևանքով բնակիչ բաժանորդները տուժում են:
Ա. Եփրեմյանի մոտ կասկածներն առաջացել են այն բանից հետո, երբ էլեկտրաէնեգիայի համար սկսեց ավելի շատ վճարել.
«Ընդհանրապես վճարում էի ամսական 7 հազար դրամ, թանկացումից հետո ստաբիլ վճարել եմ 13-14 հազար դրամ, արդեն մի քանի ամիս վճարում եմ 22-23 հազար դրամ: Ես սկսեցի ուսումնասիրել, արդյո՞ք կան հաղոնցումներ, որտե՞ղ կարող են լինել կորուստներ: Հաղորդալարերով եկա մինչև հաշվիչ: Օրինակ, մեր տան հաշվիչի ժամային տարբերությունը մեր փողոցում ամենաքիչն էր՝ 1 ժամ 20 րոպե: Դա նշանակում է, եթե մարդը աշխատանքից տուն է գալիս, նախատեսում է հարդուկ, լվացք անի ուշ ժամի՝ մտածելով ավելի էժան է լինելու, բայց փաստացի թանկ գնով է վճարելու»:
ՀԷՑ պաշտոնական կայքում նշվում է, որ սահմանված գիշերային սակագինը հաշվարկվում է սպառողի մոտ բազմասակագնային էլեկտրոնային հաշվառման սարքի առկայության դեպքում և գործում է`
1) ժամը 22.00-ից մինչև ժամը 06.00-ն՝ յուրաքանչյուր տարվա մարտ ամսվա վերջին կիրակի օրվա ժամը 02.00-ից մինչև հոկտեմբեր ամսվա վերջին կիրակի օրվա ժամը 03.00-ն,
2) ժամը 23.00-ից մինչև 07.00-ը՝ յուրաքանչյուր տարվա հոկտեմբեր վերջին կիրակի օրվա ժամը 03.00-ից մինչև մարտ ամսվա վերջին կիրակի օրվա ժամը 02.00-ն:
Արմեն Եփրեմյանի մոնիտորինգի արդյունքում երեք հարևանների հետ դիմում է ներկայացրել ՀԷՑ ընկերությանը: Պատասխան ստանալու՝ օրենքով նախատեսված ժամկետը դեռ չի լրացել: Այս ընթացքում ընկերությունից որևէ արձագանք չի ստացել:
Արմեն Եփրեմյանը մտադիր է մոնիտորինգը շարունակել տարբեր վարչական շրջաններում՝ հասկանալու խնդիրը համատարած բնույթ ունի, թե ոչ:
ՀԷՑ ընկերության մամուլի խոսնակ Նատալյա Սարջանյանը Panorama.am-ի հետ զրույցում ասաց, որ ընկերությունը ժամային կարգավորումների խախտված լինելու վերաբերյալ Երևան քաղաքի բնակիչներից նոյեմբերին ստացել է 5, դեկտեմբերին՝ 19, հունվարին՝ 2 բողոք:
«Ի դեպ նշեմ, որ դրանց մեծ մասի շեղման արդյունքում ոչ թե բաժանորդը, այլ ՀԷՑ-ն է վնաս կրել»,-նշեց Սարջանյանը:
Ընկերության մամուլի քարտուղարը պնդում է, որ ժամային կարգավորումները խախտված լինելու հարցում ընկերությունը միտումնավոր որևէ բան չի անում:
«Շեղումը հաշվիչում եղած մարտկոցների աշխատանքի հետևանք է: Երբ հոսանքն անջատվում է, այդ ընթացքում լիցքավորում չի իրականացվում, դրանք սկսում են չաշխատել: Հիմա այդ ուղղությամբ ենք աշխատում՝ հասկանալու, թե ինչ կարելի է անել»,-ասաց ընկերության ներկայացուցիչը:
Սարջանյանի խոսքով, քանի որ ընկերությունում տեղյակ են խնդրի մասին, բոլոր մասնաճյուղերին հանձնարարվել է, որ տեսուչներն անընդհատ հետևեն ժամերին:
«Անկախ նրանից, մարդը դիմում է, թե ոչ, մեր աշխատակիցները հետևում են»,-ավելացրեց նա:
Արմեն Եփրեմյանը հակադարձում է, որ եթե նույնիսկ ընկերության մեղքով չի եղել սխալմունքը, ապա պատասխանատուն ՀԷՑ-ն է:
«Ես մեր տեսուչին ասացի խնդրի մասին: Նա ասաց, որևէ բան անել չի կարող: Ասաց՝ դու գնա դիմում գրի, տար լաբորատորիա, դա նշանակում է՝ փող ծախսի, ժամանակ ծախսի: Եթե հաշվիչն իմը չէ, այն գտնվում է փողոցում, համարվում է ՀԷՑ-ի սեփականությունը»,-ասաց նա:
Քաղաքացին կոչ է անում բոլորին ստուգել հաշվիչներն ու ընկերությունից պահանջել անհապաղ ուղղել ժամանային կարգավորումները, ինչպես նաև իրականացնել հետհաշվարկ հաշվիչի տեղակայման օրից մինչ այսօր, գնահատել վնասի չափը դրամային արտահայտությամբ և փոխհատուցել:
Դիմումում նշված պահանջները չբավարարելու դեպքում քաղաքացին մտադիր է դիմել առաջին ատյանի ընդհանուր իրավասության դատարան:
Աղբյուրը .panorama.am/
- 15:10Արտառոց դեպք՝ Երևանում. Մալաթիայում գործող «Սուրբ Աստվածածին» եկեղեցու բակում հայտնաբերվել է 5 օրական երեխա
- 14:10Շտապօգնության տնօրենը պարզաբանում է բուժակի հետ կապված միջադեպը
- 15:10Առեղծվածային դեպք՝ Երևանում. տան հյուրասենյակում 17-ամյա աշակերտի մարմին է հայտնաբերվել
- 11:10Ոստիկանությունն ուժ գործադրելու լեգիտիմ իրավունք պետք է ունենա․ Նիկոլ Փաշինյան
- 14:10«Ես գողական կյանքով ապրող եմ, պարտքի մնացած գումարը ինձ պետք է տաք». Գեղարքունիքի բնակիչը սպառնացել է ընտանիքին
- 13:06Արարատի մարզում հայտնաբերվել է 36 կգ ոսկի գողություն կատարող կասկածյալներից մեկը․ գտնվել է գողոնի մի մասը
- 13:56Ավազակություն՝ հոր և որդու կողմից. հոր գործը ուղարկվել է դատարան, իսկ որդին ինքնասպան է եղել՝ նռնակ պայթեցնելով
- 13:10Մարտական հենակետում երեք զինծառայողի սպանության գործով դիրքի ավագի պաշտպանը դիմել է ՄԻԵԴ
- 12:10Հայկազ Բարսեղյանի սպանության գործով ամբաստանյալները դատապարտվեցին 18 տարի ազատազրկման
- 14:108,800 դոլարի և 5 մլն դրամի կաշառք ստանալու համար մեղադրվող պաշտոնյաների վարույթի նյութերն ուղարկվել են դատարան
18.05.2024 | 15:10
18.05.2024 | 14:10
18.05.2024 | 13:10
18.05.2024 | 12:10
18.05.2024 | 11:10
17.05.2024 | 15:10
17.05.2024 | 14:10
17.05.2024 | 13:10
17.05.2024 | 12:10
17.05.2024 | 11:10
16.05.2024 | 15:10
16.05.2024 | 14:10
16.05.2024 | 12:10
16.05.2024 | 11:10
15.05.2024 | 15:10
15.05.2024 | 14:10
15.05.2024 | 13:10
15.05.2024 | 12:10
15.05.2024 | 11:10
14.05.2024 | 15:10
14.05.2024 | 14:10
14.05.2024 | 13:10
14.05.2024 | 12:10
14.05.2024 | 11:10
13.05.2024 | 14:10
13.05.2024 | 13:10
13.05.2024 | 12:40
13.05.2024 | 12:10
13.05.2024 | 11:06
13.05.2024 | 11:04
11.05.2024 | 15:10
11.05.2024 | 14:10
11.05.2024 | 13:10
11.05.2024 | 12:10
11.05.2024 | 11:10
10.05.2024 | 15:10
10.05.2024 | 14:10
10.05.2024 | 13:10
10.05.2024 | 12:18
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.