Որո ՞նք են հիմնական պատճառներն ու խնդրի լուծման տարբերակները

  Մշտապես սառը ձեռքեր և ոտքեր. այս խնդիրը նկատելի է գրեթե բոլոր կանանց և աղջիկների շրջանում: Անգամ ամենաշոգ եղանակին կարելի է նկատել, որ նման մարդկանց վերջույթները սառն են: Երեխաների դեպքում  սառը ձեռքերը խոսում են այն մասին, որ լավ ցրտահարվել են կամ հիվանդացել: Նորածինների մոտ սառը ձեռքերը բնական երևույթ է: Նրանց մոտ դեռ զարգացած չէ ջերմակարգավորումը: Գիտնականները պարզել են, որ կանանց օրգանիզմում ջերմակարգավորումը ավելի թույլ է, քան տղամարդկանց մոտ:
Room.n9-ը Ձեզ է ներկայացնում հանգամանքներ, որոնք կարող են սառը ձեռքերի պատճառ լինել:
Վեգետատիվ-անոթային դիստոնիա:

Սա լայն տարածում ստացած հիվանդություն է, որին ավելի հակված են մեծ քաղաքների բնակիչները,քան գյուղերում ապրողները: Այս հիվանդությունն ուղեկցվում է գլխացավերով, արագացած սրտի զարկերակով, քնկոտությամբ: Այս հիվանդությունն ունեցողների մոտ հաճախ են պատահում մշտապես սառը ձեռքեր և ոտքեր:
Երկաթի պակաս:

Երբ օրգանիզմում բավարար քանակությամբ երկաթ չկա, մարդ ավելի շուտ է ծախսում տաքությունը և սառչում է:
Ցածր կալորիականությամբ սնունդ:

Ձեռքերի և ոտքերի մշտական սառնությամբ են տառապում հիմնականում այն կանայք, ովքեր անդադար հետևում են դիետաների: Ամեն օր օրգանիզմը պետք է ստանա բավական չափով ճարպ,սպիտակուց, ածխաջուր և այլ միկրոէլեմենտներ:

Այս խնդրից խուսափելու կամ ազատվելու համար բժիշկները խորհուրդ են տալիս`

1.Ուժեղացնել սննդակարգի հսկողությունը:

2.Առավոտը սկսել մարմնամարզությամբ:
3. Դադարել ծխելը:

4. Հրաժարվել շատ կիպ հագուստից(այն հագուստները, կոշիկները, որոնք ճնշում են մաշկը, խաթարում են ջերմափոխանակումը):

room.n9.am